KUKAMI AKINIU 2:6 - Sumi Naga CL (Re-edited) Bible (BSI)

⁶ Tithiu Elijah no Elisha vilo pi, “Hile ngo aghilo, kughengu Ampeu no Jordan lo I puwu ani.” Ikemu pa no khochile, “Ampeu xüani eno no ampi xüani, ni ye khilemu o phemoe.” Tighenguno pama kümtsa wuve.

BAIBEL (BSI)

⁶ Tileno Elija no Elisha vilo “Itehi hilehi ngo aghilo; AMPEU no ivilo Jordan lo wulopi ahza tsuani.” Ikemu Elisha no khochile, “Ino xukuau AMPEU, khuu ino huthu cheni keno paje lono pi ani, niye khilemu ophemoe.” Tighenguno pama kumtsa cheve,

KUKAMI AKINIU 2:6 Iomraidhean Croise

BOTHUBO 22:6

Abraham no akipti kümllagho ghenguno asü pesü pa nu Isaac xapipeve. Eno pa no ami ngo azüta pa u lo peluve. Tishino pama ye kümtsa wuve.

BOTHUBO 22:8

Abraham no pi, “I nu, Alhou no akipti kümllagho ghenguno ambe tsü nani.” Ikehu pama no kümtsa wuve.

KUKAMI AKINIU 2:2

Elijah no Elisha vilo pi, “Hile ngo aghilo, kughengu Ampeu no Bethel kutolo I puwu anie.” Ikemu Elisha no khochile, “Ampeu xüani, eno no ampi xüani, ni ye khilemu o phemoe.” Ikehu pama kümtsa Bethel lo iqive.

KUKAMI AKINIU 4:30

Anu paza no pi, “Ampeu xüani ke eno no xüani ke ni ye khilemu o phemoe.” Ikehu pa no ithu no li pape wuve.

JOSHUA 3:15

eno achinemi Puloshoqhi Bohu peche keqo no Jordan tove no panongu pukhu azü lo nesü kemtsa (ti ye ghile tusho shia eno aghoki ye amkü kutolo qoa),

JOSHUA 3:8

No ye achinemi Puloshoqhi Bohu peche keqo azah tsülo, ‘Kughou nongu no Jordan mkü toveni keno, nongu ye tile puthugho ngovelo.’”

RUTH 1:16

Ikemu Ruth no khochile, “I vilo o qhive lopi kevi momu o papemo no idewove lopi kevilo. Kughengu nono khile wuni keno ni ghi wuni eno nono khile ngoni keno ni ghi ngoni. Ow timi no Iw timi shiveni eno o Lhou no I Lhou shiveni.

SAMUEL ATUGHIU 1:26

Li no pi, “O I mpeu, no hi xüanike totimi khuu o zülo hile puthugho no Ampeu lau inikhu akeno ti huye ni ke.

SAMUEL ATUGHIU 20:3

Ikemu David no itaghi tushoqhi, “Nono I kimiye chekeu o pu no ithi ani, eno pa ye ishi kümsü ani, ‘Jonathan pelo hi ithi pemoni, tikumo aye pa ye amlo ijuve nani.’ Ikemu kuchou no Ampeu xü anike eno no hi xü anike, ni eno akithi dolo küpka lakhi likhi ani.”