KUKAMI AKINIU 17:13 - Sumi Naga CL (Re-edited) Bible (BSI)

¹³ Ikeghi Ampeu no Pa ghinimi eno tungkupmi puwu no Israel ngo Judah ghutu, “Nongu laghi lhoksa lono tsüghüve lo, eno I no no puasüqo azah tsü püzü I qemi tungkupmi vecheo nongu tsükeu zakütsü eno akhuayeqo pelulo.”

BAIBEL (BSI)

¹³ AMPEU no pa ghinimiqo eno tungkupumiqo hapuwuno Israil eno Juda ghutu tsu: “Nongu laghi lhoksaqo phevelo eno izahkutsu khikhi Ayehza kakulo anikeno, khipau ino nongu puasuqo eno iqemi tungkupumi vechewono tsukeno tipaqo yehza ghokulu shilo.”

KUKAMI AKINIU 17:13 Iomraidhean Croise

KUKAMI ATUGHIU 16:1

Ampeu tsa Hanani nu Jehu vecheo Baasha shou ishi ighi,

KUKAMI ATUGHIU 16:7

Tinguno alau, Ampeu tsa Hanani nu Jehu tungkupu vecheo Baasha ngo pa kibolomi lau ighikeu ye pa no Jeroboam kibolomi toi Ampeu zülo axine shikeu lono Pa mlo shikighide tsü, eno pa no Jeroboam kibolomi kütsave kehue.

KUKAMI AKINIU 17:23

Ampeu no Pa zülono panongu hapheve moke kutolo panongu no tishike, ti ye Ampeu no Pa qemi tungkupmi vecheo pikeu kiqi lono ke. Hitoi Israelmi ye pano yeghi lono Assyria yeghi lo kügha sawuve no ishi kutolo achephi.

KUKAMI AKINIU 18:6

Kughengu pa no mtotoi Ampeu tsüqüpe, eno Pa launo tsüghüve moe, ikemu Ampeu no Moses tsükeu Yezah pape ke.

KUKAMI AKINIU 21:10

Ampeu no pa qemi tungkupmi vecheo pi,

YEKIKITHI ATUGHIU 29:29

Akükau David kümla küghütha abothu lono ashekha kutolo, tipau gholono pa yekipe ghili, pa kumto, eno atüqhüdo kivi-küsa pa shou eno Israelmi ngo acheaxü ghakhuqo shou ikughi keu kümtsü tungkupu Samuel, Nathan, eno Gad noqow yekikithi lo ani.

JOB 11:14

O u lo axine dapusü aghi aye kushuo lo pevelo, küsakügha ye o kibo lo ape kevilo.

JOB 36:10

Pa no panoqo pelo akükütsütsa inipe no alhoksa lono ideighive penike azah tsü cheni.

LESHELE 50:7

“O Iw timiqo, I no pinike inilo; O Israel, I no o shou thopi shini. Ni ye Alhou, o Lhou ke.

JEREMIYA 11:7

Kughengu I no Egypt yeghi lono no puasüqo saipeghi kelono tamo mithe ishi tsala kutolo, I tsa inilo, ipi kütüghü ighike.

JEREMIYA 18:11

Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

JEREMIYA 25:3

“Amon nu Judah kükau Josiah yepe mpe chighiaküthüu lono ishi kutolo ampe muku küthü shi akelono Ampeu tsa I lau ighi, eno ni ye tamo mithe nongu vilo pivae, ikemu nongu no inimoe.

JEREMIYA 3:7

‘Li no hipaqo shive kethiu I lau ideighi nani pi I no kümsüe,’ ikemu li ye ideighi moe, liw pishikiqhi kümla ye li tsünipu Judah no ithuluvae.

JEREMIYA 34:14

‘Ampe tsüni shekha lo Hebrewmi khunoqo o lau jesüve no ampe tsügho o qeve akeno no ye panongu kuqho pheveni; o kümlapu lono no ye pa pelo ililaive peni.’ Ikemu no puasüqo no I tsa inimo eno panongu kini mu I lau kugho puwomoe.

