KUKAMI AKINIU 11:17 - Sumi Naga CL (Re-edited) Bible (BSI)

¹⁷ Jehoiada no Ampeu eno akükau ngo timiqo dolo puloshoqhi shipe, ti ye panongu ye Ampeuw timi shinie pikeu shoqhi, eno akükau ngo timiqo dolo ghi shipe.

BAIBEL (BSI)

¹⁷ Achineu Jehoiada no akukau Joas eno timiqo pelono AMPEU lau puloshoqhi lakhi shipe, tiye panonguye AMPEU wu timi shinie pikeu shoqhi ke.

KUKAMI AKINIU 11:17 Iomraidhean Croise

SAMUEL AKINIU 5:3

Tighenguno Israel lo layemi kümtsü Hebron lo akükau lau ighi, eno David no Ampeu zülono panongu sasü puloshoqhi lakhi Hebron lono shi, eno panongu no Israel kükau shi David nukishe luve.

KUKAMI AKINIU 11:4

Ikemu ampe akütsüniu lo achineu Jehoiada no ghüshimi ngo aghukhemi kijemi puwu no Ampeu kilo ighipe. Pa no tipaqo sasü puloshoqhi shino Ampeu ki lono tushoqhipe, eno pa no akükau nu panongu piye.

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

YEKIKITHI ATUGHIU 11:3

Ikehu Israelmi layemi kümtsü no Hebron lo akükau lau ighi, eno David no tileno panongu sasü Ampeu zülono puloshoqhi shi. Panongu no Ampeu tsa Samuel vecheo tsükeu kiqi lono pa nukishepe Israelmi kükau shive.

YEKIKITHI AKINIU 23:16

Jehoiada no timiqo eno akükau sasü Ampeuw shini kepi puloshoqhi shi.

YEKIKITHI AKINIU 29:10

Itehi Ampeu, Israel Lhou sasü puloshoqhi shinike I no xatha luvae, tishianguno Pa xukighide ningu launo tave peni.

YEKIKITHI AKINIU 34:31

Akükau no puthugho no pa mlo eno pa ngulho kuchopu no Ampeu papeni ke, eno Pa zakütsü, akhuaye eno pimheyeqo gholuni ke, Ampeu zülo puloshoqhi shi, eno puloshoqhi kaku lo yepüa keu tsaqo pekupu nike piqhi.

EZRA 10:3

Ikehu I mpeu no kichemije tsükeu eno khunono ni Lhou zakütsü lo msa khokhoshi cheni keno, tipaqo kükümsü kiqi lono nino anipu eno atianuli hi kümtsü pheveni ke ni Lhou sasü puloshoqhi shini nolo, eno ti ye Ayezah kiqi lono shinie.

NEHEMIA 9:38

“Hi kümtsü ghenguno ningu no puloshoqhi akumto hi yepeqhi ani, eno niw sakiphemi, Levimi, ngo achinemi je pesü kaku lo jemchi shipuku püani.

JEREMIYA 34:8

Akükau Zedekiah no timiqo sasü Jerusalem lono puloshoqhi shive no timiqo lau kuqhokiphe pikülhave kethiu Ampeu tsa Jeremiah lau ighi,

2 Kor. 8:5

ike hi ye nino kümsümo mithekeu, ikemu panongu no pano ampi pesü Ampeu tsüve paghi ke, tishino Alhou pulou lono ningu lau tsüe.

JOSHUA 24:25

Tighenguno Joshua no timiqo sasü tipa tsala lo Shechem lono puloshoqhi shino pape kepu khuayeqo kithipe qhitsü.

SAMUEL ATUGHIU 10:25

Tile Samuel no timiqo vilo akükau chipiu eno akümlapuqo pitsü, eno pa no tipaqo kaku lo yesüve no Ampeu zülo qhivetsü. Tithiu Samuel no timi kümtsü pütüta kilo puwove.