KUKAMI AKINIU 23:27 - Sumi Naga CL (Re-edited) Bible (BSI)

²⁷ Ampeu no pi, “I no Israel ikhive ketoi, Judah ghi I zülono ikhive nani, eno I no kishelu keu mishighüna Jerusalem ngo achineki khipau pesü I no, I je tile anani, ipi keno, I no peve nani.”

BAIBEL (BSI)

²⁷ AMPEU no pi, “Ino Israil lo kiu mlakeno titoi Juda shou ghi mla nani, Ino inhekithe lono Judami hapupove nani eno ino kishephe lukeu Jerusalem phughi milive nani. Achineki khipa-a lono imllakepu shi ino pitsukeno ti kumtsu milive nani.”

KUKAMI AKINIU 23:27 Iomraidhean Croise

KUKAMI ATUGHIU 8:29

O nhethi no putho pucho aki hipau lo jupuku tsülo, a-a hipau ye Nono, ‘I je ye tilehi anani,’ ipi kehu o qeu no a-a hipau küdau juno inikhu kelo chilu tsülo.

KUKAMI ATUGHIU 9:3

Ampeu no pa vilo pi, “I no o kighini eno nono khukeu chiluvae. Nono aki khikhi shiqhe keno tipau shikimtheve tsüae eno alholo ghenguno I je tile qhivae. I nhethi ngo I mlo ye ado kümtsü lo tile aniae.

KUKAMI AKINIU 17:18

Tighenguno Ampeu no Israelmi shou ighono amlo ideve no Pa zülono panongu ikhive. Judah shiaye kumo aye lakhimu qhimove.

KUKAMI AKINIU 17:20

Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

KUKAMI AKINIU 17:23

Ampeu no Pa zülono panongu hapheve moke kutolo panongu no tishike, ti ye Ampeu no Pa qemi tungkupmi vecheo pikeu kiqi lono ke. Hitoi Israelmi ye pano yeghi lono Assyria yeghi lo kügha sawuve no ishi kutolo achephi.

KUKAMI AKINIU 18:11

Assyria kükau no Israelmi küghape Assyria lo wove eno Halah lo qhive, khami no sawo Gozan ghoki Habor lo qhive, eno Medes lo mishighünaqo lo ngovepe.

KUKAMI AKINIU 21:13

I no Samaria ghime keu kimghi eno Ahab kibo shou akimghi tu peitha keu pesü Jerusalem mighi nani. Timi no akhu ajukhu isü keshi, I no Jerusalem isü nani eno pishiqhope qhive nani.

KUKAMI AKINIU 21:14

I no I mheghi, Iw ghükulumi kileve nani eno pano ghümi u lo süvetsü nani, panongu ye akughumi shive no pano ghümi no pükaqhi nani,

KUKAMI AKINIU 21:4

Ampeu ki, khile Ampeu no “Jerusalem lo I no I je qhini,” ipi keno, tile pa no akümlla-khacheqo mlave.

KUKAMI AKINIU 21:7

Pa no Asherah julho mlape Ampeu chineki lo qhi, tipa chineki vehulo Ampeu no David ngo pa nu Solomon vilo pi: “Israel shiaye kümtsü gholono I no kishelu keu ki hipau lo eno Jerusalem lo, I no alholo ghenguno I je qhinani.

KUKAMI AKINIU 23:28

Josiah kümla küghütha kütau ngo pa no kiu shi keno kümtsü, Judah Kükami Yekikithi Kaku lo yepüani ke kumo keshea?

KUKAMI AKINIU 24:2

Ampeu no Pa qemi tungkupmi vecheo pipüa ketoi Jehoiakim sasü aghüshi no Judah kütsakungove penike Ampeu no Chaldea, Syria, Moab eno Ammon ghüshimi puwu.

KUKAMI AKINIU 24:3

Judah shou hi ikughi keu ye mtsüqheino Ampeu zakütsü lono ke, tishianguno pa zülono Judah ikhive niye, ti ye Manasseh no axine kümla shike ghenguno ke,

KUKAMI AKINIU 25:11

Aphughi lo achili akeqo eno Babylon kükau lau pove kemi ngo aqokitikhi kümtsü kepten Nebuzaradan no hakiphi sawuve.

KUKAMI AKINIU 25:21

Babylon kükau no Hamath yeghi lo Riblah lono panongu pithive. Hitoi shi Judah ye pa yeghi lono hakiphi sawuve.

LESHELE 51:11

O launo I hapupove kevilo, eno I launo O Ghungu Kimthe süwuve tsü kevilo.

JEREMIYA 15:4

Hezekiah nu Manasseh, Judah kükau no Jerusalem lo kiu shi keno, tipa ghenguno I no panongu pesü ayeghi lo kükaqha kümtsü lau akümsapu shitsü nani.

JEREMIYA 23:20

Ampeu mlokighide ye Pa no kughu akeu shikhave moke kutolo süchilemo nani. Athiu tsala lono nono mtsümishei vethalu nani.

JEREMIYA 23:33

“Timi hipaqo gholo lakhino, momu tungkupu, achinemi lakhino o vilo, ‘Ampeu pekimshi ye kiu kea?’ ipi ighiju aye, panongu vilo pilo, ‘Ape kimshi ye no ke, I no o peve nani, ipi Ampeu no sheshu ani.’

JEREMIYA 23:39

julo, I no kuchou no nongu ikhiqhepe I nhethe lono peveni, no eno o puasüqo tsükeu mishighüna ghi peveni.

JEREMIYA 31:37

Ampeu no ishi piani: “Atsütsü mighilu eno ayeghi boqha lheilo tolu cheghike aye, Ni ye Israel lagha no mlave keu ghenguno ikhive aghini cheke, ipi Ampeu no asheshu.”

JEREMIYA 32:31

Mishighüna hipau ye shiqheke tsala lono ishi kutolo I mlokighide eno aloghu xukutho tsüe, tighenguno I no I zülono ikhive nani,

JEREMIYA 33:24

“No ye timi hipaqo no, ‘Ampeu ye Pa no kishelu keu lagha kini kilevae,’ pikeu chhejumo keshea? Panongu no Iw timi pipüthavae, ikehu panongu ye pano zülo shiye lakhi kumovae.

AKUMLO 2:7

Ampeu no Pa kiptia lomipi, Pa kimthe-a milivae; Pa no li kükaki liwoqo pesü aghümi u lo phesüve tsüae; tiqhetini tsala lo toi panongu no Ampeu ki lono angukashi ighae.