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 42:19

O Judah lo ghükulumi, Ampeu no nongu vilo pivae, ‘Egypt lo wu kevilo.’ Ishi tsala lono I no mtsüqheino nongu kütüve ake

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

EZEKEL 3:19

Ikemu nono kixikilau kütüghüve eno pa no paw kixikila momu paw tipa laghi lono tsüghü lumo aye, pa ye pa xine lono thive nani, eno no ye o ngulho xaphe luve nani.

DANIEL 9:10

eno Ampeu sütsa gholumo, Pa yezah khikhi Pa qemi tungkupmi vecheo ningu zülo qhitsü keno ningu no tipau gholu move ke.

HOSIYA 11:2

Khijehi panoqo ku keno tijehi panongu no putosülo wuve; panongu no Baalqo lau aghashi eno ajulhoqo lau piti mllauve.

HOSIYA 12:10

I no tungkupmi pütsa ke; kungunhetsü alau kighishetsü keu huye I no ke, eno tungkupmi vecheo kimghikipiye tsüke.

HOSIYA 12:11

Tsala Gilead lo axine aghi aye, panoqo ye mtsüqheino kiumu kumove nani: panongu no Gilgal lono amshitsü heqhi mlla; pano kipti-aqo ghi alu holeve keu lo atu kumqo püake toike.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

HOSIYA 4:15

O Israel, nongu no kütüqha cheghi namu, Judah pelo pimive pe kevilo. Gilgal lo ilo kevilo, tike kumono Beth-aven lo iqho kevilo, eno “Ampeu ye xüküau” ipi ashoqhi shi kevilo.

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

ZAKINIU 31:21

Eno kughou alhoksa ngo shiluküsa kutomo panongu shou ikughini keno, ale hipau no pano shou thopi shinani (kughengu ale hipau ye kümsüma mono pano tianuli gholo ache nani). Kughengu I no panongu sailo chekeu yeghi lo panongu ye kiu shive nani keno, ishi nomu Ni ye ithi ani.”

ZAKINIU 4:26

I no ishi tsala lono kungugha ngo ayeghi pelo nongu shou thopi shi penike kusü anike, nongu no Jordan katha iku pükhalu niye akeu yeghi lo nongu ye pai püghave nani. Nongu ye tile kushuo xümo nani, ikemu kütsakungo khave nani.

ZAKINIU 8:19

Tsala nongu no Ampeu nongu Lhou pheve no kütami lhouqo pape eno huthu mllauve aye, ishi tsala lono I no nongu lau mtütüi pive anike nongu ye pühave nani.

JOSHUA 23:16

tsala nongu no kütau lhouqo lau wuve no tipaqo qeuve eno pishiqhope tipaqo mllauve no Ampeu nongu Lhou sasü puloshoqhi shikeu hebideve aye, Ampeu loghu no nongu shou ikughi nani eno nongu ye Pa no ayeghi kivi nongu tsükeu lono paikhavi no püghave nani.”

2 Peter 3:9

Timi khami no Ampeu ye Paw pikiqhitsa shikupuni keu lo asheshi kepi kihi cheni, ikemu Pa ye asheshi mono nongu lau kheakulu shi ani, Pa ye khuu pelomu pühave penishimo kemu kümtsü pelo xaideghilu penishi kehue.

XAKUTHAMI 6:10

I no nongu vilo pike, ‘Ni ye Ampeu nongu Lhou, tighenguno nongu ye Amorimi khuno yeghi lo itehi nongu no küghüna ani keno tipaqo lhou mlla kevilo.’ Ikemu nongu no I gholu move.”

XAKUTHAMI 6:8

Ampeu no tungkupu lakhi panongu lau puwu. Tungkupu huno pi, “Ampeu Israel Lhou no ishi piani: I no Egypt lono nongu saipeghi eno aqüaxe lono nongu kuqhophe ke.

SAMUEL ATUGHIU 9:9

(Püzüu Israel lo kughou milakhi no Alhou lau wuno kighinikile juni keno, pa no piche, “Ighilo, ningu ithukuluu lau wuni,” kughengu ishiw “tungkupu” huye azüu ye ithukuluu ipi cheke).