KUKAMI AKINIU 25:25 - Sumi Naga CL (Re-edited) Bible (BSI)

²⁵ Ikemu aqhi akütsüniu loye kükami lagha lono ighi kemi, Elishama nu Nethaniah nu Ishmael no pa gholo timi chighi sasü Mizpah lo ighi no Gedaliah ghiqhive eno pa gholo Jewmi ngo Chaldeami akeqo ghi pithive.

BAIBEL (BSI)

²⁵ Ikemu tipa mpelo aqhi akutsuniu lono Nethaniya nu Ishmael eno Elishama tilimi, kije lagha lono ighikeu kibolomi huno pa gholo timi chighi sasu Gedaliya le ighino pa pithive. Pano Israilmi ghi eno Babilonmi Gedaliya gholo ngo aghikeqo ghi heqhivetsu.

KUKAMI AKINIU 25:25 Iomraidhean Croise

KUKAMI AKINIU 11:1

Kughou Ahaziah paza Athaliah no li nu thive keu sütsa chilu keno, li no akükau kibolomi kümtsü pithive.

KUKAMI AKINIU 25:24

Gedaliah no ashoqhi shi panongu vilo pi, “Chaldeami hiyampemi msa kevilo. Aghakhu lo xüno Babylon kükau huthu lo, nongu ghenguno akivi shinani.”

JEREMIYA 40:15

Ikehu Johanan no tuqhou no Mizpah lono Gedaliah pütsa, “Kimiyeno I pelo wuno Nethaniah nu Ishmael heqhive pelo eno khuu pelomu ithipe kevilo. Kushiye pa ye o küxü luve tsüno Jewmi o sümxape akeqo pelo apanaghave pe, eno Judah lo ghükulumi pelo pühave peniye ani kea?”

JEREMIYA 41:1

Tipa mpe aqhi akütsüniu lo aküka kibo lono ighi kemi Elishama nu, Nethaniah nu Ishmael, akükauw kijemi atomi gholo lakhi no pa gholo timi chighi sasü Gedaliah pütsani ye Mizpah lo ighi. Panongu kümtsa aghulhu shiake lono,

JEREMIYA 41:2

Nethaniah nu Ishmael ngo pa gholo timi chighi chekeqo no panoqo zütakikihi süjope Babylon kükau no süsü keu angh Gedaliah ghiqhive.

JEREMIYA 41:3

Ishmael no Mizpah lo Judah timi khije Gedaliah gholo aghi keno kümtsü ghiqhive eno Chaldeami ghüshimi tilehi akeqo ghi ghiqhi khave.

ZEKHARIA 7:5

“Aghakhu lo timi eno achinemi vilo pilo, ‘Kughou nongu no ampe lhotsüni kutolo aqhi apunguu eno akütsüniu lo kümvü eno mloqa keno, nongu ye I ghenguno kümvü keshea?

ZEKHARIA 8:19

“Aqokitikhi Mpeu no piani: Judah lo küami ghenguno aqhi abidiu, apunguu, akütsüniu eno achighiu lo kümvü keu ye alokivi, amlokiqi eno alophalei keu ghulhuqo shi nani. Tighenguno kuchou eno külakishi kimiyelo.