KUKAMI AKINIU 24:12 - Sumi Naga CL (Re-edited) Bible (BSI)

¹² eno Judah kükau Jehoiachin no pa ampi, paza, paw kijemi, hiyampemi, eno pa kükaki lo kijemiqo pesü Babylon kükau tsüve. Babylon kükau yepe mpe akütacheu lono pa no Jehoiachin akughumi shi sasü wuve,

BAIBEL (BSI)

¹² eno tileno akukau Jehoiachin gholo paza, pa nuliqo, pawu kijemi eno ti akukakilo achekeqo kijemi kumtsu Babilonmi qholo ngove nikeu shi ipeghive. Nebukadnezar no kakeu ampe akutacheu shi akelono pano Jehoiachin kughaluveno akughu shive

KUKAMI AKINIU 24:12 Iomraidhean Croise

KUKAMI AKINIU 20:18

Eno O nuli khami ghi sasü wuve nani, eno panongu ye Babylon kükau kükaki lo shoko shiuvepe nani.”

KUKAMI AKINIU 24:11

Tishi khasüpe akelono Babylon kükau Nebuchadnezzar no Jerusalem lo ighi,

KUKAMI AKINIU 25:27

Jehoiachin kügha sawuve keu mpe shighi akütsüniu, aqhi chighiakiniu, atsala muku akütsüniu lo Babylon kükau Evil-merodach no ayepe thuke lono, Judah kükau Jehoiachin küpüqhiyi akughu lono khaqhi pheve.

KUKAMI AKINIU 25:8

Babylon kükau Nebuchadnezzar yepe mpe chighiatokuu, aqhi apunguu, atsala akütsüniu lono akükau qeu Nebuzaradan, aghukhemi shou kepten no Jerusalem lo iloghi.

YEKIKITHI AKINIU 36:10

Tipa mpe lo tsülü tusho lono akükau Nebuchadnezzar no pa pesü akughumi shi Babylon lo sawuve eno pa gholono Ampeu kilo akughupu bohuqo ghi pesü wuve. Jehoiachin thiküzüu Zedekiah pesü Judah ngo Jerusalem lo akükau shive.

ESTHER 2:5

Tilehi Susa kighiki lo Jewmi lakhi ae, pa je ye Mordecai, pa ye Jair nu, Shimei nu, Kish nu eno Benjamin laghami ke,

ESTHER 2:6

pa ye Jerusalem lono Judah kükau Jeconiah, khuu Babylon kükau Nebuchadnezzar no küghaluve keno, pa gholono akughumi shi sawuve kemi ke.

ISAIAH 24:6

Ikehu ayeghi ye ghushovae eno tile akeqo ye pano kipimi lono ime ani; panongu ye akülü no ghaqhi püzü timi aghulo likhivae.

JEREMIYA 13:18

Akükau eno Kükaliu paza vilo pilo: “Aqhou lakhü lo iqave lo, kughengu ow jukivi kütsükuqho ye o kütsü lono ikiqivae.”

JEREMIYA 24:1

Babylon kükau Nebuchadnezzar no Jehoiakim nu Judah kükau Jeconiah, eno Judah lo kijemi ngo atshamgha kishimi ngo ayi kümlami kughu sasü Babylon lo wuve kethiu Ampeu no kungunhetsü hipau I piye: Julo, mubuthi ashoghi kini Ampeu chineki zülo qhitsü.

JEREMIYA 25:1

Josiah nu Judah kükau Jehoiakim yepe mpe abidiu lo Judah lo timiqo ghenguno Ampeu tsa Jeremiah lau ighi, (ti ye Babylon kükau Nebuchadnezzar yepe mpe atüghüu lono),

JEREMIYA 27:20

ti ye Babylon kükau no Jerusalem lono Jehoiakim nu Judah kükau Jeconiah eno Judah ngo Jerusalem lo ghenimiqo haphe sawuche kelono pewumo no qhive keqo ke,

JEREMIYA 36:30

Tighenguno Ampeu no Judah kükau Jehoiakim ghenguno ishi piani: David kükalakhü lo iqani kemi pa müzülo lakhimu kühave nani, pa sükumo ye khalau puchou akülü no pügha nani eno putho lo avütsa no ghaqhi nani.

JEREMIYA 37:1

Josiah nu Zedekiah khuu Babylon kükau Nebuchadnezzar no Judah yeghi lo akükau shipe keno pa no Jehoiakim nu Coniah theli lo ayepe.

JEREMIYA 52:12

Babylon kükau Nebuchadnezzar yepe mpe chighiatokuu, aqhi apunguu atsala achighiu lono aghukhemi shou kepten Nebuzaradan no Jerusalem lo iloghi.

JEREMIYA 52:28

Nebuchadnezzar no akughumi shi sawuve kemi kikihi: pa küka mpe akütsüniu lono Judah lo timi 3,023;

JEREMIYA 52:31

Jehoiachin kügha sawuve keu mpe shighi akütsüniu, aqhi chighiakiniu, atsala muku akütsüniu lo Babylon kükau Evil-merodach no ka thuke lono Judah kükau Jehoiachin küpüqhiyi khaqhi pheve.

EZEKEL 1:2

Tipa qhi atsala apunguu lo (ti ye Akükau Jehoiachin haphe sawuve keu mpe apunguu shi ae),

EZEKEL 17:12

“Itehi hekibidemi kibolomi vilo pilo, Thime hipaqo ye kiu keno nongu ye ithi anima? Panoqo vilo pilo, julo, Babylon kükau no Jerusalem lo ighi, eno li kükau ngo liw sakiphemi küghaluve no panoqo sasü pa lau Babylon lo ighivae.

EZEKEL 17:4

Pa no cedarbo kütsüqa lo akhuni mini ipeghi keu mighi thape kilhikishi yeghi lo pewuve no lhidimiw mishighüna lo ghope qhive.

EZEKEL 19:1

No ye Israel kükapumi ghenguno akumlo shilo,

EZEKEL 19:13

Tipau ye asayeqha lo qhai ghoike-a lo shosüpe qhivae.

ZAKINIU 28:36

“Ampeu no nongu eno no puasüqo no mthakeu ghakhu lo nongu eno no kükau hapuwuve nani. Tilauno nongu no asüatu lhouqo qeuve nani.