Kolosiami 3:1 - Sumi Naga CL (Re-edited) Bible (BSI)

¹ Tsala Khristo gholono nongu xüputhu püaghi aye, kungugha khile Khristo no Alhou u ajeu iqa ani keno, tilau thime akeqo shou nongu mlo belo.

BAIBEL (BSI)

¹ Nonguye Khristo gholono xuputhu puaghi aye, khilehi Khristo no Alhou u-ajeu akuka lakhulo iqa anikeno, ti kungughalo akeqo thime shou nongu mlo belo.

Sümi Tiqhelimi Bible

¹ Tishiaye nongu ye Khristo gholo xüputhuvea ke ghenguno, nongu mlo pesü kunguu Khristo no Alhou u ajeu iqa akeu thimeqo shou belo.

Kolosiami 3:1 Iomraidhean Croise

LESHELE 110:1

Ampeu no I Mpeu vilo pi: “I no o ghümi pesü o pukhu kinepu shitsü moke kutolo I u ajeu iqalo.”

LESHELE 16:11

Nono aküxüpu laghi I pelo ithilupe; O zülo alokivi no chhitoi ani; O u ajeu ye pülhapuju alokiqi acheni.

AHOLE 15:24

Lotsü-loghümi ye aqhou Kithigha laghi lono tsüghüsü kunguu aküxüpu lalo wuve cheni.

YETSAPIU 10:2

Alokütsümi mlo no ajeu küdau pa sawu cheni, ikemu mbomzümi mlo ye piyiu tsüghüve cheni.

MATTHEW 22:44

“‘Ampeu no I Mpeu vilo pi, “I no o ghümi pesü o pukhu qholo qhitsü moke kutolo I u ajeu iqalo.”’

MATTHEW 26:64

Jisü no pa vilo pi, “Nono pivae. Ikemu I no nongu vilo piani, hinguno hilauye Timi Nu no Akumtou u ajeu iqa no atsütsü lo khüngküsü lono ipe cheghi keu nongu no ithulu nani.”

MATTHEW 6:20

ikemu nongu ghenguno khile apila ngo ayisa no shipüsalu chemo eno küpkami no hepho ilo xülemla keno, kungugha lo nongu kini pekütsü lo.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

Mark 12:36

David ampi no Aghungu Kimthe vecheo ishi shuphe keghi, “‘Ampeu no I Mpeu vilo pi, “I no o ghümi pesü o pukhu qholo qhitsü moke kutolo I u ajeu iqalo.”’

Mark 14:62

Jisü no khochile, “Iyei, eno nongu no Timi Nu Aküka kughushuu u ajeu iqa no kungugha lo khüngküsü lono chekeu ithulu nani.”

Mark 16:19

Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave.

Luke 12:33

Nonguw tinhemghaqo jepe aveküsami tsülo. Nongu ampi sala kungugha lo pepüha moni keu kinibo, khile küpkami no ighimla eno apila no tsapüha mla keno, tilau pighi lulo.

Luke 20:42

Kughengu David ampi no Leshele kaku lo ishi pi püanie, “‘Ampeu no I Mpeu vilo pi, “I no o ghümi pesü o pukhu kinepu-a shitsü moke kutolo Iw ajeu iqalo.”’

Luke 22:69

Ikemu itehi Timi Nu ye Alhou küka kumto u ajeu küghüqa niae.”

Apostolmi 2:34

Kughengu David ye kungugha lo ikumo ikemu pa ampi no pike, “‘Ampeu no I Mpeu vilo pi, I u ajeu iqalo,

Apostolmi 7:55

Ikemu pa ye Aghungu Kimthe no chhitoipe atsütsü lo jupuku no Alhou juküvü ithulu, eno Alhou u ajeu Jisü puthugho akeu ithulue.

Rommi 8:34

Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

Rommi 8:6

Ashi küdau amlo tsükeu ye akithipue, ikemu Aghungu küdau amlo tsükeu no aküxüpu eno alokiqipu ke.

2 Kor. 4:18

Ikehu ningu ye ithukulu thime shou kumono ithukümla thime shou jupuku acheni. Kughengu ithukulu thimeqo ye ado ikhonhei ghengu likhi, ikemu ithukümla thimeqo ye lhokta ghenguno ke.

Ephesiami 4:10

Khuu no aqhou iqi keno Pa no kunguu yepu-yesü hechesü ti kümtsü shepichhi tsüniye akiqhe-a lo ikue.)

Ephesiami 5:22

Anipuqo, Ampeu lau toi nongu kimiqo qhoqhü lo.

Kolosiami 2:20

Khristo gholono nongu no ayeghi lo aghawuqo lau thive aghi aye, kushiye itehi ghi ayeghi laumi toi ayezah qhoqhü ghi—

Kolosiami 3:2

Ayeghi lo thimeqo shou kumono kunguu thimeqo shou kümsü pukulo.

IBRIMI 1:13

Itaghi Alhou ye Paw kungumi dolo khuu vilo ishi pi püania, “I no o ghümi pesü o pukhu kinepu-a shitsü moke kutolo I u ajeu iqalo”?

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 10:12

Ikemu kughou Khristo no axine ghenguno alhokuthu ghenguno pephe tsüve keno, pa no Alhou u ajeu iqave,

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

IBRIMI 8:1

Ningu no pi akeu tsa akhotou ye hike: ningu ye kungugha lo Kükanguagha lakhü ajeu iqa akeu chinetou hitoike ani,

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.