KUKAMI AKINIU 22:13 - Sumi Naga CL (Re-edited) Bible (BSI)

¹³ “Wulo, eno kaku hipau lo yepüa keu kiqi lono ni eno timiqo ghenguno, eno Judah timi kümtsü ghenguno Ampeu lau ighiju lo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape movae, eno ningu ghenguno yepüa tsükeu kiqi lono xümovae.”

BAIBEL (BSI)

¹³ “Wuno AMPEU launo ighenguno eno Juda lo timi kumtsu ghenguno kaku hipaulo kukutsu ghili iniju sughilo. AMPEU ye ningu lau aloghu ide ani kughengu ningu puasu kaku hipau lono shilo pikeu mlamove.”

KUKAMI AKINIU 22:13 Iomraidhean Croise

KUKAMI AKINIU 23:26

Tishimu Ampeu no pa loghu khikhi Judah shou puku keno, tipau lono ideighi moe, kughengu Manasseh no ala thokha lono Pa xukutho ke.

KUKAMI AKINIU 3:11

Jehoshaphat no pi, “Hile tungkupmi lakhimu Ampeu lau küsütsa tsüni keu anima?” Tile akükau Joram qemi lakhi no khochile, “Shaphat nu Elisha khuu Elijah u lo azü shosü tsüche keno hile anie.”

YEKIKITHI AKINIU 29:6

Kughengu ningu puasüqo ye pükhükulupu shimove eno Ampeu ni Lhou zülo kiu no axine keno shive. Panongu no Pa qhive eno Ampeu kungoa lono pano gi tsüghüsü wuve no azübo kugho puwo tsüe.

YEKIKITHI AKINIU 34:21

“Wulo, eno kaku hipau lo yepüa keu kiqi lono I ghenguno eno Israel ngo Judah lo akeqo ghenguno Ampeu pütsa julo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape move ke.”

NEHEMIA 9:3

Panongu no puthughope ayikihedo küthü kutolo panongu Mpeu Alhou Yezah phisü; eno itaghi ayi kihedo küthü panongu xine piphe no Ampeu Alhou mllae.

LESHELE 106:6

Ningu eno ningu puasüqo ghi axine shivae; ningu ye akipimi shivae; ningu ye küsakügha shivae.

LESHELE 25:14

Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

LESHELE 76:7

Ikemu No ye sümsa kepue! Kughou O loghu ghuthu lakhi ipeghini keno khuu no O zülo puthugho luni kea?

LESHELE 76:8

Kungugha lono Nono küghakütha shuphe; ayeghi no msa khokhoshi eno iqünheive,

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

AHOLE 3:6

Nono mlaitha keu kümtsü lo Ampeu kümsülu lo, eno Pa no o laghi kümtsü shikümzü tsü nani.

ISAIAH 5:25

Tighenguno Ampeu loghu no Paw timiqo shou ikughi, panoqo shou Pa u chho no ghimeqhi kelo naghutoqo no ithathuve; akithi kumo no alaghila lo tübatüzü toive. Ikeghi Ampeu mlokighide ye iqü mono ghime ae.

JEREMIYA 16:12

eno nongu no no puasüqo nguno alhoksau shiveke, nongu kümtsü no I tsa inimo no kuthovi, kixikila pulou shike.

JEREMIYA 36:7

Ishiake panongu no kimiye tsü penike Ampeu zülo qhüiniju luvi, eno kümtsü no Ampeu mlokighide eno aloghu panongu shou shuphe püakeu no kije kehu pano kümla lhoksa lono tsüghü ighi luvike.”

JEREMIYA 37:17

Akükau Zedekiah no Jeremiah ghenguno timi puwu no pa saluve. Akükau no pa ki lono tuqhou shi pa vilo ighiju, “Ampeu launo atsa kiuala ani keshea?” Jeremiah no pi, “Iyei.” Tileno pa no pi, “No ye Babylon kükau u lo phesüve tsü nani.”

JEREMIYA 44:17

Ikemu ningu ye nino tushoqhive keu shi nani, atsütsü kükaliu lau akümllagho tsü nani, eno Judah ngo Jerusalem laghila lo ningu eno ni puasüqo, niw kükami ngo hiyampemi no shiche ketoi atsaiji kümllagho pesü li tsü nani. Kughengu ningu ye achuqupu no kupukuno eno kinikülü shino aküpüna kiumu ithumlano acheke.

AKUMLO 5:7

Ni puasüqo no axine shive, panongu ye kühavae; nino pano kipimi xapu anie.

DANIEL 9:10

eno Ampeu sütsa gholumo, Pa yezah khikhi Pa qemi tungkupmi vecheo ningu zülo qhitsü keno ningu no tipau gholu move ke.

ACHINE 26:14

“Ikemu nongu no I tsa inimo eno azakütsü hipaqo pemo aye,

AMUS 3:7

“Kughengu Ampeu Alhou ye Pa qemi tungkupmi lau Paw tuqhou pephe piyemo keloye kiumu shichemoe.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

Rommi 3:20

Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.

Rommi 4:15

Kughengu Ayezah no aloghu süghi cheni, ikemu khile Ayezah küha keno, tile ye küqüve kepu ghi kühae.

Rommi 7:9

Ghuthu lakhi lo ni ye Ayezah sümono xüche, ikemu kughou azakütsü ighi keno axine no xüuve eno niu no thive.

ZAKINIU 27:26

“‘Khukhumu Ayezah hi kümtsü papemo keu ye müsüinivae.’ Eno timi kümtsü no ‘Amen,’ ipini.

Piyeküsü 6:17

kughengu panongu loghu tsala huye ighivae eno khuu no tipau lo puthugho luni kea?”