KUKAMI AKINIU 12:21 - Sumi Naga CL (Re-edited) Bible (BSI)

²¹ Paw kijemi Shimeath nu Jozacar ngo Shomer nu Jehozabad pama no pa heqhive. Panongu no David phughi lo pa puasüqo gholo pa shiqhove, eno pa nu Amaziah no pa thisü luve.

BAIBEL (BSI)

²¹ Pa qholo kijemi Jozakar Shimeat nu eno Jehozabad Shomer nu pamano atheshino pa heqhiveke. Joas ye David phughi kijemi kumo kuqho alo qhove eno pa nu Amazia no pa zuqhulo kaluve.

KUKAMI AKINIU 12:21 Iomraidhean Croise

SAMUEL AKINIU 5:9

David no sükusho-a lo ngoluve eno tipau pesü Davidw mishighüna ipi kuvetsü. Pa no Millo kümtsü homxa mishighüna shiqhe pukuve.

KUKAMI ATUGHIU 15:27

Issachar laghami Ahijah nu Baasha no Nadab shou küsüqe. Eno Nadab no Israelmi kümtsü sasü Philistiami phughi Gibbethon le kelono Baasha no Nadab pithive.

KUKAMI AKINIU 10:9

Thanau pa no khalau ipe no timi kümtsü vilo pi, “Nongu ye akipimi kühae, I no amqü shino I mpeu pithive, ikemu khuu no hipaqo heqhive kea?

KUKAMI AKINIU 13:1

Ahaziah nu Judah kükau Joash yepe mpe muku aküthüu lono, Jehu nu Jehoahaz no Israel lo akükau shilu, eno pa no Samaria lono Israel shou ampe chighitsüni ayepelu.

KUKAMI AKINIU 14:1

Joahaz nu Joash Israel kükau yepe mpe akiniu lono Joash nu Amaziah no Judah lo ayepelu.

KUKAMI AKINIU 14:19

Jerusalem lono Amaziah pithive niye kuchughu thuve kehu pa ye Lachish lo pove, ikemu panongu no timi puwu no, tilau no pa heqhive.

KUKAMI AKINIU 14:5

Pa no mtotoi aküka pelu kemtsa, paw kijemi khunoqo no papu akükau pithive keno, tipaqo heqhive.

KUKAMI AKINIU 15:10

Jabesh nu Shallum no pa shou küsüqeve no Ibleam lono pa pithive eno pa züqhulo kaluve.

KUKAMI AKINIU 9:14

Ikehu Nimshi nu Jehoshaphat nu Jehu no Joram pithive nike küsüqe thuve. (Joram ye Israelmi kümtsü sasü Ramoth-gilead süsho ghi Syriami kükau Hazael sasü kumjo ae,

KUKAMI AKINIU 9:27

Kughou akükau Ahaziah no hi ithulu keno, pa ye Beth-hagan küdau pove. Jehu no pa hasü wuno pi, “Pa ghi veqhive lo.” Panongu no Ibleam phivilo Gur lo iqho chekeu la lono paw khurkulu lono ghüzave. Ikemu pa ye Megiddo lo posü wuve no tilau no thive.

YEKIKITHI AKINIU 24:25

Kughou panongu no Joash ghüzave no idewove keno, pa qemi no pa no Jehoiada nu heqhive keu mkhü lutsüni ke küsüqeve, eno pa züa lono pithive.