Kolosiami 2:16 - Sumi Naga CL (Re-edited) Bible (BSI)

¹⁶ Tighenguno timi khunomu chuqu-kusho, tiqhetini, aqhi kithe, momu Sabbath pine ghenguno nongu shou küghathabe pekevilo.

BAIBEL (BSI)

¹⁶ Tighenguno timi khuu pelomu chuqu kusho tiqhetini tsala pinyikeu aqhi kithe pinyikeu momu Sabat pinye ghenguno nongu shou ayezah betha pekevilo.

Sümi Tiqhelimi Bible

¹⁶ Tighenguno timi khuu pelo nomu nongu no kiu chu eno sho cheni, momu tiqhitini tsalà ikhilu chekeu, Aqhi Kithe momu Sabbath tsalà ikhilu chekeu vechewo nongu shou küghathabe pe kevilo.

Kolosiami 2:16 Iomraidhean Croise

KUKAMI AKINIU 4:23

Li kimi no pi, “No ye kushiye ishi no pa lau wu masa kepu shive kea? Ishi ye Sabbath momu aqhi kithe pine kumoe.” Li no khochile, “Kumu kumoe.”

YEKIKITHI AKINIU 31:3

Akükau no qhasü tsükeu ye paw lüthü lono akipti kümllagho ghenguno: ti ye ina kijili akipti kümllagho, Sabbath, aqhi kithe lo akipti kümllagho, eno Ampeu Yezah kiqi lono ampe lo tiqhetini ghenguno ke.

NEHEMIA 10:31

Ashiayeqo no tüxatini na athi namu Sabbath tsala momu akimthe tsala lono jeniye süghi aye, ningu ye Sabbath tsala momu akimthe tsala loye pano launo qhümoni. Ampe akütsüniu lo ningu ye alu chimoni eno apiagha kümtsü qhive tsüni.

NEHEMIA 10:33

ti ye akimthe sho, tsalakipe athi kümllagho, tsalakipe akipti kümllagho, Sabbath tsala, aqhi kithe pine, tiqhetini, akimthe kümllagho, Israelmi xine pevekütsü kümllagho, eno ni Lhou ki kümla ghenguno avehupu shive keu kümtsü tsüni.

NEHEMIA 8:9

Angh Nehemiah ngo Achineu Ezra gholo Ayezah kiyemi eno timi shika akeqo Levimi no timi kümtsü vilo pi, “Atsala hipau ye nongu Lhou Ampeu lau akimthe shikeu tsalae, tighenguno mloqa momu ighaqa kevilo.”

LESHELE 42:4

I no I mlo lheju kelo, kishi aqokitikhi gholo wuno panoqo saphesü Alhou kilo tiqhetini pini akeu lo shekujo wuno alovi igha eno shekiqhe le pheche keno thime hipaqo I no kümsülue.

LESHELE 81:3

Aqhi kithe eno aqhi kichhi lo ni ghulhu tsala lo afuko ighalo.

ISAIAH 1:13

Adou kümllagho süghi kevilo; axokütsüngü ye I ghenguno aphikümqhüpue. Aqhi kithe, Sabbath eno aqoaho hekükütsü, alhoksa eno aqo hoho hipaqo Ni ye kutuu mlae.

EZEKEL 4:14

Tileno I no pi, “Aha Ampeu Alhou! Julo, ni ye khilemu ni ampi shikitiqe mphie. I lhothe lono itehi kutolo ni ye khilemu pakutoshi no thive keu momu tüghashi no tsüve keu chuju mphi momu shikitiqe keu shi I kichi lo sümphie.”

EZEKEL 45:17

Israel laghamiw tiqhetini ghulhu kümtsü lo Sabbath, aqhi kithe eno aghulhu lo akipti kümllagho, athi kümllagho, atsaizü kümllagho kutope qhitsüni keu ye kükapuu kümlapu ke. Pa no axine kümllagho, athi kümllagho, akipti kümllagho, külakishi kümllagho, eno Israel laghami kümtsü züqhushi axine pevetsü penike akümllagho tsü chekeu ye pa no ikhiphetsü masae.

ACHINE 16:31

Ti ye Sabbath kimthe tsala ke nongu ye kümvüni; hi ye alholo pimheye ae.

AMUS 8:5

“Nino athi jeluni ke kughou no aqhi kithe wove nani kea? Kughou no Sabbath wove nani kea? Tishianguno nino ashothi jelu, ahu kimghipu aghulo shive tsüno shekel no kutomo shivetsü eno ahu kichileu pesü pishiqhini ke,

AKIKIHI 10:10

Itaghi alhoaye lo tiqhetini eno aqhi kithe tiqhetini, nongu lokivi tsala hipaqo lo nongu no akipti kümllagho eno külakishi kümllagho tsükeu gholono afukoqo ighani. Tileno nongu Lhou no nongu kümsülu nani: Ni ye Ampeu nongu Lhou ke.”

MATTHEW 15:11

akichi lo kiu ilo keno tino timi shikuchhube chemoe, ikemu akichi lono ipeghi keu no timi shikuchhube cheni.”

Mark 7:19

Kughengu achuqupu ye amlo lo ilove chenike kumono akive lou ke, tishino tübatüzü shi ipeghive cheni.” (Hitoi Jisü no achuqupu kümtsü akimthe kepi shuphetsü.)

Apostolmi 15:20

Ikemu panongu lau yesü yepuwu no ajulho kümlla chuqupu, asalha, tshükiqhi lhoxü, eno aji mithekumo hipaqo lono putosüve pe kepue.

Rommi 14:10

Kushiye o thiküzümi shou küghathabe cheni kea? Momu no ye kushiye o thiküzümi jukünatha cheni kea? Kughengu ningu ye kümtsü Alhouw küghakütha lakhü zülo puthughoni aphie;

Galatiami 4:10

Nongu no atsala, aqhi, atusho eno ampe pini acheni.

Kolosiami 2:20

Khristo gholono nongu no ayeghi lo aghawuqo lau thive aghi aye, kushiye itehi ghi ayeghi laumi toi ayezah qhoqhü ghi—

IBRIMI 13:9

Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.

IBRIMI 9:10

ikemu kuchu-kusho eno qhukimthe keu khuaye likhie. Hipaqo ye akikili kithe ighi moke dolo aphimpi ghenguno bekütha yeqoke.

James 4:11

Athiküzümiqo, lakhi no lakhi lau alhoksa pi kevilo. Athiküzümi lau alhoksa pi momu küghathabe kemi ye ayezah shou alhoksa pi ani eno ayezah shou küghathabe ani. Nono Ayezah shou küghathabe aye, no ye ayezah pelu kemi kumono küghaküthau shi auvae.

SAMUEL ATUGHIU 20:18

Jonathan no pa vilo pi, “Thoghiu ye aqhi kithe pine eno o küghüqa-a ye kümsa shiniae.

SAMUEL ATUGHIU 20:5

David no pi, “Julo, thoghiu ye aqhi kithe pine eno ni ye akükau gholo aghulhu lakhü lo iqa masa nani. Ikemu I pelo wuve pelo, ni ye aküthüni avela kutolo aluza lo itshüveni.