KUKAMI AKINIU 11:18 - Sumi Naga CL (Re-edited) Bible (BSI)

¹⁸ Timi kümtsü no Baal chineki lo wuno atachu shi hephove tsü; panongu no akiptia ngo ajulho kubove tsü, eno akiptia zülono Baal chineu Mattan pithive. Tishino achineu no Ampeu kilo aghukhemi pelo khepe.

BAIBEL (BSI)

¹⁸ Tishino timiqono Baal chinekilo ilopuzu tipau hexapiniyive tsu; akumlla khache eno asu-atu julho kumtsu kubolevetsu eno Baal chineu Matan akumlla khache zulono heqhi pithive. Jehoiada no achinekilo aghukhemi pelono ngokheluvepe,

KUKAMI AKINIU 11:18 Iomraidhean Croise

KUKAMI ATUGHIU 18:40

Elijah no panongu vilo pi, “Baal tungkupmi küghalu khavelo; panongu lakhimu phepupo kevilo.” Timiqo no panongu küghaluve, eno Elijah no panongu sasü Kishon ghoki lo ilo no kümtsü ghiqhi khave.

KUKAMI AKINIU 10:21

Jehu no Israel qha kümtsü lo puwu, kuchono Baal kümllami lakhimu vezü mono ighie. Panongu no Baal chineki lo ilo kelo halau no halau kutolo shekithi khoive.

KUKAMI AKINIU 10:25

Jehu no akipti kümllagho tsüve kemtsa, pa no aghukhemi ngo kijemi vilo pi, “Ilo no panongu ghiqhive lo; milakhimu pokape kevilo.” Ikehu kughou panongu no tipaqo ghiqhive keno, aghukhemi ngo kijemi no Baal chineki lo achebo alou lo ilove,

KUKAMI AKINIU 10:26

eno achineki tsükucho pesü ipeghi no pitive tsü.

KUKAMI AKINIU 10:27

Panongu no Baal tsükucho eno achineki xaleqhive tsü, eno tipau pesü ishi kutolo kübakupujo-a shivetsü.

KUKAMI AKINIU 18:4

Pa no qhemghaike-aqo hephove tsü, atsükuchoqo tulave tsü, eno Asherah hepholeve tsü. Pa no alazayi pighi julho (tipau pesü Nehushtan ipiche) khipa lau Israelmi no tipa ghuloki kutolo akümllagho pesü tsüche keno, tighi atachu shi kuboleve tsü.

KUKAMI AKINIU 23:10

Hinnom Nu Khila lo Topheth julho pa no shipüthave tsü, tishino khuu pelomu anu momu anga pesü Molekh lau akipti kümllagho tsüpe move.

KUKAMI AKINIU 23:14

Pa no atsükuchoqo hepholeve tsü, eno Asherim loqhipe tipaqo lo timi saghi no chhitoi qhivetsü.

KUKAMI AKINIU 23:20

Pa no qhemghaike-a lo achinemi kümtsü akümlla-khache lono aghakishi kipti shi mllave eno tipaqo lono timi saghi pitive. Tishino pa ye Jerusalem lo idewove.

YEKIKITHI AKINIU 21:17

Panongu no ighi no Judah leluve eno kükaki lo tinhemgha xüle puwuve, pa nuli ngo pa nipuqo ghi sawuve ikemu pa nu anipau Jehoahaz ye sawu move.

YEKIKITHI AKINIU 34:4

Panongu no pa zülono Baal kümlla khacheqo loqhive tsü, axokütsüngü kiptiaqo hephove tsü, Asherah julho ngo kütau asüatu julho kümtsü mukhumuno shivetsü. Pa no Asherim julho, küxütha keu julho, eno ayi julhoqo atachu shi kubove tsüno pesü tipaqo mlla chekemi kumo shou vepukuve.

YEKIKITHI AKINIU 34:7

pa no Israel ghakhu kümtsü lo akümlla-khacheqo hepholeve tsü, Asherim ngo ajulhoqo mukhumuno shive tsü, eno axokütsüngü kiptiaqo tulave tsü. Tishino pa no Jerusalem lo ideighi.

IPEKULU 32:20

Panongu no amshiti mla püakeu pa no ikhipe ami lono pitive no mukhumuno shivetsü eno tipau pesü azü lo küzale süve no Israelmi pelo tipau zü yevepe.

ISAIAH 2:18

Ajulho kümtsü kishekhave nani.

ZAKINIU 12:2

Nongu no shiye hale niye akeqo no pano lhou mlla cheke-a, naghuto kuchuqu, atoghiqo, eno asübo qholo ache keqo kümtsü kütsave lo.

ZAKINIU 12:3

Pano kiptiaqo tulaqhive tsülo eno atsükucho ngo Asherim julho kubove no pitive tsülo. Pano lhou julhoqo micheve tsülo eno a-a tipau lono panongu je pühave tsülo.

ZAKINIU 13:10

Atu pesü pa veqhive lo, kughengu pa no Ampeu khuu Egypt lo aqüaxe küxü lono nongu saipeghi keno, Pa launo nongu müsü sawuve niye shike.

ZAKINIU 13:5

Ikemu tungkupu momu asamo pumo kicheu ye pithive lo, kughengu Ampeu khuu Egypt lo aqüaxe lono nongu xaphelu keno, Pa launo tsüghüve penike pa no nongu pelo Ampeu no azah tsükeu hebide peniye shi ani. Ikehu alhoksa ye nongu dolono ikhive lo.

ZAKINIU 13:6

“Tsala o thiküzüu, o pu-anga, nono kimiye chekeu o nipu, momu o poshuu no tuqhouno o vilo no eno o puasüqo no mthakeu lhou vehulo, ‘Nikujo kütau lhouqo mllani ke shilo,’ ipi aye,

ZAKINIU 13:9

Ikemu pa pithive lo. Pa pithini ke nou no atüghüu shini, tithiu no kütami no papeni.