KUKAMI AKINIU 12:7 - Sumi Naga CL (Re-edited) Bible (BSI)

⁷ Tighenguno akükau Joash no Jehoiada ngo achinemi kütami kuno pi. “Nongu ye kushiye achineki shikithe mono aphi kea? Itehi nongu ye akukuphumi launo pisa lumoni, ikemu achineki pukho kitheni ke ghenguno tsüveni.”

BAIBEL (BSI)

⁷ Tighenguno pano Jehoiada eno achinemi kutami kuno iniju. “Nonguye kushiye Achineki shikithemono ngo aphi kya? Ishi nguno hilauye nonguno pisa ithulu chekeu pesu qhimoni ikemu hilau tsuni; tishi anguno Achineki shikithe kepu shi akeqo mlalu nani.”

KUKAMI AKINIU 12:7 Iomraidhean Croise

KUKAMI AKINIU 11:4

Ikemu ampe akütsüniu lo achineu Jehoiada no ghüshimi ngo aghukhemi kijemi puwu no Ampeu kilo ighipe. Pa no tipaqo sasü puloshoqhi shino Ampeu ki lono tushoqhipe, eno pa no akükau nu panongu piye.

KUKAMI AKINIU 12:2

Achineu Jehoiada no mijetsü kehu Joash ye aküxü kupuju, kiu no Ampeu zülo achipi keno ti mlae.

KUKAMI AKINIU 12:6

Ikemu Joash yepe mpe muku aküthüu shivemu achinemi no achineki lo kumu shikithe moe.

KUKAMI AKINIU 12:8

Ikehu achinemi no timiqo launo pisa pekütsü monike pulove eno panongu ye achineki shikithe monike pulove.

YEKIKITHI ATUGHIU 21:3

Joab no khochile, “Ampeu no Paw timi itehi akeqo nguno ghuthu aqheno küghüsü küphatsü peniwa! Ikemu I mpeu akükau, panoqo ye kümtsü o qemike kumo? Imaye kushiye I mpeu ye hi avehupu shive ani kea? Kushiye hipau lono Israelmi pelo pimive apeni kea?”

YEKIKITHI AKINIU 23:1

Ikemu ampe akütsüniu lo Jehoiada no amlo kumto shino ghüshimi aqhe zatsümi sasü küptsa luve: Jeroham nu Azariah, Jehohanan nu Ishmael, Obed nu Azariah, Adaiah nu Maaseiah eno Zikhri nu Elishaphat.

YEKIKITHI AKINIU 24:16

Panongu no David phughi lo kükami kumoki lo pa qhove, kughengu pa no Israelmi lau, Alhou lau, eno achineki ghenguno akümla kivi mlake.

HAGAYI 1:2

“Aqokitikhi Mpeu no pi ani: Timi hipaqo no Ampeu ki shiqhe kitheni keu do tomphie piani.”