KUKAMI AKINIU 13:17 - Sumi Naga CL (Re-edited) Bible (BSI)

¹⁷ Eno pa no pi, “Kipelau lashe khaqhi lo,” pa no khaqhive. Elisha no pi, “Kapuwu lo,” pa no kapuwuve. Elisha no pi, “Ampeuw tokulu piji, Syriami shou Ampeuw tokulu piji! Nono Aphek lono Syriami sasü aghü shino qhoi kütsave nani.”

BAIBEL (BSI)

¹⁷ Tishino tungkupuuno mije tsukeu kiqi lono akukauno alashe khikhi Siriya kudau shephe puakeno tipau khaqhi. “Apiji kapuwulo!” ipi Elisha no ahza tsu. Kuchono akukauno apiji kapuwuve kemtsa tungkupuu no igha pi, “Noye AMPEU wu apiji kena, tipau huno pano Siriyami shou tokulu shilu nani. Nono Afek lono Siriyami sasu aghushiano nono panongu theqhilu nani” ipi.

KUKAMI AKINIU 13:17 Iomraidhean Croise

SAMUEL AKINIU 5:24

Kughou nongu no Balsam süboke lono alakiche sütsa chiluni keno ithulo, kughengu Ampeu no Philistiami ghüshimi ghiqhini ke nongu züuno wuve ake.”

KUKAMI ATUGHIU 20:26

Tsülü tusho lo Ben-hadad no Syriami hekütsü no Aphek lono Israelmi sasü aghüshi.

KUKAMI ATUGHIU 20:29

Atsala tsüni kutolo panongu küghüngü pe pütüta ghazü lo ngoae. Eno atsala akütsüniu lono aghüshi thuve, eno tipani no Israelmi no Syriami lakh lakhi ghiqhive tsü.

KUKAMI AKINIU 13:16

Pa no Israel kükau vilo pi, “Asüzü süchho lo,” pa no süchho pe ngove. Elisha no pa u pesü akükau u shou be.

KUKAMI AKINIU 13:18

Itaghi pa no pi, “Apiji hami ikhilu lo,” eno pa no ikhiluve. Pa no Israel kükau vilo pi, “Ayeghi lo kasülo.” Pa no ghuthu küthü ayeghi lo kasü no ngove.

IPEKULU 4:17

O u lo aküsü hipau pelu lo, hipau vecheo nono amchipuqo mla nani.”

IPEKULU 4:2

Ampeu no pa vilo pi, “O u lo kiu peani kea?” Pa no pi, “Aküsü lakhie.”

1 Kor. 1:18

Kughengu pühave akemi ghenguno kros tsa ye mbomzüe; ikemu ningu xaluve akemi ghenguno ti ye Alhou kükake.

JOSHUA 12:18

Aphek kükau, lakhi; Lashaaron kükau, lakhi;

SAMUEL ATUGHIU 4:1

Samuel tsa Israelmi kümtsü lau ighi. Israelmi no Philistiami sasü aghü shiniye wu. Panongu no Ebenezer lo aghazü shi eno Philistiami no Aphek lo aghazü shia.