KUKAMI AKINIU 17:9 - Sumi Naga CL (Re-edited) Bible (BSI)

⁹ Israelmi no tuqhou no Ampeu pano Lhou shou akumou mlae. Panongu no pano phughi kümtsü lo, qogheki lono aliwo kumto mishighüna kutolo akümlla-a mlape qhi.

BAIBEL (BSI)

⁹ Israilmino AMPEU panongu Lhou no pulomokeu kumlaqou shiuve. Panonguno aphughi lono wo nasa eno taun kumtsu akumtha kumlla-a shisuqhewove.

KUKAMI AKINIU 17:9 Iomraidhean Croise

KUKAMI AKINIU 18:8

Pa no Gaza eno ti sükümxa, ti ye qogheki lono aliwo kumto mishighüna kutolo, Philistiami kütsave.

JOB 31:27

tino tuqhouno I mlo züluve eno I u pesü I kichi lo di püzü mümape tsüpüaghi aye,

LESHELE 78:58

Kughengu panongu no pano lhou pesü Pa xukutho ke; pano julho kümlla huno Pa pelo anheshuve peke.

ISAIAH 29:15

Ampeu launo nongu kukughu küsüpe aküzü lo qhive no, “Khuu no ningu ithulu ani kea? Khuu no ningu ithi ani kea?” ipiche kemi haküsapue!

EZEKEL 20:28

Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

EZEKEL 8:12

Tithiu Pa no I vilo pi, “Timi nu, Israel lagha lo layemi no ajutho akeu chebo lo pütüta shelo aküzü lono kiu shi ani keno no ye ithulu akema? Kughengu panongu no pie, ‘Ampeu ye ningu ithulu amoe, Ampeu ye ayeghi hipau phevae.’”

HOSIYA 12:11

Tsala Gilead lo axine aghi aye, panoqo ye mtsüqheino kiumu kumove nani: panongu no Gilgal lono amshitsü heqhi mlla; pano kipti-aqo ghi alu holeve keu lo atu kumqo püake toike.

ZAKINIU 13:6

“Tsala o thiküzüu, o pu-anga, nono kimiye chekeu o nipu, momu o poshuu no tuqhouno o vilo no eno o puasüqo no mthakeu lhou vehulo, ‘Nikujo kütau lhouqo mllani ke shilo,’ ipi aye,

ZAKINIU 27:15

“‘Khukhumu Ampeu zülo aphikümqhüpu, kütshakügha shi küsüuno asüatu momu ayi julho mla püaghi keu ye müsüinivae.’ Eno timi kümtsü no ‘Amen,’ ipi khochileni.

ZAKINIU 29:25

Tileno timiqo no pi nani, ‘Ti ye panongu no Ampeu pano puasü Lhou no Egypt lono panoqo saipeghi kelono puloshoqhi shikeu panongu no pemove kehue,