KUKAMI AKINIU 23:29 - Sumi Naga CL (Re-edited) Bible (BSI)

²⁹ Pa ghuloki lono Egypt kükau Pharaoh Neco no Assyria kükau lau Euphrates ghoki lo iqhoe. Akükau Josiah no pa sasü aghü shinike wukelo Pharaoh Neco no Megiddo lono pa ithulu kemtsa pithive.

BAIBEL (BSI)

²⁹ Kughou Josia no akukau shi akeno tipa ghuloki lono Ijipmi kukau Neko no ghushimi sasu Eufrati kutolo Asiriya lo kukau kuphu tsunike ghenguno le iloghi. Akukau Josia no Megido lono Ijipmi ghushimi lakha chilelu eno paye ghushiqa lono pa pithive.

KUKAMI AKINIU 23:29 Iomraidhean Croise

KUKAMI ATUGHIU 4:12

Ahilud nu Baana no Taanach, Megiddo eno Jezreel qhou Zarethan phivilo Beth-shean kümtsü eno Beth-shean lono Abel-meholah kuto eno tino itaghi Jokmeam ghüngü kutolo.

KUKAMI AKINIU 14:11

Ikemu Amaziah no ini tsümo. Ikehu akükau Joash no paw timiqo sasü Judah lo Beth-shemesh lono Judah kükau Amaziah sasü aghüshi.

KUKAMI AKINIU 14:8

Tishino Amaziah no Israel kükau, Jehu nu Jehoahaz nu Joash lau atsapemi puwu no pi, “Nikujo lakhi no lakhi kujukile nike ighilo.”

KUKAMI AKINIU 22:20

Tighenguno julo, I no o puasüqo gholo o hekütsü nani, no ye aloinoqhiyi o kumo lo ilo nani, eno o nhethi ye I no a-a hipau shou kütsakungo süghini ye akeu ithulumo nani.’” Panongu no akükau lau atsa hipau pesü ighi.

KUKAMI AKINIU 23:28

Josiah kümla küghütha kütau ngo pa no kiu shi keno kümtsü, Judah Kükami Yekikithi Kaku lo yepüani ke kumo keshea?

KUKAMI AKINIU 24:7

Eno Egypt kükau ye khilemu pa yeghi hechesü aghü lo wumove, kughengu Egypt kükau no qhasüpe ache keu kümtsü, Euphrates ghoki lono Egypt yeghi ahuu alughi kutolo Babylon kükau no luvetsü.

KUKAMI AKINIU 9:27

Kughou akükau Ahaziah no hi ithulu keno, pa ye Beth-hagan küdau pove. Jehu no pa hasü wuno pi, “Pa ghi veqhive lo.” Panongu no Ibleam phivilo Gur lo iqho chekeu la lono paw khurkulu lono ghüzave. Ikemu pa ye Megiddo lo posü wuve no tilau no thive.

YETSAPIU 8:14

Ayeghi lo adou vehu ani: khanilo amikuchomi no kixikilami saxü ithulu cheni, eno kixikilami no amikuchomi kümla ghenguno asaxü ithulu cheni. I no pi anike highi adoue.

JEREMIYA 22:10

Thive keu ghenguno qa kevi momu amlo iju kevilo, ikemu akughu lo wuve kemi ghenguno mloqa lo, kughengu pano ye ideighi no pano ghüna ithulumae.

JEREMIYA 22:11

Ampeu no Josiah nu Judah kükau Shallum, khuu papu theli lo ka apüzü hipa-a lono wuve akeno, pa ghenguno ishi piani: “Pa ye hile ideighi moae,

JEREMIYA 22:12

ikemu a-a khile pa pesü akughu lo puwuve akeno pa ye tileno thiniae, eno khilemu ayeghi hipau ithulu kithemae.”

JEREMIYA 46:2

Egypt ghenguno: Egypt kükau Pharaoh Necow ghüshimi Carchemish lo Euphrates ghoki phivilo ngo akemi khunoqo Babylon kükau Nebuchadnezzar no Josiah nu, Judah kükau Jehoiakim yepe mpe abidiu shiake lono leve keno tipaqo ghenguno:

JEREMIYA 46:6

“Akümthümi no pomlavae, aghütomi ghi pojo mlavae; ahuu Euphrates ghoki lono panongu ye küpxape ikiqivae.

EZEKEL 19:1

No ye Israel kükapumi ghenguno akumlo shilo,

ZEKHARIA 12:11

Tipa tsalani Jerusalem lo akumlo ye Megiddo lo Hadad-rimmon ghenguno mloqa ketoi nani.

Rommi 11:33

O, Alhouw küakini eno Pa lokütsü ngo akighithi ye kishi kuthoküzü kela! Paw xaküthaqo eno Pa kümlaqo ye kiu toi lheilo tokümlapu kelae!

JOSHUA 17:11

Issachar ngo Asher yeghi bocho lo ghi, Manasseh ye hipaqo ae: Beth-shean eno tile aphuqo, Ibleam eno tile aphuqo, Dormi eno tile aphuqo, En-dormi eno tile aphuqo, Taanachmi eno tile aphuqo, Megiddomi eno tile aphuqo; aküthüu no Naphath.

Piyeküsü 16:16

Tishino aghawuqo no kükami hekütsü sawo Hebrew tsauno Armageddon ipi chekeu-a lo kumqo.

XAKUTHAMI 1:27

Manasseh lagha no Beth-shean, Taanach, Dor, Ibleam, momu Megiddo eno ti sükümxa lo aphu akeqo lo küghüna akeqo haphe move, kughengu Canaanmi tipaqo no tishi küghüna auve ke.

XAKUTHAMI 5:19

“Kükami no ighi kelo panongu no sasü aghüshi; Megiddo ghoki lo Taanach lono Canaan kükami sasü aghüshi; panongu no ghükayi lutsümoe.