Kolosiami 3:16 - Sumi Naga CL (Re-edited) Bible (BSI)

¹⁶ Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

BAIBEL (BSI)

¹⁶ Khristo tsa pelo nongu lolo kinikulushi achepelo. Alokutsu kighithi kumtsu pesu lakhino lakhi kutsupiyekile eno aloshiputsukilelo. Nongu mlolo Alhou shikimthi keu xapusu leshele, akishele eno aghungulo le phelo.

Sümi Tiqhelimi Bible

¹⁶ Nongu no kütsü eno shika kelo nongu kükütsü sütsa lo Khristo tsakiviu pelo nongu gholo kinikülü shi ngolu pelo. Eno alokütsü shi no nongu mlo lo shikimthiqhiyi keu xapusü lakhi no lakhi vilo leshele, akishé le, eno Aghungu lo le vechewo Alhou sheqhelo.

Kolosiami 3:16 Iomraidhean Croise

KUKAMI ATUGHIU 3:28

Israelmi kümtsü no akükauw xakütha hipau chilu no agigihu pa tsü, kughengu pa ye achipiu shinike Alhou lokütsü pa lolo anipi panongu no ithive.

YEKIKITHI ATUGHIU 25:7

Timi hipaqo gholo itaghi pano thiküzümi khunoqo no Alhou kishele lo qokiphe luve keno, alekiphe gho akemi kümtsü kelo pano 288 shive.

NEHEMIA 12:46

Kughengu David ngo Asaph ghuloki lo alephemi shou saphetou ache, eno Alhou lau shekiqhe le ngo shikimthikütsü le acheke.

JOB 23:12

Ni ye Pa no piqhikeu zakütsü qhive mphi; Pa no pikeu tsa no I chuqupu nguno akughupu shicheni.

LESHELE 119:11

I mlo lo O tsa pekütsü luvae, tishikeu lono ni ye O hebide keu xine shimo niye ke.

LESHELE 119:54

I no kupokiche shichekeu kilo O yezah huno I lekungo shi ighivae.

LESHELE 138:1

O Ampeu, I mlo kuchopu pesü I no O shikimthini; alhouqo zülono I no O shekiqhe le phe ani.

LESHELE 28:7

Ampeu ye I kumto eno I züto ke; I mlo no Pa pükhü ani, eno ni ye akukuphu ithuluvae; I mlo lono aloviqhiyi ani, eno I le kungo pesü Pa shikimthi ani.

LESHELE 32:7

No ye I ghenguno aküghütshü-a ke; Nono aküküpna lono I peküsüe; Nono xakulu lekungo pesü I botha ke.

LESHELE 71:23

Kughou I no O sheqheni keno, I kichi no alokivi shi ighamkuni; I ngulho, Nono qhüchilelu keu no O sheqheni.

AHOLE 14:8

Lotsü-loghümi ye kimchilu kepu lokütsü acheni, ikemu mbomzümi ghüzü ye pishikiqhi ke.

AHOLE 18:1

Timi gholo xukütshü mokeu ye pa pulou likhi phucheni, pa ye mtsümishei keu xakütha kümtsü hebide cheni.

ALE KIMCHI 1:1

Solomon le, kümtsü gholo akimchi.

ISAIAH 10:2

Iw timi kumlhomi chipiu luvetsü, aghibiu lono küghatha tsümono chimemi ngo mighimi pükaqhi niye panongu no tishi cheni!

ISAIAH 26:1

Tipa ghuloki lo Judah yeghi lono ale hipau phe nani: “Ningu ye aphughi kumto ani; aliwo eno sükusho-a toi Alhou no xakulupu pesü ni süshoke

ISAIAH 30:29

Akimthe tiqhetini ikhiluke ji lo toi nongu no alovi ale phe nani, eno milakhi no Ampeuw naghuto lo, Israel Tuqu lau fulili ighasü iqho cheke toi, nongu no amlo qiqhiyi nani.

ISAIAH 5:1

I no I qhuu ghenguno kikimiye le pesü pa tsailu shipili pheni: I qhuu no ighono aghüma kivi toghi lakhi lo atsailu ache.

JEREMIYA 15:16

O tsa phulu kelo I no chuve, eno O tsa no I lopivi tsüno I mlo züküvüpu shitsüe, kughengu O je lono I kulue, O Ampeu, aqokitikhi Lhou.

MATTHEW 26:30

Panongu no ale lakhi pheve kethiu Olive Toghi lo iqhove.

Luke 2:51

Tileno pa ye pama gholono Nazareth lo iqive no pama qhoqhü ache. Paza no hi kuchopu amlo lo süpuluve.

