KUKAMI AKINIU 21:3 - Sumi Naga CL (Re-edited) Bible (BSI)

³ Kughengu papu Hezekiah no qhemghaike-a kütsave tsükeqo pa no shiqhe kitheve, pa no Baal kümlla-aqo mla, Israel kükau Ahab no mlake toi Asherah julho mlae, eno atsütsü lo aqhi ayepu kümtsü mlla ke.

BAIBEL (BSI)

³ Papu Hezekiya no hexave tsukeqo asu-atu kumlla-a kumtsu itaghi pano shikithevetsu; Baal mllape nike akumlla kiptia mlatsu eno alhouliu Ashera julho shisupe qhitsu, puzuu Israil kukau Ahab no mlaketoi shithuve. Manasse ye ayepuqo mllauve.

KUKAMI AKINIU 21:3 Iomraidhean Croise

KUKAMI ATUGHIU 18:21

Elijah no timiqo phivilo ighi no pi, “Nongu mlo lo hiküma dolo xatha nike ado khitohi luni kea? Ampeu no Alhou shiaghi aye, Pa papelo; ikemu Baal no shiaghi aye, pa papelo.” Timiqo ye atsa lakhimu piqhi move.

KUKAMI ATUGHIU 18:26

Panongu no amshitsü ikhipe kishekulu shino inaqhe no puchomghü kutolo Baal vilo inikhu, “O Baal, ni khochile tsülo!” Ikemu kiu sütsa mu ighimo, eno khunomu khochile moe. Panongu no akiptia homxa ilhe ae.

KUKAMI AKINIU 13:6

Ikeghi panongu ye Jeroboam kibolomi xine, khipaqo no Israel pelo axine shivepe keno, tipaqo lono putosü mono tipatho lono chewuve, eno Asherah julho ghi Samaria lo ache.)

KUKAMI AKINIU 17:16

Panongu no Ampeu pano Lhou zakütsü kümtsü pheve, eno pano sala ayi no amshiti julho kini mlape qhi; panongu no Asherah mla no atsütsü lo ayepuqo mlla eno Baal huthu.

KUKAMI AKINIU 18:22

Ikemu nono I vilo, “Ningu ye Ampeu ni Lhou shou pükhübe ani,” ipi aye, le maye Hezekiah no Paw qhemghaike-aqo ngo akiptiaqo hepho khave tsüno Judah ngo Jerusalem vilo, “Nongu ye Jerusalem lo akiptia hipau lono mlla lo,” ipike kumo keshea?

KUKAMI AKINIU 18:4

Pa no qhemghaike-aqo hephove tsü, atsükuchoqo tulave tsü, eno Asherah hepholeve tsü. Pa no alazayi pighi julho (tipau pesü Nehushtan ipiche) khipa lau Israelmi no tipa ghuloki kutolo akümllagho pesü tsüche keno, tighi atachu shi kuboleve tsü.

KUKAMI AKINIU 8:18

Ahab kibolomi no shike toi pa ghi Israel kükami xine laghi pape, kughengu pa nipu ye Ahab nonga ke. Pa ye Ampeu zülo kiu no axine keno ti shike.

KUKAMI AKINIU 8:27

Pa ghi Ahab kibolomi laghi lo chewuve, eno Ahab kibolomi no shike toi Ampeu zülo kiu no axine keno ti shike, kughengu pa ye Ahab kibolomi makishiu ke.

YEKIKITHI AKINIU 32:12

Le Hezekiah hipau no paw qhemghaike-a ngo pa kümlla-khache kütsaleve no Judah ngo Jerusalem vilo, “Nongu ye akümlla-khache lakhi lono mlla lo eno tileno nongu ghakishi pitilo,” ipi azah tsüke kumo keshea?

YEKIKITHI AKINIU 34:3

Kughengu pa yepe mpe akütacheu lo, ti ye apulhothe shi aphi lono, pa ye pa sü David Lhou mllauve, eno ampe chighiakiniu loye pa no Jerusalem ngo Judah lo qhemghaike-a, Asherim, küxütha keu julho, eno ayi julhoqo kütsave tsü.

JOB 31:26

tsala I no khetsünhe momu aqhi no qhivütsünyi akeu jupe

ISAIAH 65:11

Ikemu nongu khunoqo Ampeu qhive keno, khunono I kimthe naghuto kümsümave keno, Angukümgha ithulu niye achuqupu pesü mlla chekeqo, eno Kükümgha ithulu niye atsaiji jeli kitekungo chekeqo,

JEREMIYA 7:30

“Judah nuliqo no I zülo alhoksa kümla shivae, Ampeu no asheshu. Panongu no I je lono kukeu ki shipixive tsünike kuchhube keu thimeqo ghope qhie.

MICAH 6:16

Kughengu nongu no Omri yezah eno Ahab lagha kümla kümtsü papeke; eno nongu no panoqow mijekütsü laghi pülake, ikehu I no nongu kütsale eno xüküami jukünatha penani; eno nongu no Iw timiw tichetighe xapu nani.”

ZAKINIU 16:21

“Nongu no Ampeu nongu Lhou ghenguno akümlla-khache mla kelo tipau phivilo Asherah kimihi shi asübo shosü moni.

ZAKINIU 17:2

“Ampeu nongu Lhou no nongu tsü akeu phughi lakhi lo kiptimi na totimi namu AMPEUw puloshoqhi shipixi keu vecheo Ampeu nongu Lhou zülo alhoksa shive no

ZAKINIU 17:3

kütau lhou qeuve eno mllauve no I no lakha chekeu khetsünhe, aqhi, momu ayepuqo mllauve aye,

ZAKINIU 20:18

tishikeu lono panongu no pano lhouqo lau aphikümqhüpu khuaye shiche keqo nongu shikamo nani, eno nongu pelo Ampeu lau axine shipemo nani.

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.