KUKAMI AKINIU 19:4 - Sumi Naga CL (Re-edited) Bible (BSI)

⁴ Ampeu o Lhou ye Rabshakeh, khuu Assyria kükau no xüakeu Lhou thaigha peniye puwu keno, pa no pikeu tsaqo kümtsü chiluve aghi nani, eno Ampeu o Lhou ye tipa tsaqo chilu no alomipi nani keniae; tighenguno ghükulumi ghenguno inikhu tsülo.”

BAIBEL (BSI)

⁴ Asiriya lo akukauno paw kijemi atou hapuwuno akuxu kuau Lhou thaigha anipe. AMPEU oLhou pelono hi kuthakugha tsa chiluno piqhikemiqo lau aghime tsupeniu. Tighenguno ningu achilishi akemi nitimiqo ghenguno Alhou vilo inikhutsulo.”

KUKAMI AKINIU 19:4 Iomraidhean Croise

BOTHUBO 22:14

Ikehu Abraham no tipa-a pesü, “Ampeu no tsü nani,” ipi kuvetsü; ishi kutolo hitoi pi cheni, “Ampeuw naghuto lono ti tsü nanie.”

SAMUEL AKINIU 16:12

I lau akumou shive keu Ampeu no ithulu tsüno ishi paw ghukusho theli lo akivi pesü I tsüchile penie.”

KUKAMI AKINIU 18:13

Akükau Hezekiah yepe mpe chighiabidiu lo Assyria kükau Sennacherib no ighi no Judah lo aliwo kumto mishighüna kümtsü leluve.

KUKAMI AKINIU 19:16

O Ampeu, O kini kughope inilo, O Ampeu, O nhethi tsükho no julo, eno Sennacherib tsa khikhi pa no aküxüküa Lhou thaigha niye pi puwu keno initsü lo.

KUKAMI AKINIU 19:22

“No ye khuu pipütha eno junuve akea? No ye khuu shou atsa pipukuve akea eno o nhethi pesü khilau jupukuve akea? Israel Lhou Akimtheu shoue!

KUKAMI AKINIU 19:23

O tsapemi vecheo nono Ampeu thoghavae, nono pi, ‘Iw khurkulu kutomo akeu sasü I no naghuto kütsüqa lo ikuvae, Lebanon ghasü kutolo wuvae, I no cedarbo akushuu buqhi, asahubo akighicheu buqhi ke; tile akungo-a akuthou lo iloe, aghasü akiviu-a lo wujuvae.

KUKAMI AKINIU 19:3

Panongu no pa vilo pi, “Hezekiah no ishi piani, Atsala hi ye kütakihi, alomipi, eno thaigha keu tsalae; atianuli punu kepu do ighive akemu punulu kepu küka kühavae.

KUKAMI AKINIU 19:30

Judah lagha lo ghükulumi khunoqo ani keno, tipaqo no itaghi akuhu alou qüilope nani eno thuiku kunguu no axathi pithipe nani.

KUKAMI AKINIU 19:31

Kughengu Jerusalem lono ghükulumi ipe nani eno Zion Toghi lono aküxü achili shi aghi keqo amqoshi ipe nani. Ampeu no hi shinani.

KUKAMI AKINIU 19:5

Kughou Akükau Hezekiah kijemi no Isaiah lau ighi keno,

YEKIKITHI AKINIU 32:20

Tithiu Hezekiah ngo Amoz nu tungkupu Isaiah pama no hipa ghenguno kungugha lau ighamku inikhu.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 50:21

No ye thime hipaqo shivae, ikeghi Ni ye inaqhoi ighivae; nono kümsü keu no nighi o toi kemi küghashi ani. Ikemu itehi I no o lomipi ani eno ngukube keu o zülo süghi ani.

LESHELE 74:18

O Ampeu, aghümi no kishi O junu ani, eno mbomzümi no O je thaigha ani keno kümsülu lo.

ISAIAH 1:9

Aqokitikhi MPEU no ningu ghenguno ghükulumi aghulo qhitsümo keaye, ningu ye Sodom ngo Gomorrah toive aghini che.

ISAIAH 10:6

Alhou kümthami shiye, I loghu shikighide kemi lau wuno alaghila lo aniba qoda keshi püka, eno hakholu penike I no azah pa tsüno puwu ani.

JEREMIYA 23:36

Ikemu no ye khilemu ‘Ampeu pekimshi’ ghili pi kevilo, kughengu ape kimshi ye timi lakhikhi tsake, no ye aküxüpu Alhou, aqokitikhi MPEU, ni Lhou tsa tuchighive ani.

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

JEREMIYA 42:9

eno panoqo vilo pi, “Ampeu Israel Lhou, khuu lau nongu no I pelo qhüiniju pekeno Pa no ishi piani:

EZEKEL 36:37

“Ampeu Alhou no ishi piani: I no Israel kibolomi ghenguno shitsüni ke pano pelo ambeloji toi panow timiqo kughukotsü penike hi ghi I vilo khupe nani.

Rommi 11:5

Ikehu ishi ningu ghuloki lou ghi Alhouw küpükini vecheo kishelu keu ghükulumi ani.

Rommi 9:27

Isaiah no Israelmi ghenguno ishi sheshu püani: “Israelmi kikihi no azüghi lo asaye jehi aghi namu, ghükulumi aghulo likhi xalu nani,

ZAKINIU 32:36

Ampeu no Paw timi lolo aküka kühave keu, eno aqüaxemi na ililai kemi namu kühave keu ithulu kelono Paw timiqo xaphelu nani eno Pa qemiqo kimiyeqhiyi nani.

JOSHUA 14:12

Tishiaye itehi, tipa tsalani Ampeu no piqhikeu yeghi hu I tsülo, kughengu Anakimi no kishi aliwo kumto no mishighüna bothasü keu lo ache keno, tipa tsalani no ghi chilue. Ikemu Ampeu no I gholo ngono I no hupaqo haphe luve nanie pike.”

JOSHUA 3:10

Joshua no pi, “Aküxüpu Lhou no nongu gholo ani kepi hileno ithi nani, ti ye Pa no nongu zülono Canaanmi, Hittimi, Hivimi, Perizimi, Girgashimi, Amorimi eno Jebusimi hapheve tsü nani.

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”

SAMUEL ATUGHIU 17:10

Pa no pi, “I no ishi tsala lo Israelmi kichi-iti khü ani. Timi lakhi I tsülo, nikujo kümtsa kichighi junie.”

SAMUEL ATUGHIU 17:26

David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”

SAMUEL ATUGHIU 17:45

Tile David no pa vilo pi, “No ye azütakikihi, angupa eno ayi ghasü pesü I lau ighi ani, ikemu ni ye aqokitikhi Mpeu, Israel ghüshimi Lhou, khuu nono khü ani keno Pa je lono o lau ighi ani.