KUKAMI AKINIU 13:6 - Sumi Naga CL (Re-edited) Bible (BSI)

⁶ Ikeghi panongu ye Jeroboam kibolomi xine, khipaqo no Israel pelo axine shivepe keno, tipaqo lono putosü mono tipatho lono chewuve, eno Asherah julho ghi Samaria lo ache.)

BAIBEL (BSI)

⁶ Ikemu panonguye akukau Jeroboam no panongu sasu axine lo ilovekeu xine hu phevemlano tamomithe kuqu auve; eno alhou liu Ashera julho hu Samaria lo acheuve.

KUKAMI AKINIU 13:6 Iomraidhean Croise

KUKAMI ATUGHIU 14:16

Jeroboam xine huno Israelmi pelo axine shivepe kehu Pa no Israel qhive nani.”

KUKAMI ATUGHIU 15:3

Pa sü David toimo no pa pu toi axine kümla kümtsü pa no shi, eno pa mlo kuchopu pesü Ampeu pa Lhou tsümoe.

KUKAMI ATUGHIU 16:26

Kughengu pa no Nebat nu Jeroboam toi xüuve no pa xine lono Israel ghi axine shivepe eno ti ajulho mlla keu xine no Ampeu Israel Lhou mlo shikighide tsüke.

KUKAMI ATUGHIU 16:33

Eno Ahab no Asherah julho ghi mlae. Pa ye pa züumi Israel kükami kümtsü nguno alau Ampeu Israel Lhou mlo shikighide tsüe.

KUKAMI AKINIU 10:29

Ikemu Jehu ye Nebat nu Jeroboam no Israel pelo axine shipe keu xine lono tsüghüve moke—ti ye Bethel ngo Dan lo ameshoyi mishitsü julho.

KUKAMI AKINIU 13:11

Pa ghi Ampeu zülo kiu no axine keno ti shike. Pa ye Nebat nu Jeroboam xine, khipaqo no Israel pelo axine shivepe keno, tipaqo launo wuvemoe ikemu tipaqo la lo chewuve.

KUKAMI AKINIU 13:2

Pa ye Ampeu zülo kiu no axine keno shiuve eno Nebat nu Jeroboam xineqo, khikhi no Israel pelo axine shivepe keno, ti pape; pa ye tipaqo launo wuvemoe.

KUKAMI AKINIU 17:16

Panongu no Ampeu pano Lhou zakütsü kümtsü pheve, eno pano sala ayi no amshiti julho kini mlape qhi; panongu no Asherah mla no atsütsü lo ayepuqo mlla eno Baal huthu.

KUKAMI AKINIU 18:4

Pa no qhemghaike-aqo hephove tsü, atsükuchoqo tulave tsü, eno Asherah hepholeve tsü. Pa no alazayi pighi julho (tipau pesü Nehushtan ipiche) khipa lau Israelmi no tipa ghuloki kutolo akümllagho pesü tsüche keno, tighi atachu shi kuboleve tsü.

KUKAMI AKINIU 21:3

Kughengu papu Hezekiah no qhemghaike-a kütsave tsükeqo pa no shiqhe kitheve, pa no Baal kümlla-aqo mla, Israel kükau Ahab no mlake toi Asherah julho mlae, eno atsütsü lo aqhi ayepu kümtsü mlla ke.

KUKAMI AKINIU 23:4

Tishino akükau no achinetou Hilkiah ngo pa shelo akiniu mqo lo achinemi ngo achineki kulaghi khemi vilo Baal ngo Asherah eno atsütsü lo aqhi ayepu kümlla ghenguno abohu mlapüa keqo ikhiphe penike azah tsü. Pa no Jerusalem khalau Kidron luza lono pitileve eno tipa yevu pesü Bethel lo wuve.

ISAIAH 26:10

Kixikilami saphuuve aye, pa ye achipiu mikucho ghili ithimoae; akümzümi yeghi lo thotsü pa ye akumou shinani, eno Ampeu kükanguagha ithulumo nani.

ZAKINIU 7:5

Ikemu nongu ye hitoi pano lau shilo: pano kümlla khache hephove tsülo, atsükucho kubove tsülo, Asherim julho ghekuchove tsü, eno ajulhoqo pitive tsülo.