KUKAMI AKINIU 22:2 - Sumi Naga CL (Re-edited) Bible (BSI)

² Pa ye Ampeu zülo kiu no achipi keno shino pasü David no shikeu thokha shi, eno pa ye piyiumu ajeumu tsüghüve moe.

BAIBEL (BSI)

² Josia ye AMPEU no kiu pulokeno ti shitsue; paye pasu akukau David kumlla kiviqo papemi shilu eno Alhou yehzaqo tsaqutsalei pekulumike.

KUKAMI AKINIU 22:2 Iomraidhean Croise

KUKAMI ATUGHIU 11:38

Tsala I qeu David toi I no azah tsükeu chilu no I laghi lo cheche aye, eno I zülo kiu no achipi keno tishi aye, I no O gholo anani eno David kümghatsü ketoi I no O lagha shikumto no Israel pesü o tsünani.

KUKAMI ATUGHIU 15:11

Pa pu David toi Asa ye Ampeu zülo achipiu shi.

KUKAMI ATUGHIU 15:5

kughengu David ye pa küxü tivilo Ampeu zülo achipiu likhi shi, eno Hittimi Uriah vehu lo kumo aye Pa no azah tsükeu hebidemoe.

KUKAMI ATUGHIU 3:6

Solomon no khochile, “Nono I pu David o qeu lau iqemokeu kikimiye kije piye, kughengu pa no O zülo pükhükulu eno mikucho lono, eno müzüchoi xüche ke. Nono O kikimiye kije tipau pa ghenguno qhitsü eno ishi ye pa kükalakhü lo iqalu penike anu pa tsüe.

KUKAMI AKINIU 12:3

Tishimu qhemghaike-aqo ye ikhive moe; ikehu timiqo ye tipaqo lono ishokibe aghashi eno akümllagho tsüche.

KUKAMI AKINIU 14:3

Pa ye kiu no Ampeu zülo achipi keno shike, ikemu pasü David toi kumoe. Papu Joash no kiu mla keno, thokha pa ghi shike.

KUKAMI AKINIU 16:2

Pa ye ampe muku shi akelono Jerusalem lono ampe chighitsügho ayepelu. Pasü David no Ampeu zülo achipiu shicheke toi pa ye shimoe,

KUKAMI AKINIU 18:3

Pasü David no shike toi pa ye thokha kiu no Ampeu zülo achipi keno shike.

YEKIKITHI AKINIU 17:3

Ampeu no Jehoshaphat gholo ae, kughengu pa no pasü David yepe bothu lo toi shike. Pa ye Baal mllamoe,

YEKIKITHI AKINIU 29:2

Pa sü David no shike toi pa ye thokha kiu no Ampeu zülo achipi keno shike.

YEKIKITHI AKINIU 31:20

Hezekiah no Judah qha kümtsü lo hitoi shive, Ampeu pa Lhou zülo kiu no akivi, achipi eno pükhübekulu keno pa no shike.

YEKIKITHI AKINIU 34:1

Josiah ye ampe tache shi akelono ayepelu eno Jerusalem lono ampe shighi lakhi ayepe.

AHOLE 20:11

Itimiu ghi pa ghili-aye lono pa ye tsüghükhüi eno müzüchoi kemo keno piyeve cheni.

AHOLE 4:27

Ajeu na piyiu namu tsüghü wuve kevilo; alhoksa laghi lono o pukhu süchile luvelo.

ZEFANIA 1:1

Amon nu Josiah no Judah kükau shi ake lono Zefania lau Ampeu tsa ighi. Pa ye Cushi nu, Gedaliah nu, Amariah nu, Hezekiah nu ke.

ZAKINIU 5:32

Tighenguno Ampeu no Lhou no azah tsükeu papeni ke jukuto lo. Nongu ye tipau lono ajeu mu piyiu mu wuve kevilo.

JOSHUA 1:7

Qeti akumto shilo eno shishe amlo kuloghi shilo, eno I qeu Moses no azah tsükeu kümtsü kutokupui shi pekupu lo. Tipau lono ajeu momu piyiu tsüghüwu kevilo, tishikeu lono nono khila khila wumu, no ye akivishi tokulu shinani.