Kolosiami 4:3 - Sumi Naga CL (Re-edited) Bible (BSI)

³ Tipau gholono ni ghengu ghi inikhu tsülo, tishianguno atsakiviu ghenguno Alhou no ni lau ahukikha khaqhi tsüno Khristow tuqhou pesü sheshulu peni, hi ghenguno ni ye akughu shi ani.

BAIBEL (BSI)

³ Ningu ghengu ghi inikhutsu alo, tishianguno ningu pelo Alhou tsape shikulupudo pano kophetsu penike, Khristo wu tuqhou tsa pilupe nike, kughengu tipau ghenguno niye akughukilo anike.

Sümi Tiqhelimi Bible

³ Eno Alhou pelo atsakiviu ghenguno ningu laghi khaqhi tsü penike ningu ghenguno ghí inikhu tsü alo, tishianguno ningu pelo Khristo’w tuqhou ghili pesü asheshulu pe kepu shi, kughengu ni ye hi ghenguno akughuki lo anike.

Kolosiami 4:3 Iomraidhean Croise

MATTHEW 13:11

Pa no khochile, “Kungugha yekipe tuqhou ithi penike nongu lau tsüvae, ikemu panoqo lau ye tsümphi.

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

Rommi 16:25

Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

1 Kor. 16:9

kughengu ameküapu kümla kije shikulupu dokivi I lau khaqhitsü anike, eno mjochileni kemi kutomo ani.

1 Kor. 4:1

Ningu ye Khristo qemi eno Alhouw tuqhou jukükütsümi kepi nongu ye kihitsü kepue.

2 Kor. 2:12

Kughou I no Troas lo Khristo tsakiviu pesü asheshuni ye ighi keno, Ampeu no I ghenguno ahukikha khaqhitsü kemu,

Ephesiami 3:1

Akiqi hipau ghenguno ni Paul, nongu Jewkumomi züqhushi Khristo Jisü ghenguno akughu shi akeu no

Ephesiami 3:3

Alhou no kishi piyeküsü vecheo tuqhou vehu I lau kilethitsü keno ni ye azüu ghi ikhonhei shi yeve ake.

Ephesiami 3:4

Nongu no hi philu kelo I no Khristow tuqhou jupililu akeu vethailo tolu nani.

Ephesiami 3:9

eno thime kümtsü pulhosü keu Lhou lau tiqheli kümtsü lo küsü püache keu tuqhou kukughu ye kiu keno timi kümtsü zülo pephe tsüniye ke,

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

FILIPIAMI 1:19

ti ye nongu kighini lono eno Jisü Khristo Ghungu kukuphu huno I kuqhophe kulupu akeu I no ithi ani kehue,

FILIPIAMI 1:7

Ni ye nongu kümtsü ghenguno hitoi kümsü tsü kelaue, kughengu I no akughuki lo akelo ngo atsakiviu süsho eno iqhikumto chekelo nongu no küpükini lono I gholo kutupo tsü kehu ni ye alhokuthu I mlo lo nongu püacheni.

Kolosiami 1:26

hi ye wove keu tiqheli lo tuqhou shi küsü püache kemu itehi ye küpülümi lau pephe piyevae.

Kolosiami 4:18

Ni Paul, no I u ampi no ye ani, I yikichhe kümsülu lo. Alhouw küpükini no nongu gholo apeniu.

1 Thes. 5:25

Athiküzümiqo, ni ghenguno no inikhu tsülo.

2 Tim. 1:16

Ampeu no Onesiphorus kibolomi shou küpükini tsü peniu, kughengu ghuthu kutomo lo pa no I ghüthi püxütsü eno I no akughu yikichhe lo akeu jupe kujomzave moe;

2 Tim. 2:9

Hi ghenguno ni ye ime ani ke, ayikichhe no heqhi-buqhi kemi toi tshüpe ani. Ikemu Alhou tsa ye tshü püamoe,

2 Tim. 4:2

ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.

Philemon 1:22

Hipau gholono, I ghenguno achebo lakhi kuto püaghi lo, kughengu I no laju anike nongu kighini vecheo küpükini no I sasü nongu lau ighi nani.