KUKAMI AKINIU 11:12 - Sumi Naga CL (Re-edited) Bible (BSI)

¹² Tishino Jehoiada no akükau nu saipeghi no aküka kütsükuqho pa pipe eno ashepe pa tsü. Panongu no pa pesü akükau kepi shuphe eno nukisheve, tishino panongu no au kukhu ishi pi, “Akükau axüshu peniu!”

BAIBEL (BSI)

¹² Tishi kheluve kethiuno Jehoida no Joas khalacheu saipeghi puzu akutsu kuqho pesu pa kutsulo betsuno akuka yehkipe yezah kaku lakhi pa tsu. Hitoi shino Joas pesu akukau shi kisheluve. Timiqono au kukhu eno ighamuku pi, “Akukau axupushu peniu!”

KUKAMI AKINIU 11:12 Iomraidhean Croise

SAMUEL AKINIU 1:10

Ikehu I no pa phivilo puthugho no pa ghiqhive, kughengu pa no ikiqive kethiu, pa ye xülumo nani pi I no mtsüqhei ithive. I no pa kütsü lono akütsükuqho ngo pa umlo lono aküsa ikhiluve no tipaqo I mpeu lau süghi anie.”

SAMUEL AKINIU 12:30

Pa no akükau kütsü lono kükakütsüqho luvetsü. Tipau ye ameshoyi ahu shighi pungu, eno tile akughupu tu ae, eno David kütsü lo süvetsü. Pa no mishighüna lono hakholu keu nhemgha kutomo süghi.

SAMUEL AKINIU 16:16

Kughou David küsau Arkhimi Hushai no Absalom lau ighi keno, pa no Absalom vilo pi, “Akükau axüpushu lo! Akükau axüpushu lo!”

SAMUEL AKINIU 2:4

Judah timi no ighi eno tilau panongu no David pesü Judah shiaye shou akükau shi nukisheve. Kughou panongu no David vilo, “Jabesh-gilead lo timiqo no Saul kumo shiqhovae,” ipi keno,

SAMUEL AKINIU 2:7

Tighenguno itehi nongu u shikumto lo, eno tsükhüi lo, kughengu Saul nongu mpeu ye thivae, eno Judah shiaye no I pelo panongu shou akükau shivepe ae.”

SAMUEL AKINIU 5:3

Tighenguno Israel lo layemi kümtsü Hebron lo akükau lau ighi, eno David no Ampeu zülono panongu sasü puloshoqhi lakhi Hebron lono shi, eno panongu no Israel kükau shi David nukishe luve.

KUKAMI ATUGHIU 1:25

Kughengu ishi tsala lono pa ye amshitsü, athakupu mishiti, eno ambe kutomo pesü aghashi no o nuli kümtsü, ghüshimi zatsüu Joab, eno achineu Abiathar kusü ani. Eno panongu no alokivishi pa sasü aghulhu shino, ‘Akükau Adonijah, axüshu peniu!’ ipi igha ani.

KUKAMI ATUGHIU 1:34

Achineu Zadok ngo tungkupu Nathan pama pelo pa pesü Israel kükau shi nukishe pelo. Tishino afuko igha no pilo, ‘Akükau Solomon axüpushu peniu!’

KUKAMI ATUGHIU 1:39

Tileno Zadok no thazü pesü aphiki lono Solomon nukisheve. Tishino panongu no afuko igha, eno timi kümtsü no pi, “Akükau Solomon axüpushu lo!”

KUKAMI ATUGHIU 2:44

Akükau no Shimei vilo hi ghi pi, “Nono I pu David lau alhoksa shikeu kümtsü no ghi o mlo lo ani. Ikehu Ampeu no o kümla pesü o kütsü shou pukutsü nani.

KUKAMI AKINIU 11:11

Aghukhemi no pütüta ghünanu au lo tsüqüpe akükau züqhushi, aki apeu no ahuu kutolo, akümlla-khache ngo aki homxape kheluve.

KUKAMI AKINIU 11:2

Ikemu akükau nuliqo pithi akelono, akükau Joram nga Jehosheba, khuu Ahaziah chepu keno, li no Ahaziah nu Joash küsüpe wuve no pa ngo pa saputhu akeu aqeliu pama achebo lo qhive. Hitoi panongu no Athaliah launo pa küsüve eno pa ye pithi move.

KUKAMI AKINIU 11:4

Ikemu ampe akütsüniu lo achineu Jehoiada no ghüshimi ngo aghukhemi kijemi puwu no Ampeu kilo ighipe. Pa no tipaqo sasü puloshoqhi shino Ampeu ki lono tushoqhipe, eno pa no akükau nu panongu piye.

KUKAMI AKINIU 9:13

Ikelo tile timi kümtsü no mtazü pano phiküzü xape pa pukhu lo qhatsü, eno no afuko igha sheshu, “Jehu no Akükau shivae.”

KUKAMI AKINIU 9:3

Tishino thazü külabo pesü pa kütsü lo lepuku no pilo, ‘Ampeu no ishi piani, I no o pesü Israel kükau shi nukishe ani.’ Tishino ahukikha khaqhi no mtazü ngomo no povelo.”

YEKIKITHI AKINIU 23:11

Tishino panongu no akükau nu saipeghi no akütsükuqho pa pipe eno ashepe pa tsü. Panongu no pa pesü akükau kepi sheshu, eno Jehoiada ngo pa nuli no pa nukisheve, tishino panongu no pi, “Akükau axüshu peniu!”

