KUKAMI AKINIU 2:5 - Sumi Naga CL (Re-edited) Bible (BSI)

⁵ Jericho lo tungkupmi loji no Elisha lau ipeghi no pi, “Ampeu no ishi tsala lono o launo o mpeu sawuve niye akeu no ye ithi anima?” Elisha no khochile, “Iyei, ni ye ithi ani, qümüive lo.”

BAIBEL (BSI)

⁵ Jerikho lo achekemi tungkupumi aloji lakhino Elisha lau ighino iniju, “AMPEU no ishino olauno ompeu Elija sasu wuveniye akeu noye ithi anima?” Elisha no khochile, “Niye ti ithi ani, ikemu ningu tipau ghiliye kughamono aghinie.”

KUKAMI AKINIU 2:5 Iomraidhean Croise

BOTHUBO 48:19

Ikemu papu no milive no pi, “I no ithi anie, I nu, I no ithi ani. Pa ghi ashiaye kije shi ikowo nani. Tishinamu, pa thiküzüu ayitiu no pa nguno akijeu shi nani, eno pa tikughuko no aqokitikhi shiye shinani.”

KUKAMI ATUGHIU 20:35

Ampeu zakütsü lono tungkupmi loji lo milakhi no pa küsau vilo pi, “I heqhilo.” Ikemu pa no tishimoe,

KUKAMI AKINIU 2:3

Bethel lo tungkupmi loji no Elisha lau ipeghi no pi, “Ampeu no ishi tsala lono o launo o mpeu sawuve niye akeu no ye ithi anima?” Elisha no khochile, “Iyei, ni ye ithi ani, qümüi shilo.”

KUKAMI AKINIU 4:1

Tungkupmi loji lo milakhi nipu achimeu no Elisha vilo ighamku pi, “O qeu, I kimi ye thivae, eno nono ithi anike o qeu ye Alhou sümsa chekemi, ikemu pa no timi lakhi pi puakeu huno ighi püzü I nu pama aqemi shi penike sawuve niye ani.”

KUKAMI AKINIU 5:22

Pa no pi, “Thokha achipi shi ani. Ikemu I mpeu no I puwu no hi pilo pike, ‘Itehi no tungkupmi nu kini Ephraim toghi ghakhu lono I lau ighi ani. Kimiyeno ghükayi ahu 34 eno aphiküzü atüna kini ishi pama tsülo.’”

KUKAMI AKINIU 6:1

Ghulo lakhi tungkupmi loji no Elisha vilo pi, “Julo, nono ampi shi akeu ki ye ningu ghenguno tülalovae.

KUKAMI AKINIU 9:1

Elisha no tungkupmi loji lo lakhi kuno pa vilo pi, “Aphimini akivishi pepusü thazü külabo hipau pesü Ramoth-gilead lo wulo.

YETSAPIU 3:7

süxü kepu do, eno pukho kepu do; inaqhoive kepu do, eno atsa pi kepu do;

ISAIAH 41:1

Oh Azüghi mkülo küamiqo, inaqhoi shino I no pikeu inilo, timiqo pelo panongu shikumto kithelu pelo; panongu pelo ighino atsa pipelo; ningu küghakütha ghenguno kumqoni nolo.

AMUS 7:14

Tileno Amos no Amaziah khochile pi, “Ni ye tungkupu kumo, tike kumono tungkupu nu mu kumoe, ikemu ni ye ambekhemi eno tüküthi-mubuthi chiche kemi ke.

HABAKUK 2:20

Ikemu Ampeu ye Pa kimthe chineki lo ani; ayeghiqha kümtsü no Pa zülo iqünhei shilo.”

Luke 24:51

Panongu kümghatsü ghi pa ye panoqo launo kütüta shisü kungugha lo saikuve.

Apostolmi 1:11

eno pi, “O Galileemi, nongu ye kushiye atsütsü lo jupuku ania? Hi Jisü, khuu nongu launo kungugha lo saikuve akeno, pa ye kungugha lo wuve keu gholau no itaghi ighi nanie.”

Apostolmi 1:2

pa no kishelu kemi Apostolmi lau Aghungu Kimthe vecheo azah tsüve kethiu, kungugha lo pa saikuve keu tsala kutolo.

Apostolmi 26:25

Ikemu Paul no pi, “Akiqheu Festus, ni ye I kükümsü achipishi ani, eno kuchou ngo tsaqütsalei keu tsa piani.

SAMUEL ATUGHIU 10:5

Tithiu nono Gibeath-elohim, khile Philistiami ghüshimi ghazü ani keno, tipau lo ighi nani. Tilau nono mishighüna lo ighi kemtsa, tungkupmi amqo lakhi qhemghaike-a lono iqi cheghi keu ithulu nani, eno panoqo zülo aheo, amqübo, fulili, eno akighi lebo küigha ghi tungkuptsa picheghi nani.