Kolosiami 4:12 - Sumi Naga CL (Re-edited) Bible (BSI)

¹² Ampeu Jisü Khristo qeu Epaphras, nongu gholo lakhi huno petha nongu tsü ani, pa kighini lo alhokuthu nongu ghenguno kükhakulu acheni, tishianguno nongu pelo Alhou pulou kümtsü lo tekhoi eno thebeilu peniye ke.

BAIBEL (BSI)

¹² Nongu gholomi, Khristo Jisu qeu Epafra no petha tsupuwu ani. Pa kighinilo pulhapuju amlo tsuqhiyi nongu kumsulu acheni, tishianguno nongu pelo Alhou pulou kumtsulo mutotoi puthugholupeni, tekhoyi shilu peni eno mutsuqheyi shikutolu peniyeke.

Sümi Tiqhelimi Bible

¹² Epaphras khuu Khristo Jisü qeu lakhi eno nongu gholo kuposhu ache keno pa ghí petha tsüpuwu ani. Pa ye pülhapuju nongu ghenguno pulopiniyi inikhu acheni, tiye nongu pelo thowkha kümtsü lo Alhou pulou shilu no ithamo püzü tekhoi eno mütsüqhei shi puthugholu peniye ke.

Kolosiami 4:12 Iomraidhean Croise

MATTHEW 5:48

Tighenguno kungugha lo nongu Papu no kupukülai ketoi nongu ghi kupukülai masae.

Luke 1:1

Timi kutomo no thime jeli ningu lau shikupuve keqo aboake shi kithipe qhitsüni ye yekümla huthuvae,

Luke 22:44

Pa no amloiju akehu alau amlo tsüqhiyi inikhu; eno pa tsünhizü no aji toi ayeghi lo ijiqighi.

John 12:26

Khuu no I qeni keno pa ye I pape masae; I no khile ani keno I qemi ghi tile anani. Khuu no I qeni keno I pu no pa gihu nani.”

Rommi 15:14

I thiküzümiqo, ni ampi no nongu ye akivi no chhitoi, akighithi no qochili, eno lakhino lakhi qophelu nanie pi chilu kelo nongu ghenguno aghakiqishi ani.

Rommi 15:30

Athiküzümiqo, ni Mpeu Jisü Khristo eno Aghungu kikimiye vecheo I no hakite ani: I no aghimeküsa shi akelo nongu kighini lono I züqhushi Alhou lau khu tsülo;

1 Kor. 14:20

Athiküzümiqo, nongu kükümsü lo itimi toi kevilo. Alhoksa loye itimi toilo ikemu akükümsü loye tekhoi lo.

1 Kor. 2:6

Tishimu aküpülü lo tekhoive kemi lau nino alokütsü tsa pesü picheni, ti ye hipa yeghi lo lokütsü momu yepemi hauveni keqo lokütsü kumoe.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

Galatiami 4:19

I tianuliqo, nongu lolo Khristo lhophelu moke kutolo ni ye itaghi nongu ghenguno apunu küsü toi süani!

Kolosiami 1:22

itehi ye Pa Nu kithi vecheo Pa lau alupekili luvae, eno nongu pesü akimthe, tukutiye eno tichetighe küha no Pa zülo saghi niyeke,

Kolosiami 1:28

Ningu no Khristo pesü sheshu cheni, kümtsü kütüghü eno shika cheni, tishianguno kümtsü pelo Khristo lau tekhoilu peniye ke.

Kolosiami 1:29

Hi ghenguno ni ye Khristo no I lolo sütsü keu kumto kümtsü pesü aghime shi mla cheni.

Kolosiami 1:7

Nongu no ni qhuu aküsau eno aqeu Epaphras launo ti shikalu ke. Pa ye nongu züqhushi Khristow pükhükulupu qemi

Kolosiami 1:9

Ikehu, ningu ye ti chiluke tsala lono nongu ghenguno inikhu tave mphie. Alhou vilo Pa pulou kighithi lono aghungu lo lokütsü eno vethakulu kümtsü pesü nongu shepichhi tsü penike ningu no khu ani,

Kolosiami 4:9

eno pükhükuluu ni thiküzüu Onesimus, khuu nongu gholo lakhi keno, pa gholo puwu ani. Pama no hilau kiu shive akeno nongu vilo thokha pi nani.

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

Philemon 1:23

Epaphras, Khristo ghenguno kümtsa akughushi akeu no petha nongu tsü ani,

IBRIMI 5:14

Ikemu akümka chuqupu ye kichimi, khunono akivi aküsa dolo kütüta shiniye kimchikulupu küka lono qophe puthupe alhokuthu pepimhe acheni keno, panongu ghenguno ke.

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

James 1:1

Jisü Khristo qeu James no khunoqo apanagha hakiphive akeno, ashiaye chighikini lau ye ani. Petha tsü ani:

James 1:4

Ikehu tsaqütsalei keu küka no kupukülai lupelo, tishianguno nongu ye thokha kupukülaive nani eno kiu lonomu zülamo nani.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,