KUKAMI AKINIU 21:2 - Sumi Naga CL (Re-edited) Bible (BSI)

² Israelmi zülono Ampeu no shiye hapheve keqo no aphikümqhüpu khuaye pepimhe chekeu pape kelono pa ye Ampeu zülo kiu no axine keno ti shive.

BAIBEL (BSI)

² Paye AMPEU zulo axine shivekeuye Israilmino ighimphilo achekeqo shiyeh kutami kumla lhoksa papeuve.

KUKAMI AKINIU 21:2 Iomraidhean Croise

KUKAMI AKINIU 17:2

Pa ye Ampeu zülo kiu no axine keno shi, ikemu pa züu Israelmi kükami toimoe.

KUKAMI AKINIU 21:11

“Judah kükau Manasseh no aphikümqhüpu hipaqo shi, pa züu Amorimi nguno kuthoküzü xine shi, eno pa julhoqo vecheo Judah pelo axine shipe,

KUKAMI AKINIU 21:16

Manasseh no Judah sasü axine lo ilokeu lono panongu pelo Ampeu zülo axine shive peke likhi kumono, pa no amikuchomi kutomo pithive tsükeu ji no Jerusalem halau no halau kutolo qowue.

KUKAMI AKINIU 21:20

Pa ye papu Manasseh toi Ampeu zülo kiu no axine keno shike.

KUKAMI AKINIU 21:21

Papu no cheche keu la kümtsü lo pa no chewu eno papu no ajulho huthu chekeqo pa no huthu eno mllae.

KUKAMI AKINIU 21:7

Pa no Asherah julho mlape Ampeu chineki lo qhi, tipa chineki vehulo Ampeu no David ngo pa nu Solomon vilo pi: “Israel shiaye kümtsü gholono I no kishelu keu ki hipau lo eno Jerusalem lo, I no alholo ghenguno I je qhinani.

KUKAMI AKINIU 22:17

Kughengu panongu no I milive eno pano kümla vecheo I mlo shikighide tsüniye kütau lhouqo lau akümllagho tsüke, tighenguno I loghu ye a-a hipau shou ikughi nani eno ti ye iqüvemo nani.

KUKAMI AKINIU 23:32

Pa puasüqo no shike toi pa ye Ampeu zülo kiu no axine keno kümtsü shike.

KUKAMI AKINIU 24:9

Pa puasüqo no shike toi pa ye Ampeu zülo kiu no axine keno kümtsü shi ke.

YEKIKITHI AKINIU 36:14

Tipa shouno achinemi gholo hiyampemi eno timiqo kümtsü shiye kütami no aphikümqhüpu shiche keqo pape wuve eno akumou pükhükümla shive. Ampeu no Jerusalem lo Pa ki shikimthe tsükeu panongu no shipixive.

YETSAPIU 9:18

Alokütsü no aghünanu nguno akiviue, ikemu axinemi lakhi no akivi kutomo shipüsave cheni.

ISAIAH 66:4

Ni ghi panongu ghenguno aghimepu kishetsü nani; eno panongu no msa chekeu panongu shou pukutsü nani, kughengu khunomu I no kukeu lo khochile moe, I no pütsa kelo, panongu no ini tsümoe; ikemu kiu no I nhethe lo axine keno, panongu no ti shike, eno I no pulomo keu kishelu ke.”

JEREMIYA 15:4

Hezekiah nu Manasseh, Judah kükau no Jerusalem lo kiu shi keno, tipa ghenguno I no panongu pesü ayeghi lo kükaqha kümtsü lau akümsapu shitsü nani.

EZEKEL 11:12

eno nongu no Ni ye Ampeu kepi ithi nani. Kughengu nongu ye I kükütsü lo cheche movae momu Iw pimheyeqo gholu movae, ikemu shiye nongu homxape akeqow pimheye kiqi lono mlaitha cheni ke.”

EZEKEL 16:51

Samaria ye o xineqo tüxa qhemi mu shimphi. No ye panongu nguno aphikümqhüpu alau shivae, eno nono aphikümqhüpu mlakeqo vecheo o tsünipulimi ye amikucho toive tsüe.

EZEKEL 22:3

No ye ishi pilo, Ampeu Alhou no ishi piani: Mishighüna no aji pele, eno asü-atu julhoqo mla no li ampi shikitiqe kehu li tüqhüdo ye ighivae!

ZAKINIU 12:31

Nongu ye tipa gholau no Ampeu mlla moni, kughengu Ampeu no mithi chekeu aphikümqhüpu jeli thokha panongu no pano lhouqo lau shicheni, panongu ye pano tianuliu thotsü ami lono pitipe pano lhou tsüve cheni.