KUKAMI AKINIU 10:23 - Sumi Naga CL (Re-edited) Bible (BSI)

²³ Tishino Jehu no Rekhab nu Jehonadab sasü Baal chineki lo ilo, eno Baal kümllami vilo pi, “Baal kümllami likhi kumo aye Ampeu qemi lakhimu hile aghi nosake phuju lo.”

BAIBEL (BSI)

²³ Tishive kethiu Jehu ghi Rekab nu Jonadab sasu achinekilo ilo eno tile ngo akemiqo vilo pi, “Mutsuqhei Baal kumllami likhi hilehi ngopelo, AMPEU kumllamiye lakhi mu sasu kevilo.”

KUKAMI AKINIU 10:23 Iomraidhean Croise

SAMUEL AKINIU 4:2

Tipa ghuloki lo Saul nu ye akilemi mqo lo kepten kini ache, lakhi je no Baanah eno lakhiu no Rekhab, pama ye Benjamin lagha lo Beerothmi Rimmon nuli ke (kughengu Beeroth ghi Benjamin gholo lakhi shi kihi cheke);

KUKAMI AKINIU 10:22

Pa no Baal kümllami phimini shou ampeu shi akeu azah tsü, “Baal kümllami kümtsü ghenguno aphimini ikhiphe lo.”

KUKAMI AKINIU 10:24

Tishino pama no akümllagho ngo akipti kümllagho tsünike ilove. Jehu no timi lhotache pesü khalau ngokhepe eno pi, “Khuu no I no nongu u lo sütsü keu lakhimu pupoveni keno, pa küxü pühave tsüni.”

JEREMIYA 35:6

Ikemu panongu no khochile, “Ningu ye shomoe, kughengu ningu pasü Rekhab nu Jonadab no azah ningu tsüe, ‘Nongu na nongu nuli namu alholo atsaiji shomoni.

MATTHEW 13:30

Ghile tomoke kutolo küma kümtsa thuwu aghi pelo, eno ghile ghuloki lono I no ghilemi vilo pini, “Atüghüshi alupiqo nhüpe piti nike piqhe khavelo, ikemu athi thaqhü no pewo I lelo sülo.”’”

MATTHEW 13:41

Timi Nu no paw kungumi puwu no pa kükaqha lo axine kuhu aghü eno küsaküghami kümtsü panoqo no xukumqo nani,