KUKAMI AKINIU 21:7 - Sumi Naga CL (Re-edited) Bible (BSI)

⁷ Pa no Asherah julho mlape Ampeu chineki lo qhi, tipa chineki vehulo Ampeu no David ngo pa nu Solomon vilo pi: “Israel shiaye kümtsü gholono I no kishelu keu ki hipau lo eno Jerusalem lo, I no alholo ghenguno I je qhinani.

BAIBEL (BSI)

⁷ Pano alhouliu Ashera julho shisukeu amchipu pesu Achinekilo qhive, khikhi AMPEU no David ngo panu Solomon pama vilo tipa-a pesu ishipikeno: “Jerusalem lo achineki hipau lono Israil lagha chighikini pelono imlla chepe niye a-a hipau kishephelue.

KUKAMI AKINIU 21:7 Iomraidhean Croise

SAMUEL AKINIU 7:13

Pa no I je lono aki shiqhe nani, eno I no alhokupuju pa kükalakhü iqhikumto tsü nani.

KUKAMI ATUGHIU 8:29

O nhethi no putho pucho aki hipau lo jupuku tsülo, a-a hipau ye Nono, ‘I je ye tilehi anani,’ ipi kehu o qeu no a-a hipau küdau juno inikhu kelo chilu tsülo.

KUKAMI ATUGHIU 8:44

“Tsala ow timiqo no pano ghümi sasü aghü shinike wu aye, Nono kiukiu gholau no panongu puwu aghimu, panongu no Nono kishelu keu phughi eno aki hipau I no O je ghenguno mlatsü keu küdau juno Ampeu lau inikhu aye,

KUKAMI ATUGHIU 9:3

Ampeu no pa vilo pi, “I no o kighini eno nono khukeu chiluvae. Nono aki khikhi shiqhe keno tipau shikimtheve tsüae eno alholo ghenguno I je tile qhivae. I nhethi ngo I mlo ye ado kümtsü lo tile aniae.

KUKAMI ATUGHIU 9:7

I no Israelmi tsükeu yeghi lono panongu hapheve nani, eno aki khikhi I je ghenguno shikimthe püani keno I nhethe lono ikhive nani. Israel ye ashiayeqo gholo küghakiche eno küthakügha shive nani.

KUKAMI AKINIU 16:11

Akükau Ahaz no Damascus lono tsüpuwo keu kiqi lono Uriah no thokha tipau kimihi lono akümlla-khache mlave, ti ye Ahaz no ideighi mphi lono mlave.

KUKAMI AKINIU 21:4

Ampeu ki, khile Ampeu no “Jerusalem lo I no I je qhini,” ipi keno, tile pa no akümlla-khacheqo mlave.

KUKAMI AKINIU 23:27

Ampeu no pi, “I no Israel ikhive ketoi, Judah ghi I zülono ikhive nani, eno I no kishelu keu mishighüna Jerusalem ngo achineki khipau pesü I no, I je tile anani, ipi keno, I no peve nani.”

KUKAMI AKINIU 23:4

Tishino akükau no achinetou Hilkiah ngo pa shelo akiniu mqo lo achinemi ngo achineki kulaghi khemi vilo Baal ngo Asherah eno atsütsü lo aqhi ayepu kümlla ghenguno abohu mlapüa keqo ikhiphe penike azah tsü. Pa no Jerusalem khalau Kidron luza lono pitileve eno tipa yevu pesü Bethel lo wuve.

KUKAMI AKINIU 23:6

Pa no Ampeu ki lono Asherah ikhiphepe Jerusalem khalau wuve no Kidron ghoki lono pitive, eno mukhumuno shive no tipau pesü mishi kumo kuqhoa lo kuthole süvetsü.

YEKIKITHI AKINIU 33:15

Pa no Ampeu ki lono inaghami lhouqo ngo ajulho ikhive, eno Ampeu ki naghuto lo ngo Jerusalem lo akiptia pa no shikeqo kümtsü aphughi khalau peve.

YEKIKITHI AKINIU 33:7

Pa no ajulho mlape Ampeu kilo qhi, tipa ki vehulo Pa no David ngo pa nu Solomon vilo pi, “Israel shiaye kümtsü dolono I no kishelu keu, aki hipau lo eno Jerusalem lo, I no I je pesü alhokupuju ghenguno qhi nani,

YEKIKITHI AKINIU 6:6

ikemu I je apeni kehu I no Jerusalem kishelu eno David pelo Iw timi Israelmi shou ayepe penike kishelue.’

YEKIKITHI AKINIU 7:12

Tile Ampeu no putho lono pa lau ipeghi no pi, “I no o kighini chiluvae, eno achineki hipau lono I lau aghakishi kümlla-a shi penike I no ikhiluve tsüae.

YEKIKITHI AKINIU 7:16

Kughengu itehi aki hipau ye I no kishekimthepe qhivae, tishianguno alholo I je tile ache peni. Ado kümtsü lo I nhethi eno I mlo ye tile ache nani.

YEKIKITHI AKINIU 7:20

I no I yeghi o tsü püakeu lono o hapheve nani eno aki khikhi I no I je ghenguno shikimthepe püani keno, ti ghi I zülono ikhive nani. Eno hipau pesü küghakiche tsa eno thoküghapu shivetsü nani.

NEHEMIA 1:9

Ikemu nongu no I lau tsüghü ighi no I zakütsüqo pelu aye, nongu dolo hapheve kemi no atsütsü shekha lo wuve aghi namu, tilauno I no panongu sachile ighi nani eno I je pesü tile apeniye kisheluve ke-a lo panongu hekütsüpe qhinani.’

LESHELE 74:2

Ow timi, Nono khaghi no qhüluve keqo, O mheghi shiaye shiniye qhüchile luve keqo kümsülu lo! Zion toghi, khile Nono ache keno ti kümsülu lo.

LESHELE 78:58

Kughengu panongu no pano lhou pesü Pa xukutho ke; pano julho kümlla huno Pa pelo anheshuve peke.

JEREMIYA 32:34

Panongu no I je lono ku keu ki shikitiqe nike aphikümqhüpu julho ghopeqhi.

JEREMIYA 7:30

“Judah nuliqo no I zülo alhoksa kümla shivae, Ampeu no asheshu. Panongu no I je lono kukeu ki shipixive tsünike kuchhube keu thimeqo ghope qhie.

EZEKEL 23:38

Tinguno alau, pama ye I lau hipau shivae: pama ye atsala lakhi lono I kimthe chineki shipixi eno Iw Sabbath shikitiqevae.

ZAKINIU 16:21

“Nongu no Ampeu nongu Lhou ghenguno akümlla-khache mla kelo tipau phivilo Asherah kimihi shi asübo shosü moni.