KUKAMI AKINIU 17:17 - Sumi Naga CL (Re-edited) Bible (BSI)

¹⁷ Panongu no pano tianuli pesü aghashi shive, asakiqhi ngo atumu lono pano pesü axine lo jesüve, tishikeu lono Ampeu mlo shikighide tsüe.

BAIBEL (BSI)

¹⁷ Panonguno panongu ti anuliqo kughapesu aghakishi kumlla shipesu asu-atu lhou tsu; panonguno saqhi-sali shi, tumukeu muthu keu shiwu eno AMPEU zulo kiuno akukuqu kuchou keno tiulono panongu kuxu tsuuve, tishikeuno AMPEU mlo shikighide tsue.

KUKAMI AKINIU 17:17 Iomraidhean Croise

KUKAMI ATUGHIU 14:15

aghoki lo amtübo sükini aketoi Ampeu no Israel ghime no ayeghi kivi khikhi pano puasüqo tsü keno, tileno panongu nhüpe Euphrates nguno hulau apanagha puwuve nani, kughengu panongu no Asherim mlakeu lono Ampeu mlo shikighide tsüke.

KUKAMI ATUGHIU 21:20

Ahab no Elijah vilo pi, “I ghümi, no ye I phuluve akea?” Elijah no khochile, “Iyei, I no o phuluvae kughengu no ye Ampeu zülo kiu no achipi kumo keno shinike o jesüvae.

KUKAMI ATUGHIU 21:25

(Khunomu Ahab toi anipu no kipe no Ampeu zülo alhoksa shinike pa ampi jesüve keu kühae.

KUKAMI AKINIU 16:3

eno Israel kükami laghi pape. Pa no pa nu ghi heqhipe akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche keu kiqi lono shike.

KUKAMI AKINIU 17:11

eno Ampeu no pano zülono sawuve keu shiyeqo no shicheke toi, qhemghaike-a lono akümllagho tsüno Ampeu mlo shikighide tsüe.

KUKAMI AKINIU 17:31

Avvami no Nibhaz eno Tartak julho mla, Sepharvaimmi no pano tianuli pesü akipti kümllagho shi pano lhou Adrammelech eno Anammelech lhouqo tsüe.

KUKAMI AKINIU 21:6

Pa no pa nu küghape piti mllave eno asheazü kipimi, asakiqhi, tumumi ngo kithixashemi peitha ke. Pa no Ampeu zülo shishe axine shikeu lono Ampeu mlo shikighideve tsüe.

YEKIKITHI AKINIU 28:3

Pa no Hinnom Nu Khila lono akümllagho tsüno pa nu pesü akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche ketoi shike.

YEKIKITHI AKINIU 33:6

Pa nuli küghape Hinnom Nu Khila lono piti mlla, eno asakiqhi, küdüu, asheazü tsa kipimi, tumumi, eno kithixashemi peitha. Ampeu zülo shishe axine shikeu lono pa no Ampeu mlo shikighide tsü.

ISAIAH 47:9

Atüqhüdo kini o lau ighi nani paikhavi no atsala lakhi lono ighi nani; nono küdüu jeli peithaju anamu eno asakiqhi kumto anamu atianuli thive keu ngo chimemi shive keu küma ighi nani.

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

ISAIAH 8:19

Eno timi no nongu vilo, “Asakiqhimi ngo kithixashemi lau küsütsa julo” ipi kelo, panongu ye pano lhou lau küsütsa kelauke kumo? Panongu ye küxümi züqhushi kithimi lau kighinikile akelau keshea?

JEREMIYA 19:5

eno Baal lau qhemghai ke-a shiqhe puku no pano nuliqo ami lono piti pe Baal mlla niye shike, hi ye I no azah tsümo keu momu I kükümsü lomu iloghimo keu,

JEREMIYA 25:7

Ikeghi, Ampeu no sheshu, nongu no I tsa inimoe, eno nongu kümla no I mlo shikighide tsüe.

JEREMIYA 27:9

Ikehu, now tungkupmi, tuumi, asamo kishimi, asheazü tsa kipimi, momu küdüumi, nongu vilo ‘Nongu ye Babylon kükau qemo nani,’ ipi chekeqo tsa ini kevilo.

JEREMIYA 7:31

Panongu no pano pu-angaqo piti nike I no azah tsümo keu momu I kükümsü lomu küha keu Hinnom Nu Khila Topheth lo qhemghai ke-a mlae.

EZEKEL 16:21

no ye I tianuliqo ghiqhive no ikhipe ami lono piti keu kümllagho shi panoqo lau pephe tsüve kea?

EZEKEL 20:26

I no panoqo gho, panow anu anoghiu akümllagho vecheo panoqo shikitiqeve ke, tishikeu lono Ni ye panoqo kütsaveni ye ke. I no tishikeu lono Ni ye Ampeu kepi panongu pelo ithi peniye ke.

EZEKEL 20:31

Kughou nongu no now aghoqo ikhipe tsü eno nongu nuliqo ami lono mllani keno, nongu ye asü-atu julho pesü ishi tsala kutolo nongu ampi shikitiqeve anie. O Israel kibolomi, nongu ye I lau kighini kileni keshea? I no xüake toi, Ampeu Alhou no asheshu, nongu ye I lau kighinikile lumo nani.

EZEKEL 23:37

Kughengu pama ye shupuvae, eno pama u lo aji hedape ani. Pamaw asü-atu julho sasü shupuvae, eno pama ye anuli khunoqo pama no punu keno tipaqo pesü achuqupu shi asü-atu julhoqo mllavae.

EZEKEL 23:39

Kughengu kughou pama no asü-atu julho lau pama nuliqo akümllagho shi ghiqhive keno, tipau tsalani no pama no I kimthe chineki shikitiqe niye tile ighike. Eno julo, pama no I kilo shikeu ye hipau ke.

ACHINE 18:21

No ye o tianuli lakhimu pesü Molekh mllave penike tsükeu lono O Lhou je shipütha moni: Ni ye Ampeu ke.

ACHINE 19:26

“Ashi lo aji apülaghi chumoni. Küdüu jeli kiumu shimoni.

ACHINE 19:31

“Tumumi momu kithixashemi lau wumoni; panongu vecheo nongu shikitiqe moni: Ni ye Ampeu nongu Lhou ke.

MICAH 5:12

I no nongu launo atumu kütsave tsü nani eno nongu ye asakiqhimi kühave nani;

Apostolmi 16:16

Ningu no akighini-a lo wuche kelo aqeliu lakhino ningu sasü kusho. Li ye aghawu ache eno tino li pelo hithiu ghili pilupe keu lono li mpemi no pisa qeluche.

Rommi 7:14

Kughengu Ayezah ye anguagha küxü lo ghenguno kepi ningu no ithi ani, ikemu ni ye ashi lo timi axine qüaxe lo jesüve kemi.

Galatiami 5:26

Ningu qhezamoni momu lakhi no lakhi xukuthomoni momu lakhino lakhi jupe anheshu moni nolo!

ZAKINIU 32:16

Panongu no inami lhou pesü Ampeu pelo anheshupe; aphikümqhüpu pesü Pa loghu shikighide.

ZAKINIU 4:25

“Kughou nongu no atianuli eno atilimi auveni eno aghakhu tile no kitemi shiveni keno, nongu no kiukiu julho mlakeu vecheo alhoksa shiuve, eno Ampeu nongu Lhou zülo kiu no kixikila keno shikeu lono Pa pelo axuidepe aye,