KUKAMI AKINIU 23:4 - Sumi Naga CL (Re-edited) Bible (BSI)

⁴ Tishino akükau no achinetou Hilkiah ngo pa shelo akiniu mqo lo achinemi ngo achineki kulaghi khemi vilo Baal ngo Asherah eno atsütsü lo aqhi ayepu kümlla ghenguno abohu mlapüa keqo ikhiphe penike azah tsü. Pa no Jerusalem khalau Kidron luza lono pitileve eno tipa yevu pesü Bethel lo wuve.

BAIBEL (BSI)

⁴ Tishino Josia no achinetou Hilkiya ngo pa kukuphumi achinemiqo, achinekilo akulaghilo aghukhepe akeqo kuno Baal mllachekeu nhemghaqo, Ashera lhouliu eno ayepu mllachekeu nhemgha kumtsu Achineki lono ikhiphevelo pi ahza tsu. Akukauno thime tipaqo kumtsu aphughi khalacheu Kidron Khila lono ami su pitivetsu eno pitivekeu yevuye pesu Bethel lo suwuve.

KUKAMI AKINIU 23:4 Iomraidhean Croise

SAMUEL AKINIU 15:23

Panongu no wuche kelo ayeghi kümtsü no ighaqa, eno akükau no Kidron ghokiti kathasü timi kümtsü no yenguyike-a küdau wuve.

KUKAMI ATUGHIU 12:29

Pa no lakhi no Bethel lo, eno lakhiu no Dan lo qhitsü.

KUKAMI ATUGHIU 15:13

Pa no pa za kükaliu Maacah ghi ikhive, kughengu li no Asherah lhou lau aphikümqhüpu julho mlake. Asa no ajulho tipau loqhive no Kidron Khila lono pitive.

KUKAMI ATUGHIU 16:31

Nebat nu Jeroboam toi xükeu ye züla ketoi pa no Sidon kükau Ethbaal nonga Jezebel luve no Baal mlla eno huthuuve.

KUKAMI ATUGHIU 18:19

Tighenguno itehi Israelmi kümtsü Carmel Toghi lono I sasü kusholu penike azah shilo, eno Baal tungkupmi 450 ngo Asherah tungkupmi 400 khunoqo kükaliu Jezebel gholo aghulhu shi acheni keno tipaqo ghi saghilo.”

KUKAMI ATUGHIU 18:26

Panongu no amshitsü ikhipe kishekulu shino inaqhe no puchomghü kutolo Baal vilo inikhu, “O Baal, ni khochile tsülo!” Ikemu kiu sütsa mu ighimo, eno khunomu khochile moe. Panongu no akiptia homxa ilhe ae.

KUKAMI ATUGHIU 18:40

Elijah no panongu vilo pi, “Baal tungkupmi küghalu khavelo; panongu lakhimu phepupo kevilo.” Timiqo no panongu küghaluve, eno Elijah no panongu sasü Kishon ghoki lo ilo no kümtsü ghiqhi khave.

KUKAMI ATUGHIU 19:18

Ikeghi Ni ye Israel lo khuno khonhe no Baal zülo qhoqhünhe mphi eno Baal müma mphi keno, timi 7,000 püxü püanie.”

KUKAMI AKINIU 10:26

eno achineki tsükucho pesü ipeghi no pitive tsü.

KUKAMI AKINIU 12:10

Kugho kughomu abohu no chhitoive aye, akükauw akiyeu ngo achinetou pama no ighi no Ampeu kilo abohu akeu khaqhi no pisa kihikülaipe mushove che.

KUKAMI AKINIU 17:16

Panongu no Ampeu pano Lhou zakütsü kümtsü pheve, eno pano sala ayi no amshiti julho kini mlape qhi; panongu no Asherah mla no atsütsü lo ayepuqo mlla eno Baal huthu.

KUKAMI AKINIU 21:3

Kughengu papu Hezekiah no qhemghaike-a kütsave tsükeqo pa no shiqhe kitheve, pa no Baal kümlla-aqo mla, Israel kükau Ahab no mlake toi Asherah julho mlae, eno atsütsü lo aqhi ayepu kümtsü mlla ke.

KUKAMI AKINIU 21:5

Ampeu ki khala kinikujo lo pa no atsütsü lo aqhi ayepu kümtsü mlla kepu shi akümlla-khacheqo mlave.

