KUKAMI AKINIU 18:22 - Sumi Naga CL (Re-edited) Bible (BSI)

²² Ikemu nono I vilo, “Ningu ye Ampeu ni Lhou shou pükhübe ani,” ipi aye, le maye Hezekiah no Paw qhemghaike-aqo ngo akiptiaqo hepho khave tsüno Judah ngo Jerusalem vilo, “Nongu ye Jerusalem lo akiptia hipau lono mlla lo,” ipike kumo keshea?

BAIBEL (BSI)

²² Asiriyami kijemi no highi ishipi, “Ikeo nonguye AMPEU nongu Lhou shou pukhube aghiaye ivilo pilo? Kughengu AMPEU chineki ngo akiptiaqoye Hezekiya no shipsa hexakhavea, ipuzu pano Juda lo timiqo eno Jerusalem lo kuamiqo vilo Jerusalem lo akeu kumlla kiptialo likhino mlla lunanipi pithivae.

KUKAMI AKINIU 18:22 Iomraidhean Croise

KUKAMI AKINIU 18:23

Itehi ighilo, I mpeu Assyria kükau sasü alhi küghaju lo: nono khurshimi kutolu kepu shi aye I no khurshi 2,000 o tsüni.

KUKAMI AKINIU 19:6

Isaiah no panongu vilo pi, “Nongu mpeu vilo pilo, ‘Ampeu no ishi piani: Assyria kükau qemi no I thokügha tsa pikeu nongu no chiluke ghenguno msa kevilo.

YEKIKITHI AKINIU 31:1

Hi kümtsü tave kethiu, tile ighi kemi Israelmi kümtsü no Judah, Benjamin, eno Ephraim ngo Manasseh mishighünaqo lo wuno atsükucho hepholeve, Asherim loqhive eno qhemghaike-a ngo akümlla-khache kümtsü hephove. Ti kümtsü hephove kethiu no Israelmi no pütüta kilo idewove.

YEKIKITHI AKINIU 32:12

Le Hezekiah hipau no paw qhemghaike-a ngo pa kümlla-khache kütsaleve no Judah ngo Jerusalem vilo, “Nongu ye akümlla-khache lakhi lono mlla lo eno tileno nongu ghakishi pitilo,” ipi azah tsüke kumo keshea?

ISAIAH 36:7

Ikemu nono I vilo, “Ningu ye Ampeu, ni Lhou lau pükhübe cheni,” ipi aye, kishino Hezekiah ye Judah ngo Jerusalem lo küami vilo, “Nongu ye akiptia hipau zülo likhino mlla lo” ipi püzü Ampeuw keghi akiqhe-a eno akiptia kütauqo hephovetsü kea?

DANIEL 3:15

Itehi nongu no kutope aghi aye, kughou nongu no akibo, fulili, aheo, akighilebo, lilala eno alebo ghügha jeliqo chiluni keno itsaqi no ajulho I no ghope qhikeu mlla lo, tishilu aye alo eno akivie. Ikemu nongu no mllamo aye, nongu ye kuchughei keu miphoki lo itehi vesüveni. Eno khuno lhou no I u lono nongu xaphe luni kea?”

MATTHEW 27:43

Pa no Alhou shou pükhübe chenike Alhou ye pa xapheni shinani mala junie. Kughengu pa no, ‘Ni ye Alhou Nu,’ ipi chenie.”

1 Kor. 2:15

Aghungulo timi no thokha kümtsü kiqikutoju cheni, ikemu khunomu pa shou küghathabe chemoe.

ZAKINIU 12:11

tileno Ampeu no Pa je ghenguno kishelu ke-a lo, I no nongu vilo süghi lopi azah tsükeu kümtsü peighini: akipti kümllagho, aghakishi kümllagho, chighi saje, nongu no Ampeu lau ashoqhi kümllagho shikeu akiviu kümtsü süghini.

ZAKINIU 12:14

ikemu Ampeu no nongu shiaye yeghi lo a-a kishetsü keu lo likhino akümllagho tsüni, eno tileno I no azah nongu tsükeu jeli kümtsü shilo.

ZAKINIU 12:5

Ikemu Ampeu nongu Lhou no Pa je ghenguno eno Pa kungo-a shikepu nongu shiaye yeghi lo khile kisheni keno nongu ti phuni, eno tilau wuni.