KUKAMI AKINIU 18:19 - Sumi Naga CL (Re-edited) Bible (BSI)

¹⁹ Rabshakeh no panongu vilo pi, “Hezekiah vilo pilo, ‘Akükau akiqheu, Assyria kükau no ishi piani: O küpkhü hipau ye kiu shou bepe ani kea?

BAIBEL (BSI)

¹⁹ Asiriyami kijemi pano kuthu gholo milakhino hishi pi akukau Hezekiya ye kiu pukhube pesu pa mlo mutotoi anikeno Asiriya lo kukauno ithinishi ani pi anie.

KUKAMI AKINIU 18:19 Iomraidhean Croise

KUKAMI AKINIU 18:17

Assyria kükau no Tartan, Rab-saris, ngo Rabshakeh, gholo ghüshimi kütsasa Lachish lono Jerusalem lo akükau Hezekiah lau puwu. Kughou panongu no Jerusalem lo ighi keno, panongu no Aphikighishimi Luza kuwula lo azüla khikhi azükhe lashou lono ighi ani keno tile wu.

KUKAMI AKINIU 18:22

Ikemu nono I vilo, “Ningu ye Ampeu ni Lhou shou pükhübe ani,” ipi aye, le maye Hezekiah no Paw qhemghaike-aqo ngo akiptiaqo hepho khave tsüno Judah ngo Jerusalem vilo, “Nongu ye Jerusalem lo akiptia hipau lono mlla lo,” ipike kumo keshea?

KUKAMI AKINIU 18:5

Hezekiah no Ampeu Israel Lhou shou shishe pülübe, pa züumu pa thiumu Judah kükami khumu pa toike ipeghi moe.

KUKAMI AKINIU 19:10

“Judah kükau Hezekiah vilo ishi pilo: ‘O Lhou khuu nono pülü cheni keno Pa no Jerusalem pesü Assyria kükau u lo sütsümo nanie pikeu no o pishiqhipe kevilo.

LESHELE 4:2

O timiqo, khitohi I gigihupu pesü akukujopu lo süve tsüni kea? Khitohi nongu ye adou tsaqo kimiye eno akimki phuni kea?

ISAIAH 36:4

Rabshakeh no pi, “Hezekiah vilo pilo, ‘Assyria kükau akijeu no ishi piani: O mlo kumto hipau ye kiu shou bepe ani kea?

ISAIAH 36:6

Julo, nono Egypt shou pükhü ani kemu ti ye ayeghü küsü icheve keue, tino pa mungu ighikeu u lo amihi phisüve tsü cheni. Egypt kükau Pharaoh ye pa shou pükhü kemi kümtsü lau hitoi shicheni.

ISAIAH 36:7

Ikemu nono I vilo, “Ningu ye Ampeu, ni Lhou lau pükhübe cheni,” ipi aye, kishino Hezekiah ye Judah ngo Jerusalem lo küami vilo, “Nongu ye akiptia hipau zülo likhino mlla lo” ipi püzü Ampeuw keghi akiqhe-a eno akiptia kütauqo hephovetsü kea?

ISAIAH 37:10

“Judah kükau Hezekiah vilo ishi pilo: ‘Nono khuu pükhü cheni keno o Lhou no Jerusalem ye Assyria kükau u lo phesüve tsümo nanie pi tushoqhi keu lono o pishiqhivepe kevilo.

ISAIAH 37:13

Hamath kükau, Arpad kükau, Sepharvaim kükau, Hena kükau, eno Ivvah kükau, hipaqo ye khilave akea?’”

DANIEL 4:30

tile akükau no pi, “Babylon, khikhi I kughushu küka vecheo I no kükami kungo-a eno I kükanguagha juküvü ghenguno shiqhe keno, hi ye kije kekumo keshea?”