KUKAMI AKINIU 3:7 - Sumi Naga CL (Re-edited) Bible (BSI)

⁷ Pa no Judah kükau Jehoshaphat lau asütsa tsüpuwu, “Moab kükau no I sasü kumjo ani. No ye I gholo süno pa sasü aghü shini ma?” Jehoshaphat no pi, “Ni ye wuni. Nikujo ye atho, Iw timi no ow timi tho, eno Iw khurshiqo ye ow khurshiqo thoke.”

BAIBEL (BSI)

⁷ Pano Juda lo akukau Jehosafat lau asutsa ishi tsupuwu, “Muab lo akukau no isasu kumjo ani; noye igholo sughi pa sasu aghushi nima?” “Niye pulo ani, niye ogholo ani, tihutoi iwu timiqo eno iwu khurshi kumtsu kutope khe ani.

KUKAMI AKINIU 3:7 Iomraidhean Croise

KUKAMI ATUGHIU 22:4

Ahab no Jehoshaphat vilo pi, “No ye I sasü Ramoth-gilead lewu nima?” Jehoshaphat no Israel kükau vilo pi, “Ni ye no ampi thoke, Iw timi eno Iw khurshimi ye ow paphi ke.”

KUKAMI AKINIU 13:20

Tithiu Elisha ye thive eno qhove. Ampe atsütsü tsülü tusho lono Moabmi loji no Israelmi leighi che.

KUKAMI AKINIU 3:6

Ikehu akükau Joram no Samaria lono chesü Israelmi kümtsü hekütsü luve.

KUKAMI AKINIU 3:8

Tishino pa no pi, “Ningu ye khipa laghi lono wuni kea?” Joram no khochile, “Edom sayeqha lono wuni.”

KUKAMI AKINIU 3:9

Ikehu Israel kükau no Judah kükau ngo Edom kükau sasü chewu. Kughou panongu no atsala tsüni ala cheve keno, ghüshimi ngo pano papemi eno lhoxüqo ghenguno azü kühave.

YEKIKITHI AKINIU 18:3

Israel kükau Ahab no Jehoshaphat vilo pi, “No ye I sasü Ramoth-gilead lewuni ma?” Jehoshaphat no khochile, “Ni ye no ampi thoke, Iw timiqo ye ow timiqo thoke. Ningu no o gholo aghüshi lo wuni.”

YEKIKITHI AKINIU 19:2

Ikemu Hanani nu tungkupu Jehu no akükau sasü kushoni ye ighi no pi, “No ye kixikilami kuphu eno Ampeu mithi chekemi kimiye masave keshea? Hi ghenguno Ampeu loghu o shou ighivae.