KUKAMI AKINIU 21:12 - Sumi Naga CL (Re-edited) Bible (BSI)

¹² tighenguno Ampeu Israel Lhou no ishi piani: Julo, I no Jerusalem ngo Judah shou chikulumi pelo akini ghi mthomzai pekepu küsakusho puwuni.

BAIBEL (BSI)

¹² Tighenguno ni AMPEU Israil Lhou no shikupsa ghichheghime pesu Jerusalem eno Juda shou pukuni, khukhumu chilukelo apuchopungoqhiyi thughuive penikeu shitsuni.

KUKAMI AKINIU 21:12 Iomraidhean Croise

KUKAMI AKINIU 22:16

Ampeu no piani, Julo, Judah kükau no kaku lo philu keu tsaqo hutoi, I no a-a hipau shou eno xüküami shou kütsakungo keu süghini cheni.

ISAIAH 24:5

Timi no ayeghi shikitiqevae; kughengu panongu no Alhou yezah, akhuaye eno shekhaha puloshoqhi shikeu hexave ke.

ISAIAH 28:16

ikehu Ampeu Alhou no hitoi piani: “Julo, Zion lo aboqha shi ghi atuyitu sho püakeu huye I no ke, ti ye akughupu tsükucho, thebeike boqha: ‘Khukhumu pülü keu ye lhelheivemo nani.’

JEREMIYA 19:3

Nono pini, ‘Ampeu tsa inilo, O Judah kükami eno Jerusalem lo küxümiqo. Aqokitikhi MPEU, Israel Lhou no ishi piani: Julo, I no kütsakungo keu a-a hipau lo süghini cheni, hipau chilu kemi kümtsü kini lo qüqüshi chilu nani.

EZEKEL 7:5

“Ampeu no ishi piani: Kütsakungo keu shelo kütsakungo keu! Julo, ti ye ighivae.

DANIEL 9:12

Pa no amhekiqi kije ningu shou süghi keu vecheo Pa tsa khikhi ningu eno niw yepemi shou pipuku keno ti shikupuvae.

AMUS 3:2

“Ayeghi lo ashiaye kümtsü dolo Ni ye nongu likhi ithie; tighenguno no xine ghenguno I no nongu ghime nani.

MICAH 3:12

Ikehu nongu ghenguno Zion ye aluza toi hokideve nani; Jerusalem ye xine-xigha pekilepu-a shive nani, eno achineki toghi no aghasü ilhouve nani.

SAMUEL ATUGHIU 3:11

Tile Ampeu no Samuel vilo pi, “Julo, Israel lo thime lakhi I no shiniye ani, tipau shikelo khuno kini no chiluni keno panoqo kümtsü akini mutho ghüghüi nani.