KUKAMI AKINIU 19:23 - Sumi Naga CL (Re-edited) Bible (BSI)

²³ O tsapemi vecheo nono Ampeu thoghavae, nono pi, ‘Iw khurkulu kutomo akeu sasü I no naghuto kütsüqa lo ikuvae, Lebanon ghasü kutolo wuvae, I no cedarbo akushuu buqhi, asahubo akighicheu buqhi ke; tile akungo-a akuthou lo iloe, aghasü akiviu-a lo wujuvae.

BAIBEL (BSI)

²³ Nono oghinikishimi puwuno ow khurkuluno Libanon lo naghuto akiqheu kumtsu lelukepi ilau aqhekuza shi ae. Nono kedar subo kuchuqu eno kupra jukiviqo micheqhilu eno aghasu kuthokuzu kumtsu iloju pi qheza ani.

KUKAMI AKINIU 19:23 Iomraidhean Croise

KUKAMI AKINIU 18:17

Assyria kükau no Tartan, Rab-saris, ngo Rabshakeh, gholo ghüshimi kütsasa Lachish lono Jerusalem lo akükau Hezekiah lau puwu. Kughou panongu no Jerusalem lo ighi keno, panongu no Aphikighishimi Luza kuwula lo azüla khikhi azükhe lashou lono ighi ani keno tile wu.

KUKAMI AKINIU 18:23

Itehi ighilo, I mpeu Assyria kükau sasü alhi küghaju lo: nono khurshimi kutolu kepu shi aye I no khurshi 2,000 o tsüni.

KUKAMI AKINIU 19:4

Ampeu o Lhou ye Rabshakeh, khuu Assyria kükau no xüakeu Lhou thaigha peniye puwu keno, pa no pikeu tsaqo kümtsü chiluve aghi nani, eno Ampeu o Lhou ye tipa tsaqo chilu no alomipi nani keniae; tighenguno ghükulumi ghenguno inikhu tsülo.”

YEKIKITHI AKINIU 26:10

Pa no asayeqha lo ghi qoghekiqo shipe qhino azü tughuko kutomo chhu, kughengu kulolau naghuto pukhu küxa lo ngo aqa yeghi lo pa ye lhoxü loji kutomo pighiche. Pa ye alu kichimi ngo atsailu kichimi ato yeghi lo ngo aqa lo ache, kughengu pa no aghüma yeghi kimiye ke.

YEKIKITHI AKINIU 32:17

Pa no Ampeu Israel Lhou thogha niye yesü ye eno pa shou pipuku, “Shiye kütami lhou khunono I u lono pano timiqo xaphemlave keno, tipaqo toi Hezekiah Lhou ghi I u lono Paw timiqo xaphe mlave nani.”

LESHELE 20:7

Khami no khurkulu eno khami no khurshi shou pükhübe cheni, ikemu ningu ye Ampeu ni Lhou shou pükhü cheni.

LESHELE 20:8

Tipaqo ye veqhive eno ikiqive, ikemu ningu ye ithughi no mtotoi puthugho luve nani.

ISAIAH 10:13

Kughengu pa no pike: “I kumto, I lokütsü lono I no tolue, kughengu ni ye vethakulu anie; I no ashiayeqo dolo alughi xavetsü, eno pano küakini xüle luve tsü; amshitsü toi I no kükami shokulue.

ISAIAH 10:14

Aghau püsü toi I no ashiayeqo küakini phuluvae; jusü move keu yikhu lilu keshi I no ayeghi kümtsü liluvae; eno khunomu achishibo xakhomo momu akichi xükhope ighamoe.”

ISAIAH 10:18

Aküsü no timi tsaqhive chekeshi, panow jukivi ghasü eno aluza kümtsü Ampeu no kütsave tsü nani.

DANIEL 8:11

Akibo no aqokitikhi gholo Kükapuu toi kije shive. Eno tsalakipe kipti kümllagho Pa launo pewuve, eno Pa kimthe-a kütsave tsü.