KUKAMI AKINIU 21:7

Pa no Asherah julho mlape Ampeu chineki lo qhi, tipa chineki vehulo Ampeu no David ngo pa nu Solomon vilo pi: “Israel shiaye kümtsü gholono I no kishelu keu ki hipau lo eno Jerusalem lo, I no alholo ghenguno I je qhinani.

KUKAMI AKINIU 22:4

“Achinetou Hilkiah lau wuno timiqo no Ampeu kilo ighi kelono tsükeu akulaghi khemi no ghükayi khije qhalu keno kihiju lo.

KUKAMI AKINIU 23:12

Judah kükami no Ahaz chebo kütsüqa lo akümlla-khache ngo Ampeu ki alou achebo kini lo Manasseh no akümlla-khache mlakeu pa no kubole pinyive no ti hekuphoqo xupe Kidron ghoki lo vesüve.

KUKAMI AKINIU 23:15

Tinguno alau, Nebat nu Jeroboam khuu no Israel pelo axine shivepe keno, pa no Bethel lo akümlla-khache shiqhe keu Josiah no kütsalepe pitive tsü. Pa no Asherah ghi pitive tsüe.

KUKAMI AKINIU 25:18

Kepten no achinetou Seraiah ngo Zephaniah achinemi gholo akiniu eno achineki kulaghi lo akhemi küthü ishi sawuve,

YEKIKITHI AKINIU 15:16

Akükau Asa no paza Maacah thotsü kükaliu lakhü lono ikhive, kughengu li no akimthipu Asherah julho mlape qhike. Asa no ajulho ghekuchope Kidron Khila lono pitileve.

YEKIKITHI AKINIU 33:3

Kughengu pa pu Hezekiah no qhemghaike-a kütsave tsükeqo pa no shikitheve, Baal kümlla-a mla, Asherah julho mla, eno aqhi-ayepu kümtsü mllae.

YEKIKITHI AKINIU 33:7

Pa no ajulho mlape Ampeu kilo qhi, tipa ki vehulo Pa no David ngo pa nu Solomon vilo pi, “Israel shiaye kümtsü dolono I no kishelu keu, aki hipau lo eno Jerusalem lo, I no I je pesü alhokupuju ghenguno qhi nani,

ISAIAH 27:9

Ikehu hipau vecheo Jacob kipimi ye tha-love tsü nani, eno hipau no pa xine pevetsü keu xathi shinani: pa no akiptia lo atuqo pesü asayetu toi kubove tsü, Asherim momu axokütsüngü kiptia qhimove nani.

JEREMIYA 52:24

Aghukhemi shou kepten no achinetou Seraiah ngo achineu akiniu Zephaniah eno ahukikha khemi küthü sawuve;

JEREMIYA 7:9

Nongu ye püka, ghiqhi, shupu-salha, akimki shoqhi shi, Baal lau akümllagho tsü, eno nongu no mtha keu kütau lhouqo pape cheni

EZEKEL 8:6

Eno Pa no I vilo pi, “Timi nu, panongu no kiu shi ani keno no ye ithulu anima, ti ye aphikümqhüpu kije Israel laghami no hile mlano I kimthe chineki lono putou I hapuwuve akeu no ye ithulu anima? Ikemu itaghi aphikümqhüpu alau nono ithulu nani.”

HOSIYA 4:15

O Israel, nongu no kütüqha cheghi namu, Judah pelo pimive pe kevilo. Gilgal lo ilo kevilo, tike kumono Beth-aven lo iqho kevilo, eno “Ampeu ye xüküau” ipi ashoqhi shi kevilo.

AMUS 4:4

“Bethel lo ighi no axine shialo; Gilgal lono axine küghüsü alo; inaqhe atsütsü nongu ghakishi süghilo eno aküthüni no nonguw chighi saje süghilo;

ZEFANIA 1:4

“I no Judah ngo Jerusalem lo küami shou I u chhopuku nani; hipa-a lono I no Baal kümlla eno asü-atu chinemi kütsave nani,

MATTHEW 26:3

Tile achinetomi ngo Jewmi layemi ye achinetou Caiaphas kilo kumqo,

MATTHEW 27:1

Inaqhe itheno achinetomi ngo Jewmi layemi kümtsü no Jisü pithive nike ghenguno kughu.

John 18:1

Jisü no atsa hipaqo pive kethiu pa ye akhopemi sasü ipeve no Kidron ghokiti kathasü aghutu lakhi akeu lo akhopemi sasü ilove.

XAKUTHAMI 2:13

Panongu no Ampeu pheve no Baal ngo Ashtaroth mllauve.