KUKAMI AKINIU 19:37 - Sumi Naga CL (Re-edited) Bible (BSI)

³⁷ Pa no pa lhou Nisrokh kilo mlla akelono pa nu Adrammelech ngo Sharezer pama no azütakikihi pesü pa ghiqhive eno Ararat yeghi lo pove. Eno pa nu Esarhaddon no pa thisü luve.

BAIBEL (BSI)

³⁷ Ghulo lakhi paye achinekilo wuno pa lhou Nisrok mlla ae, tileno panu Adram-melek ngo Sharezer pamano ighino azuta pesu pa ghiqhive, tishino pamaye posu Ararat lo pove. Ipuzu panu kutau lakhiu Esarhadon no pa zuqhulo akukau shiluve.

KUKAMI AKINIU 19:37 Iomraidhean Croise

BOTHUBO 8:4

eno aqhi akütsüniu, atsala chighiakütsüniu lo, ashuka ye Ararat naghuto kütsüqa lo ngove.

KUKAMI AKINIU 17:31

Avvami no Nibhaz eno Tartak julho mla, Sepharvaimmi no pano tianuli pesü akipti kümllagho shi pano lhou Adrammelech eno Anammelech lhouqo tsüe.

KUKAMI AKINIU 18:30

Hezekiah no nongu vilo, ‘Ampeu no ningu xaphelu nani pütsa eno mishighüna hipau ye Assyria kükau u lo ilomo nani,’ ipikeu vecheo nongu ye Ampeu shou pükhübe kevilo.

KUKAMI AKINIU 18:5

Hezekiah no Ampeu Israel Lhou shou shishe pülübe, pa züumu pa thiumu Judah kükami khumu pa toike ipeghi moe.

KUKAMI AKINIU 19:10

“Judah kükau Hezekiah vilo ishi pilo: ‘O Lhou khuu nono pülü cheni keno Pa no Jerusalem pesü Assyria kükau u lo sütsümo nanie pikeu no o pishiqhipe kevilo.

KUKAMI AKINIU 19:17

O Ampeu, kuchou no Assyria kükau no shiyeqo eno pano yeghi kütsakungove,

KUKAMI AKINIU 19:31

Kughengu Jerusalem lono ghükulumi ipe nani eno Zion Toghi lono aküxü achili shi aghi keqo amqoshi ipe nani. Ampeu no hi shinani.

KUKAMI AKINIU 19:7

Jualo, I no pa lolo aghungu sütsü no pa pelo uyeu tsa chilupe pa yeghi lo idewovepe nani, eno I no pa yeghi lono azütakikihi no pithive nani.’”

YEKIKITHI AKINIU 32:14

I puasüqo no kütsaleve keqo ghakhu lhouqo dolo khuu no paw timiqo I u lono xaphelu kea? Tishiaye nongu Lhou ye kishino I u lono nongu xaphelu nani kea?

YEKIKITHI AKINIU 32:19

Panongu no ayeghi lo ashiaye kütami lhou, timi u no mla keqo, pütsa aketoi Jerusalem Lhou pütsae.

YEKIKITHI AKINIU 32:21

Ikelo Ampeu no kungumi puwu no Assyria kükau ghazü lo aghütomi ngo ghüshimi zatsümi eno kijemi kümtsü heqhive tsü. Tighenguno pa ye kujoqhiyi idechile pa ghakhu lo wove. Kughou pa no pa lhou kilo iloghi keno, pa nuli khami no azütakikihi pesü pa ghiqhive.

EZRA 4:2

panongu no Zerubbabel eno ali tomi sasü kusho no pi, “Ningu ghi nongu gholo mla pelo, kughengu nongu no mlla cheke toi ningu ghi nongu Lhou mlla cheni, eno ningu ye Assyria kükau Esarhaddon, khuu no ningu hilehi saighi keno, pa ghuloki lono Pa lau aghashi ighivae.”

JEREMIYA 51:27

“Ayeghi lo michiphi süqhelo; shiyeqo dolo afuko küighalo; Babylon lenike shiyeqo kutolo; Ararat, Minni, eno Ashkenaz kükaqhaqo kukütsü lo; sakipheu kishelo eno tülhaqu loji toi khurshiqo saghi lo.

ZAKINIU 32:31

Ni ghümiu ghi pano tuqu ye ni Tuqu toimo kepi ithi anie.