KUKAMI AKINIU 17:23 - Sumi Naga CL (Re-edited) Bible (BSI)

²³ Ampeu no Pa zülono panongu hapheve moke kutolo panongu no tishike, ti ye Ampeu no Pa qemi tungkupmi vecheo pikeu kiqi lono ke. Hitoi Israelmi ye pano yeghi lono Assyria yeghi lo kügha sawuve no ishi kutolo achephi.

BAIBEL (BSI)

²³ ikehu ashekhaloye AMPEU no pa nhekithe lono panongu hapheve, pano paqemi tungkupumi vechewo panongu ghutu keu lono pano shinipi ketoi shive. Tighenguno Israilmiye Asiriya yeghilo kughasasu akughu shiukhave, panonguye ishikutolo tile xu achephike.

KUKAMI AKINIU 17:23 Iomraidhean Croise

KUKAMI ATUGHIU 13:2

Ampeu tsa vecheo timi huno ishi akiptia pipütha, “O akiptia, akiptia, Ampeu no ishi piani: ‘Julo, David lagha lono anu lakhi Josiah ipikeu punu nani. Pa no atoghiqo lo achinemi ghiqhipe o kiptia shou no aghashi nani, eno timi saghiqo piti nani.’”

KUKAMI ATUGHIU 14:16

Jeroboam xine huno Israelmi pelo axine shivepe kehu Pa no Israel qhive nani.”

KUKAMI ATUGHIU 9:7

I no Israelmi tsükeu yeghi lono panongu hapheve nani, eno aki khikhi I je ghenguno shikimthe püani keno I nhethe lono ikhive nani. Israel ye ashiayeqo gholo küghakiche eno küthakügha shive nani.

KUKAMI AKINIU 13:23

Ikemu Ampeu no panongu lau küpükini eno kimiye keu ache, eno Paw puloshoqhi Abraham, Isaac, eno Jacob lau akehu ishi kutolo panoqo süsho eno pühavemo momu Pa zülono hapheve moke.

KUKAMI AKINIU 17:13

Ikeghi Ampeu no Pa ghinimi eno tungkupmi puwu no Israel ngo Judah ghutu, “Nongu laghi lhoksa lono tsüghüve lo, eno I no no puasüqo azah tsü püzü I qemi tungkupmi vecheo nongu tsükeu zakütsü eno akhuayeqo pelulo.”

KUKAMI AKINIU 17:18

Tighenguno Ampeu no Israelmi shou ighono amlo ideve no Pa zülono panongu ikhive. Judah shiaye kumo aye lakhimu qhimove.

KUKAMI AKINIU 17:20

Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

KUKAMI AKINIU 17:22

Jeroboam no shikeu xine kümtsü Israelmi no shike. Panongu no tipa lono tsüghüve moe,

KUKAMI AKINIU 17:6

Hoshea yepe mpe atokuu lo, Assyria kükau no Samaria leluve eno Israelmi küghape Assyria lo sawo Halah lo ngovepe, khami no sawo Gozan ghoki phivilo Habor lo qhive, eno khami no Medes lo mishighünaqo lo ngovepe.

KUKAMI AKINIU 21:14

I no I mheghi, Iw ghükulumi kileve nani eno pano ghümi u lo süvetsü nani, panongu ye akughumi shive no pano ghümi no pükaqhi nani,

KUKAMI AKINIU 23:27

Ampeu no pi, “I no Israel ikhive ketoi, Judah ghi I zülono ikhive nani, eno I no kishelu keu mishighüna Jerusalem ngo achineki khipau pesü I no, I je tile anani, ipi keno, I no peve nani.”

KUKAMI AKINIU 24:3

Judah shou hi ikughi keu ye mtsüqheino Ampeu zakütsü lono ke, tishianguno pa zülono Judah ikhive niye, ti ye Manasseh no axine kümla shike ghenguno ke,

KUKAMI AKINIU 25:21

Babylon kükau no Hamath yeghi lo Riblah lono panongu pithive. Hitoi shi Judah ye pa yeghi lono hakiphi sawuve.

KUKAMI AKINIU 3:3

Tishimu Nebat nu Jeroboam xine khikhino Israel pelo axine shivepe keno, pa no ti pape eno tipaqo launo wuvemoe.

NEHEMIA 9:32

“Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

LESHELE 51:13

Tileno hekibidemi lau I no O laghiqo shika piye nani, eno axinemi no O lau xaide ighi nani.

ISAIAH 7:8

Kughengu Syria tou no Damascus, eno Damascus tou ye Rezin likhie. Ephraim ye ampe lhotsügho pungu dolono ashiaye ghi ipopinyive nani.

JEREMIYA 52:3

Kughengu Ampeu mlo kighide ghenguno Pa no Jerusalem ngo Judah lo küami Pa zülono hapheve. Eno Zedekiah no Babylon kükau hebide thuve.

JEREMIYA 7:15

I nhethe lono I no Ephraim kughuko kümtsü haphe keshi, no laghami kümtsü haphe nani.

HOSIYA 12:3

Aza po lono pa no amu phitsü tsüqü luve tsü, eno pa no kichimi shive kethiu ye Alhou sasü kumjoe.

AMUS 5:27

ikehu I no Damascus nguno hulau nongu hakiphi sawuve nani,” ipi Ampeu khuu je aqokitikhi Lhou keno Pa no piani.

MICAH 1:5

Hi kümtsü Jacob xine eno Israel lagha xine ghenguno ke. Jacob xine ye kiu kea? Ti ye Samaria ke kumo? Eno Judah kuchuqu-a ye kiu kea? Ti ye Jerusalem ke kumo?

MICAH 1:6

Ikehu I no Samaria pesü xine-xigha pekilepu-a shive tsüni, atsaibo shokepu-a shive tsüni, eno li tuquqo pesü akhila lo kulu piqive tsüno li boqhaqo xaleve tsü nani.

MICAH 2:5

Tighenguno nongu ye Ampeu hoho lo asaqhini kemi khumu kühave nani.

ZAKINIU 32:20

Pa no pi, “I no panongu launo I gi küsüveni; pano shekuho I no jutsüni, kughengu panongu ye hekibide tiqhelimi ke, pano lolo pükhübekulu kühae.

JOSHUA 23:13

mtsüqheino hi ithilo, Ampeu nongu Lhou ye khilemu shiye hipaqo nongu zülono hapheve tsümo nani. Ikemu panongu ye alichhe momu aqo lakhi toi, amqa lo aqhe no heke toi momu anhethi lo asahu toi Ampeu nongu Lhou no tsükeu yeghi kivi lono kühave moke kutolo nongu ghenguno aküighüpu shive nani.

XAKUTHAMI 18:30

Tishino Danmi no ajulho ghope qhive eno Moses nu Gershom nu Jonathan ngo pa nuliqo no Danmi gholo achinemi shiche. Panongu ye inami yeghi lo akughumi shi sawu moke kutolo achinemi shiche.