KUKAMI AKINIU 18:14 - Sumi Naga CL (Re-edited) Bible (BSI)

¹⁴ Judah kükau Hezekiah no Lachish lo Sennacherib vilo pi puwu, “I no küqüvae; kimiyeno I launo tsüghüve tsülo. Nono I vilo kiu kiumu khukeu I no tsüni.” Assyria kükau no Judah kükau Hezekiah vilo ghükayi ahu 10,000 eno ameshoyi ahu 1,000 khu.

BAIBEL (BSI)

¹⁴ Hezekiya no asutsa lakhi Sennakerib Lakis lo ngo akeu lau tsupuwu: “Ino kuquve ake, kimiyeno le-ighi tsukevilo eno nono kiu khunikeno ino ti otsuni.” Tileno akukauno Hezekiya vilo hitoi khochile puwu—tsandiyi kilogram 10,000 shuna no kilogram 1,000 ishi tsulo ipi.

KUKAMI AKINIU 18:14 Iomraidhean Croise

KUKAMI ATUGHIU 20:4

Israel kükau no khochile, “I mpeu, nono pike toi shilo, O akükau, ni ye ow, eno I no akeu kümtsü ow ke.”

KUKAMI AKINIU 10:5

Ikehu kükaki jukütsü akeu ngo aphughi jukütsü akeu pama no layemi ngo jukükütsümi sasü küqha no Jehu lau pi puwu, “Ningu ye o qemi eno nono kiukiu pimu shini. Ningu ye khumu pesü akükau shimoe. Nono kiu no akiviu keno shilo.”

KUKAMI AKINIU 14:19

Jerusalem lono Amaziah pithive niye kuchughu thuve kehu pa ye Lachish lo pove, ikemu panongu no timi puwu no, tilau no pa heqhive.

KUKAMI AKINIU 15:20

Menahem no Israel lo kinimi lau milakhi khino ghükayi lhopungu pa tsü penike anguka lono qhaluve. Ikehu Assyria kükau ye idewove.

KUKAMI AKINIU 18:7

Tighenguno Ampeu no pa gholo ae eno pa no kiu shikeno ti kümtsü lo tokulu shilue. Pa no Assyriami kükau sasü kumgho eno pa huthumoe.

KUKAMI AKINIU 19:8

Rabshakeh no ideighi kelo akükau ye Libnah sasü aghüshi aghi, kughengu akükau ye Lachish qhivae pi pa no chilue.

AHOLE 29:25

Timi jupe msa chekemi ye pa sala alichhe mla ani, ikemu Ampeu shou pükhübe kemi ye sükusho ani.

JEREMIYA 34:7

Babylon kükau ghüshimi no Jerusalem ngo Judah lo mishighüna ashekhau Lachish eno Azekah sasü aghü shiake lonoe, kughengu hiküma ye Judah lo aliwo kumto mishighüna ke.

Luke 14:32

Tishimo aye, pano ghümi no putou ajuu ghi ithumla aphi lono pa ye pa züqhukishimi hape külashive nike beküthau khu süghive peniae.