KUKAMI AKINIU 23:12 - Sumi Naga CL (Re-edited) Bible (BSI)

¹² Judah kükami no Ahaz chebo kütsüqa lo akümlla-khache ngo Ampeu ki alou achebo kini lo Manasseh no akümlla-khache mlakeu pa no kubole pinyive no ti hekuphoqo xupe Kidron ghoki lo vesüve.

BAIBEL (BSI)

¹² Juda lo kukamino akukau Ahaz no achekeu ki tsuqalo akumlla kiptia shikeu ghi akukau Josia no xalevetsu eno tipau gholo akukau Manasse no shipuku keu kumlla kiptia eno ti Achinekilo kughaki kini kuma ghi mukhumuno shi kubo piniyive tsuno Kidron Khila lo pelevetsu.

KUKAMI AKINIU 23:12 Iomraidhean Croise

KUKAMI ATUGHIU 15:13

Pa no pa za kükaliu Maacah ghi ikhive, kughengu li no Asherah lhou lau aphikümqhüpu julho mlake. Asa no ajulho tipau loqhive no Kidron Khila lono pitive.

KUKAMI AKINIU 10:26

eno achineki tsükucho pesü ipeghi no pitive tsü.

KUKAMI AKINIU 21:4

Ampeu ki, khile Ampeu no “Jerusalem lo I no I je qhini,” ipi keno, tile pa no akümlla-khacheqo mlave.

KUKAMI AKINIU 21:5

Ampeu ki khala kinikujo lo pa no atsütsü lo aqhi ayepu kümtsü mlla kepu shi akümlla-khacheqo mlave.

KUKAMI AKINIU 23:4

Tishino akükau no achinetou Hilkiah ngo pa shelo akiniu mqo lo achinemi ngo achineki kulaghi khemi vilo Baal ngo Asherah eno atsütsü lo aqhi ayepu kümlla ghenguno abohu mlapüa keqo ikhiphe penike azah tsü. Pa no Jerusalem khalau Kidron luza lono pitileve eno tipa yevu pesü Bethel lo wuve.

KUKAMI AKINIU 23:6

Pa no Ampeu ki lono Asherah ikhiphepe Jerusalem khalau wuve no Kidron ghoki lono pitive, eno mukhumuno shive no tipau pesü mishi kumo kuqhoa lo kuthole süvetsü.

YEKIKITHI AKINIU 15:16

Akükau Asa no paza Maacah thotsü kükaliu lakhü lono ikhive, kughengu li no akimthipu Asherah julho mlape qhike. Asa no ajulho ghekuchope Kidron Khila lono pitileve.

YEKIKITHI AKINIU 33:15

Pa no Ampeu ki lono inaghami lhouqo ngo ajulho ikhive, eno Ampeu ki naghuto lo ngo Jerusalem lo akiptia pa no shikeqo kümtsü aphughi khalau peve.

YEKIKITHI AKINIU 33:5

Pa no Ampeu ki khala kini lo aqhi-ayepuqo mlla kepu akümlla khache mla.

JEREMIYA 19:13

Jerusalem ngo Judah kükami kiboqo eno aki khijeno akütsüqa lono akümllagho pe aqhi ayepu mllauve, eno atsaiji kümllagho pesü kütau lhouqo lau lephetsü keno, kümtsü Topheth toi kitiqevae.’”

JEREMIYA 31:40

Akithi kumo khila eno ayevu pele chekeu kümtsü, eno aluza lono Kidron ghokiti, kipelau Khurshi Khagho cheku kutolo, Ampeulau akimthe shinani. Mishighüna ye alholo ghenguno nhüve momu kütsaleve moae.”

ZEFANIA 1:4

“I no Judah ngo Jerusalem lo küami shou I u chhopuku nani; hipa-a lono I no Baal kümlla eno asü-atu chinemi kütsave nani,

ZEFANIA 1:5

aki kütsüqa lono atsütsü lo aqokitikhi zülo qhoqhü chekemi, Ampeu zülo itsaqi eno tushoqhi ani kemu Milcom vecheo ghi tushoqhi chekemi,

ZAKINIU 22:8

“Nongu no aki kithe shikelo, aki kütsüqa lo akuptu mlalo, tishikeu lono khuana no tileno veqhi iqi thive kelo adou lono akithi ji o ki shou ikughi pemoni.