KUKAMI AKINIU 11:14 - Sumi Naga CL (Re-edited) Bible (BSI)

¹⁴ Li no jukelo akükau ye akhuaye kiqi lono atsükucho phivilo puthugho aghi, eno keptenqo, afuko küighami ngo timi kümtsü no alokivi shi igha no afuko igha aghi. Athaliah no li phi süxüve no ighamku, “Pishikiqhi! Pishikiqhi!”

BAIBEL (BSI)

¹⁴ Tile lino achineki kulaghilo atsukucho phivilo akitheu akukau ye akhuayeh kiqi lono puthugho ngo akeu ithulu. pa suho mxapesu kijemiqo, afuko kuighamiqo eno timiqo kumtsuno alokivishi igha eno afuko igha ae. Ikeuloye Athalia ye amlo ghime launo li phi suxu eno ighamuku pi, “Pishikiqhie, pishikiqhie!”

KUKAMI AKINIU 11:14 Iomraidhean Croise

BOTHUBO 37:29

Kughou Reuben no aqokutho lo ideighi no Joseph kühave aghi keu ithi keno, pa no pa kuuphi süxüve,

BOTHUBO 44:13

Tileno panongu no pano phiküzü süxüve, eno kümtsü no apulukho khurha xapipeve no mishighüna lo ideighive.

KUKAMI ATUGHIU 1:25

Kughengu ishi tsala lono pa ye amshitsü, athakupu mishiti, eno ambe kutomo pesü aghashi no o nuli kümtsü, ghüshimi zatsüu Joab, eno achineu Abiathar kusü ani. Eno panongu no alokivishi pa sasü aghulhu shino, ‘Akükau Adonijah, axüshu peniu!’ ipi igha ani.

KUKAMI AKINIU 11:15

Tile achineu Jehoiada no ghüshimi shou keptenqo azah tsü, “Kijemi dolono li sasü ipeghi lo eno khuu no li pape cheghini keno pithive lo.” Kughengu achineu no pike, “Ampeu kilo ye li pithi kevilo.”

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

KUKAMI AKINIU 9:13

Ikelo tile timi kümtsü no mtazü pano phiküzü xape pa pukhu lo qhatsü, eno no afuko igha sheshu, “Jehu no Akükau shivae.”

KUKAMI AKINIU 9:23

Tileno Joram no Ahaziah vilo ishi pive no pove, “Hi ye pishikiqhie, O Ahaziah!”

YEKIKITHI ATUGHIU 12:40

Itaghi pano laghami Issachar, Zebulun, eno Naphtali lo küamiu ghi khurha, sayeshi, khurgha, eno amshitsüqo lono achuqupu jeli, ashomkhu, mubuthi sho, atsaikipki, atsaiji eno thazü, amshitsü eno ambe, kupukuno shi xapu ighi, kughengu Israel ghakhu kümtsü lo alokivi kije akehue.

YEKIKITHI AKINIU 34:31

Akükau no puthugho no pa mlo eno pa ngulho kuchopu no Ampeu papeni ke, eno Pa zakütsü, akhuaye eno pimheyeqo gholuni ke, Ampeu zülo puloshoqhi shi, eno puloshoqhi kaku lo yepüa keu tsaqo pekupu nike piqhi.

AHOLE 29:2

Amikuchomi no alau ikowo aye timi no alokivishi cheni, ikemu kixikilami no ayepe aye timi no muchho thuve cheni.

Luke 19:37

Pa no Olive toghi lono iqighi keu la touve kelo aqokitikhi pa papeche kemi kümtsü no asütsa kuloghi shi igha eno panongu no akümzapu kümla kümtsü ithulu ke ghenguno alovi Alhou sheqhe thuve,