John 15:7

Nongu no I gholo kimepe eno I tsa no nongu lolo aye, nongu no kiu pulo keno khulo, eno nongu ghenguno tipau shitsü nani.

Rommi 10:17

Ikehu aküpülü ye chikulu lono ipeghi cheni, eno chikulu ye Khristo tsa vecheo ighi cheni.

Rommi 15:14

I thiküzümiqo, ni ampi no nongu ye akivi no chhitoi, akighithi no qochili, eno lakhino lakhi qophelu nanie pi chilu kelo nongu ghenguno aghakiqishi ani.

1 Kor. 14:15

Ni ye kiu shini kea? Ni ye aghungu lono inikhuni, ikemu I kükümsü lo ghi inikhuni; ni ye I ghungu gholono akishe le pheni, ikemu I kükümsü gholo ghi akishe le phenie.

1 Kor. 14:26

Athiküzümiqo, tishiaye kiu pini kea? Kughou nongu kuhoni keno, nongu khami no ale pheluvi, khami no akükütsü, piyeküsü, amili kithe, momu pekidetsü luvi. Thokha kümtsü akukuhou xaqheni keu ghenguno shimasae.

Ephesiami 1:17

Ikehu ajuküvü Papu, ni Mpeu Jisü Khristo Lhou no alokütsü ngo piyeküsü ghungu pesü nongu tsüno Pa kighithi lo thuwulu peni;

Ephesiami 5:17

Tighenguno mbomzü shi akevilo ikemu Ampeu pulou ye kiu keno ithikuthu lo.

Ephesiami 5:19

lakhino lakhi lau leshele, Alhou kishele, aghungulo le phepe ahupite kilelo, nongu mlo kuchopu tsüno Ampeu lau alejo phelo.

Ephesiami 5:26

tishianguno azü no qhuke toi pa no atsa pesü akukuhou shikimthe tsü,

Kolosiami 1:28

Ningu no Khristo pesü sheshu cheni, kümtsü kütüghü eno shika cheni, tishianguno kümtsü pelo Khristo lau tekhoilu peniye ke.

Kolosiami 1:9

Ikehu, ningu ye ti chiluke tsala lono nongu ghenguno inikhu tave mphie. Alhou vilo Pa pulou kighithi lono aghungu lo lokütsü eno vethakulu kümtsü pesü nongu shepichhi tsü penike ningu no khu ani,

Kolosiami 4:6

Pülhapuju nongu tsapi lo küpüqhiyi eno jumghai shilo, tishianguno timi lakhikhi lau kishi khochile kepu keno nongu no ithi nani.

1 Thes. 1:8

Nongu launo Macedonia ngo Achaia lo Ampeu tsa külha woke likhi kumoe, ikemu Alhou lau nongu küpülü akeu ye aqha kümtsü lo wuvae, ikehu ningu ye kiumu pi akepu kühavae.

1 Thes. 4:18

Tighenguno atsa hipaqo pesü lakhino lakhi lokughuno tsülo.

2 Thes. 3:15

Ikemu athiküzümi toi pa kütüghüni thono aghümi toi kihi kevilo.

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

2 Tim. 3:15

nono iti küxü lono kishi Kuchoyesü ithiche keno, tino Khristo Jisü lau aküpülü akeu vecheo xakulupu küdau o sawu kepu lokütsü tsünani.

Titus 3:6

eno Jisü Khristo ni Xakuluu vecheo Pa no Aghungu Kimthe kupukuno shi ni shou lepuku tsü,

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

James 5:13

Nongu gholo khuana no shilusa anio? Pa ye inikhu lo. Khuana no alovi ani keshea? Pa ye shekiqhe le phelo.

1 John 2:14

Apunoqo, ni ye nongu lau ye ani, kughengu nongu no abothu lono acheghi keu ithi anike. Lhothemiqo, ni ye nongu lau ye ani, kughengu nongu ye mtotoi ani, Alhou tsa no nongu lolo ani eno nongu no alhoksau theqhilu ke.

1 John 2:24

Nongu no abothu lono kiu tsape chiluve akeno alhokuthu nongu lolo apelo. Nongu no titoi atsape pesü alolo qhilu aye nonguu ghi Anu ngo Apu lau xükimelu nani.

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

2 John 1:2

ti ye ningu lolo kuchou akeu eno alholo ningu gholo acheni ke ghenguno ke.

Piyeküsü 14:3

panongu ye kükalakhü, aküxüküa lhoxü bidi eno layemiqo zülo puthugho no ale kithe pheae. Ayeghi lono xachilelu kemi pano lakh lakhi qhethonhe lhobidi bidi no kumo aye khunomu ale tipau phemlae.

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,