ESTHER 2:17

akükau no totimi kütami kümtsü nguno alau Esther kimiyeve, eno athathelimi kümtsü nguno alau li no pa nhethe lo küpükini ngo kikimiye auve, ikehu pa no kükakütsüqho pesü li pipeve no Vashti züqhulo li pesü kükaliu shive.

ESTHER 6:8

kükaphi chijeboi keu khikhi akükau no pepu cheni eno kükakütsüqho xapu khurshi khipau lo iku cheni keno tipau peighi pelo.

LESHELE 132:18

I no akukujopu pesü pa ghümi pipe nani, ikemu küka kütsüqho no pa shou yepüvü nani.”

LESHELE 21:3

Kughengu Nono kinikülü kükümgha pesü pa sasü kusho; Nono ameshoyi akiviu kütsükuqho pesü pa kütsü qhotsü.

LESHELE 21:4

Pa no O vilo aküxü khue; Nono tipau pesü pa tsü, alhokupuju axüpushu tsüe.

LESHELE 47:1

Ashiayeqo, nongu u kukhulo! Alokivi le vekipighi phepe Alhou sheqhelo!

LESHELE 78:5

Pa no Jacob lau ashepe lakhi tsü eno Israel lo Ayezah süsü tsüe, Pa no ni puasü vilo pano tianuli shika penike azah tsüe,

LESHELE 89:39

No ye O qeu sasü puloshoqhi shikeu phevae; Nono pa küka kütsüqho ayeghimkhu lono kitiqeve tsüae.

LESHELE 98:8

Aghokiqo pelo panoqo u kukhu pelo; atoghiqo pelo kümtsa alokivi shi

IPEKULU 25:16

Eno I no o tsüniye akeu zakütsü pesü abohu lo ashepe lakhi shi qhini.

IPEKULU 31:18

Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.

ISAIAH 55:12

“Kughengu nongu ye alokivi lono ipeve nani ke; eno aloino keu lono saipeve nani; naghutoqo ngo atoghi nongu zülo akeqo no vekipighi ale phenani, eno aluza lo asübo kümtsü no panongu u kukhu nanie.

ISAIAH 8:16

I no kütsü shikave keu tsape liküzü no mekhape I papemi gholo qhivelo.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

AKUMLO 4:20

Ni küxü tuthu, AMPEUw kishekiphe kükau, khuu lau nino, “Pa kicheqho lono nino shiyeqo gholo xünani” ipiche keno pa ye küghaluvae.

DANIEL 3:9

Panongu no akükau Nebuchadnezzar vilo asheshu, “O akükau, axüshu alo!

DANIEL 6:21

Tile Daniel no akükau vilo pi, “O akükau, axüshu alo!

MATTHEW 21:9

Jisü züu eno pa thiu aqokitikhi chekeqo no ighamku, “David Nu Sheqhelo! Khuu no Ampeu je lono cheni keno Alhou no pa kümgha tsülo! Kungugha lono Alhou sheqhelo!”

MATTHEW 27:29

asahubo ghoküna keu kütsükuqho pesü pa pipe, pa u ajeu ayeghü küsü sütsü. Eno pa zülo qhoqhünhepe pa thaigha, “Jewmi Kükau, axü pushulo!”

Apostolmi 4:27

kughengu kuchou no aphughi hipau lono Herod ngo Pontius Pilate pama, eno Jewkumomi ngo Israelmi no hekütsüpe Nono nukishe keu O qeu akimtheu Jisü mjochile ke.

2 Kor. 1:21

Alhou no ningu eno nongu pesü Khristo gholo kütshükime lupe, Pa no ningu nukishe,

IBRIMI 1:9

Nono achipiu mikucho kimiye eno küsakügha mithike ghenguno O Lhou, Alhou, no alopivitsü chekeu thazü pesü O küsami züuno O nukishelu ke.”

IBRIMI 2:9

Ikemu Jisü khuu ado hami ghenguno kungumi nguno akuchuniu shivetsü keno ningu no ithulu ani, akithi ghime ghenguno itehi ajekipi eno agigihu kütsükuqho pu akeu ye Alhouw küpükini vecheo pa no kümtsü ghenguno akithi miche kepu shive kehue.

Piyeküsü 19:12

Pa nhethi ye ami mili toi eno pa kütsü lo kükakütsüqho kutomo ae, pa ye aje lakhi yepe dapuche kemu pa likhino kumo aye khunomu ithimo.

SAMUEL ATUGHIU 10:1

Tithiu Samuel no thazü bohu ikhiphepe Saul kütsü lo lepuku no pa müma eno pi, “Ampeu no Paw timi Israelmi shou yepeu shi penike o nukisheve ake kumo keshea? Nono Ampeuw timiqo shou ayepe nani eno aghümi pano homxape akemi launo panongu xalu nani. Ampeu no o pelo Pa mheghi shou sakipheu shi penike o nukishe keu michipu hino shinani.

SAMUEL ATUGHIU 10:24

Samuel no timi kümtsü vilo pi, “Ampeu no khuu kisheve akeno nongu ye pa ithulu anima? Timiqo dolo khumu pa toikeu kühae.” Eno kümtsü no ighamku, “Akükau axüpushu peniu!”

SAMUEL ATUGHIU 16:13

Ikehu Samuel no pa kibo lono thazü ikhiphe no amunoqo küa lono pa nukisheve. Tileno Ampeu Ghungu no tipa tsala lono David shou ikughive. Tishino Samuel ye Ramah lo idewove.