KUKAMI AKINIU 3:25 - Sumi Naga CL (Re-edited) Bible (BSI)

²⁵ Panongu no mishighünaqo kütsave tsü, eno timi kümtsü pütüta müzülo atu pesü ayeghi kivi kümtsü lo vesüpe chhitoive tsü; panongu no azüpuki kümtsü mikeve tsü, asübo kivi kümtsü yeqhive tsü, eno ashekha loye Kir-hareseth lo atu likhive, tighi hevüla kighi kipemi no homxape leluve.

BAIBEL (BSI)

²⁵ Panonguno taunqo kumtsu shipusavetsu eno timi kumtsu pututa sheamzulo atupesu aghuma luqa sholukeulo vesukeuno chhitoive; tishino panonguno azupuki kumtsu mike khavetsu eno axathi subo kumtsu yeqhivetsu. Ashekhalo aphughi shi akeu Kir-Heres likhi qhive ikemu tighi hevula kighi kipemiqono ti homxapesu ngoluveno le thuve.

KUKAMI AKINIU 3:25 Iomraidhean Croise

BOTHUBO 26:15

(Philistiami no azükikhe papu Abraham ghuloki lono aqemiqo no chhuphe keqo kümtsü ayeghi pesü venhave tsü.)

BOTHUBO 26:18

Isaac no itaghi azükikhe pa pu Abraham ghuloki lono chhu keqo, khikhi Philistiami no Abraham thive kethiu no lakhave tsü keno, tipaqo chhu kithe. Eno pa pu Abraham no kutsü ketoi pa no tipaqo je kutsü.

SAMUEL AKINIU 8:2

Pa no Moabmi ghi theqhive. Pa no panoqo pelo ayeghi lo ikiqi züvepe no akighi lakhi pesü panoqo mighive. Akimghi kini shi aghi keqo thaqhü pithive, eno akimghi aküthüu ye xüluvepe. Ikehu Moabmi no David qholo xüuve eno zame süghi no tsüche.

KUKAMI AKINIU 3:19

eno nongu no aliwo kumto mishighüna ngo mishighüna kivi kümtsü leluve nani, asübo kivi kümtsü yeqhilu khave nani, azüpuki kümtsü mike luve nani, eno ayeghi kivi kümtsü atu pesü chhitoi ghesüpe qhivetsü nani.”

KUKAMI AKINIU 3:24

Ikemu kughou panongu no Israelmi ghazü tolu keno, Israelmi no ithu Moabmi ghiqhi thuve eno Moabmi pelo pano zülono povepe. Israelmi no Moabmi ghiqhisü azüu hawu.

KUKAMI AKINIU 3:26

Kughou Moab kükau no pa ye aghü tolu moveni chenipi ithive keno, pa no azütakikihi kipemi pano 700 sawu no Edom kükau ghüngü lono shoxüsü ipeni ye shi, ikemu shimlave.

YEKIKITHI AKINIU 32:4

Timi kütsasa kumqo no panongu no azüpuki eno aghoki aghakhu qhalo qowu akeu kümtsü lakhave tsüno pi, “Kushiye Assyria kükau pelo ighi no azü ililai ithulu peni kea?”

ISAIAH 15:1

Moab ghenguno pimhelu keu tsape. Moab ye pighivae, kughengu Ar ye kijili lakhi lono kütsavae, Moab ye pighivae, kughengu Kir ye kijili lakhi lono kütsavae.

ISAIAH 16:11

Tighenguno I mlo, I ngulho no küghaküsü lebo toi Moab ngo Kir-hareseth jupe igha anie.

ISAIAH 16:7

Tighenguno Moabmi ye Moab pighive keu ghenguno qalo. Kir-hareseth lo atsaikipki sho kümsüqhiyi mloqa alo.

JEREMIYA 48:31

Ikehu I no Moab ghenguno mloqa ani; Moabmi kümtsü ghenguno mloqa ani; Kir-hareseth ghenguno mloqa ani.

JEREMIYA 48:36

Ikehu I mlo ye Moab ngo Kir-hareseth ghenguno fulili igha aketoi mloqa ani. Kughengu pano kinikülü ye pühavae.

ZAKINIU 2:9

Ampeu no I vilo pi, ‘Moabmi sasü aghüshi kevilo, kughengu I no Ar pesü Lot mheghi shitsü kehu Ni ye pano yeghi kitilamu nongu tsümo nani.’

XAKUTHAMI 9:45

Abimelek no tipa tsala kupuju aphughi lo akeqo sasü aghü shino tile küghüna akeqo heqhi pithive; pa no aphughi tipau kütsave tsüno amti pesü jonhave tsü.