KUKAMI AKINIU 23:10 - Sumi Naga CL (Re-edited) Bible (BSI)

¹⁰ Hinnom Nu Khila lo Topheth julho pa no shipüthave tsü, tishino khuu pelomu anu momu anga pesü Molekh lau akipti kümllagho tsüpe move.

BAIBEL (BSI)

¹⁰ Akukau Josia no Hinnom qalo Tofet mllache keu-a ghi hexavetsu, tishino khuu pelomu anu momu anga pesu ighino Molek lhou lau akiptia kumllagho tsupe nikeu shimove.

KUKAMI AKINIU 23:10 Iomraidhean Croise

KUKAMI ATUGHIU 11:7

Pa no Jerusalem kipelau naghuto lo Moabmiw aphikümqhüpu lhou Chemosh ngo Ammonmiw aphikümqhüpu lhou Molekh ghenguno qhemghai ke-a mlatsü.

KUKAMI AKINIU 16:3

eno Israel kükami laghi pape. Pa no pa nu ghi heqhipe akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche keu kiqi lono shike.

KUKAMI AKINIU 17:17

Panongu no pano tianuli pesü aghashi shive, asakiqhi ngo atumu lono pano pesü axine lo jesüve, tishikeu lono Ampeu mlo shikighide tsüe.

KUKAMI AKINIU 21:6

Pa no pa nu küghape piti mllave eno asheazü kipimi, asakiqhi, tumumi ngo kithixashemi peitha ke. Pa no Ampeu zülo shishe axine shikeu lono Ampeu mlo shikighideve tsüe.

YEKIKITHI AKINIU 28:3

Pa no Hinnom Nu Khila lono akümllagho tsüno pa nu pesü akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche ketoi shike.

YEKIKITHI AKINIU 33:6

Pa nuli küghape Hinnom Nu Khila lono piti mlla, eno asakiqhi, küdüu, asheazü tsa kipimi, tumumi, eno kithixashemi peitha. Ampeu zülo shishe axine shikeu lono pa no Ampeu mlo shikighide tsü.

NEHEMIA 11:30

Zanoah, Adullam, eno hiküma phivilo aphuqo lo, Lachish eno tipau luza lo, eno Azekah eno hokümxa lo aphuqo lo xüsüve. Panongu no xüsükeu ye Beersheba lono Hinnom Khila kutolo.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

ISAIAH 57:5

Nonguw aphisübo ngo asübo jeli qholono ashiaji ghasümla no ghüghüshi chekeqo, nongu ye akhila eno atuxu lono nongu tianuli heqhipe aghakishi shi mllae.

JEREMIYA 19:2

Alitsa Khagho kulaghi lo Hinnom Nu Khila lo wulo, eno I no kiu o vilo pini keno tileno asheshu lo.

JEREMIYA 19:4

Kughengu timiqo no I pheve no panongu eno pano puasüqo momu Judah kükami nomu mtha keu kütami lhou lau akümllagho tsüwuve keu lono a-a hipau shipixivae; eno pimihami ji pele keu pesü a-a hipau chhitoivae,

JEREMIYA 19:6

tighenguno, Ampeu no asheshu, jualo, atsala cheni, hipa-a ye Topheth momu Hinnom Nu Khila ipi kumove nani, ikemu Ghikiqhi Khila ipi nani.

JEREMIYA 32:35

Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

EZEKEL 16:21

no ye I tianuliqo ghiqhive no ikhipe ami lono piti keu kümllagho shi panoqo lau pephe tsüve kea?

EZEKEL 20:26

I no panoqo gho, panow anu anoghiu akümllagho vecheo panoqo shikitiqeve ke, tishikeu lono Ni ye panoqo kütsaveni ye ke. I no tishikeu lono Ni ye Ampeu kepi panongu pelo ithi peniye ke.

EZEKEL 20:31

Kughou nongu no now aghoqo ikhipe tsü eno nongu nuliqo ami lono mllani keno, nongu ye asü-atu julho pesü ishi tsala kutolo nongu ampi shikitiqeve anie. O Israel kibolomi, nongu ye I lau kighini kileni keshea? I no xüake toi, Ampeu Alhou no asheshu, nongu ye I lau kighinikile lumo nani.

ACHINE 18:21

No ye o tianuli lakhimu pesü Molekh mllave penike tsükeu lono O Lhou je shipütha moni: Ni ye Ampeu ke.

MATTHEW 5:22

Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

ZAKINIU 18:10

Nongu tianuli pesü akiptia lono piti mlla moni; now timiqo ye hipaqo pepimhe moni, asakiqhi, asheazü tsa kipi, atumu, eno küdüu,

JOSHUA 15:8

Aghuthu ye apeu Jebusimi (ti ye Jerusalem) kikime lono iqho Hinnom Nu Khila apeu kuto. Tino ahuu kishekha lo Rephaim Khila lono kulolau Hinnom Khila ghüngüu, aghuthu ye iqho naghuto kütsüqa kuto.

JOSHUA 18:16

Alughi ye iqi Hinnom Nu Khila lo jupiqilu chekeu eno Rephaim Khila sholo akeu naghuto kuto, eno tileno Jebusimi kikime apeu, Hinnom Khila lo iqi ani eno tino iqi En-rogel kuto.