KUKAMI AKINIU 25:18 - Sumi Naga CL (Re-edited) Bible (BSI)

¹⁸ Kepten no achinetou Seraiah ngo Zephaniah achinemi gholo akiniu eno achineki kulaghi lo akhemi küthü ishi sawuve,

BAIBEL (BSI)

¹⁸ Tilikhi kumono Nebuzaradan, zahtsuu shi akeuno achinetou Seraia ngo Zefaniya achineu eno achinekilo mlachekemi atomi pano kuthu kugha sasu akughushi sawuve.

KUKAMI AKINIU 25:18 Iomraidhean Croise

KUKAMI AKINIU 23:4

Tishino akükau no achinetou Hilkiah ngo pa shelo akiniu mqo lo achinemi ngo achineki kulaghi khemi vilo Baal ngo Asherah eno atsütsü lo aqhi ayepu kümlla ghenguno abohu mlapüa keqo ikhiphe penike azah tsü. Pa no Jerusalem khalau Kidron luza lono pitileve eno tipa yevu pesü Bethel lo wuve.

YEKIKITHI ATUGHIU 6:14

Azariah nu Seraiah, Seraiah nu Jehozadak;

EZRA 7:1

Hipa thiu, Persia kükau Artaxerxes yekipe ghuloki lo Ezra, pa ye Seraiah nu, Seraiah no Azariah nu, Hilkiah nu,

JEREMIYA 20:1

Immer nu Pashhur, khuu Ampeu kilo atou keno, pa no Jeremiah no tungkuptsa pikeu chilu.

JEREMIYA 21:1

Akükau Zedekiah no Malchiah nu Pashhur ngo Maaseiah nu achineu Zephaniah hape Jeremiah lau puwu kelono Ampeu tsa hipau Jeremiah lau ighi. Pama no pi,

JEREMIYA 21:7

Tithiu, Ampeu no asheshu, I no Judah kükau Zedekiah, pa qemi, eno mishighüna hipau lo khunoqo püsa ngo azütakikihi eno akhüava lono püxülu keno tipaqo pesü pano ghümi, pano küxü phuighi kemi, Babylon kükau Nebuchadnezzar u lo süvetsü nani. Pa no azütakikihi pesü panongu ghiqhive nani. Pa ye panoqo ghümo momu küpüqhiyi monani.’

JEREMIYA 29:25

“Aqokitikhi MPEU, Israel Lhou no ishi piani: Nono o je lono yesü yepe Jerusalem lo timiqo lau eno Maaseiah nu, achineu Zephaniah ngo achinemi kümtsü lau puwu no pike,

JEREMIYA 29:29

Achineu Zephaniah no tungkupu Jeremiah no chikulupu shi yesü phisü.

JEREMIYA 34:21

Judah kükau Zedekiah eno paw hiyampemi ye I no pano ghümi u lo süvetsü nani, eno pano küxü phuche kemi u lo süvetsü nani, nongu launo wuve kemi Babylon kükau ghüshimi u lo süvetsü nani.

JEREMIYA 52:24

Aghukhemi shou kepten no achinetou Seraiah ngo achineu akiniu Zephaniah eno ahukikha khemi küthü sawuve;

EZEKEL 11:7

Tighenguno Ampeu Alhou no piani: Nonguw hekiqhi bukiqhi khikhi nongu no alaghila lo qhipüani keno, tipaqo ye ashileqhi ke, eno mishighüna hipau ye aliqu ke, ikemu nongu ye tipau lono saipeghive nani.

ZEKHARIA 6:10

“Haphe sawuve kemi Heldai, Tobijah eno Jedaiah, khunoqo Babylon lono ighive akeno tipaqo launo ghükayi ngo ameshoyi lulo, tipa tsala lono Zephaniah nu Josiah kilo wulo. Ghükayi ngo ameshoyi pesü kükakütsüqho mlalo, eno tipa pesü Jehozadak nu Joshua achinetou pipelo.