Kolosiami 1:9 - Sumi Naga CL (Re-edited) Bible (BSI)

⁹ Ikehu, ningu ye ti chiluke tsala lono nongu ghenguno inikhu tave mphie. Alhou vilo Pa pulou kighithi lono aghungu lo lokütsü eno vethakulu kümtsü pesü nongu shepichhi tsü penike ningu no khu ani,

BAIBEL (BSI)

⁹ Ikehu ninguno tipau chiluke tsala lono ningu ghi tamono nongu ghenguno inikhutsu ani. Alhou pulou kighithi eno tipau ithikuthulu kepushi Aghungu no tsukeu lokutsu pesu nongu lolo sutsupe nike ninguno inikhutsu anike.

Sümi Tiqhelimi Bible

⁹ Hi ghenguno, ningu no nongu ghili chilu ke tsalà lono huthu no nongu ghenguno tamo no inikhu acheni. Ningu ye tamo no Alhou vilo pa pulou kighithi eno Aghungu no tsü chekeu lokütsü eno vethakulu kümtsü pesü nongu tsülo ipi inikhu acheni,

Kolosiami 1:9 Iomraidhean Croise

LESHELE 119:99

Ni ye Iw shikükami nguno alau vethakulu ani, kughengu I no O kükütsü lo kümsüputho acheni.

LESHELE 143:10

O pulou shinike I shika piyelo, kughengu No ye I Lhou ke! O Ghungu kivi no müdüniyi keu aqa yeghi lo I sache pelo!

John 7:17

Khunono Alhou pulou shinishi cheni keno, pa no shiküka hi ye Alhou launo keo I kükagha lono piani keno ithi nani.

Apostolmi 12:5

Ikehu Peter pesü akughu shive kemu akukuhou no pa ghenguno akumtoshi Alhou vilo inikhu ae.

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

1 Kor. 1:5

kughengu nongu ye Pa launo atsapi eno akighithi kümtsü lo kinikülü shilue—

Ephesiami 1:8

Pa no alokütsü ngo kuthoküzü kighithi gholono ningu shou küpükini lepuku tsüno

Ephesiami 5:10

Kiu no Ampeu lopu shilu cheni keno pükapütsa no vethalulo.

Ephesiami 5:17

Tighenguno mbomzü shi akevilo ikemu Ampeu pulou ye kiu keno ithikuthu lo.

Ephesiami 6:6

Timi lokiqipu shiniye anhekithe lo likhino shi kevilo, ikemu Khristo qemi toi amlo lono Alhou pulou shilo.

FILIPIAMI 1:4

I kighini kümtsü lo ni ye alhokuthu nongu ghenguno alokivishi inikhu acheni,

Kolosiami 1:6

Atsakiviu khikhi nongu lau ighive akeno, nongu no ti chilu no kuchou lono Alhouw küpükini vethalu keu tsala lono athi pithi eno ikowo aketoi ayeghiqha kümtsü lo tishi ani.

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

Kolosiami 4:12

Ampeu Jisü Khristo qeu Epaphras, nongu gholo lakhi huno petha nongu tsü ani, pa kighini lo alhokuthu nongu ghenguno kükhakulu acheni, tishianguno nongu pelo Alhou pulou kümtsü lo tekhoi eno thebeilu peniye ke.

Kolosiami 4:5

Ado akiviu peitha no khalaumi zülo alokütsü lono xüpiye lo.

1 Thes. 1:3

ningu Papu Alhou zülo nongu küpülü kümla, kikimiye ghime, eno ni Mpeu Jisü Khristo lau iqemokeu lajupu akeu nino kümsülu cheni.

1 Thes. 5:17

tamono inikhu lo,

2 Thes. 1:11

Hi ghenguno nino nongu ghenguno alhokuthu inikhu tsü cheni, tishianguno ni Lhou no nongu kulu keu ameküapu shitsü peni eno Pa küka lono aküpülü kümla kümtsü akivipu ghenguno shikupu tsüpeni,

Philemon 1:4

I no akighini shikelo alhokuthu o kümsülu eno I Lhou shikimthi acheni,

Philemon 1:6

Nono o küpülü kütami sasü küsaje keu lono Khristo ghenguno ningu lolo akivi chhitoi akeu kümtsü ithitoilu penike I no inikhu ani.

IBRIMI 10:36

Nongu ye kheakulu shimasa ani, tishianguno kughou nongu no Alhou pulou shiluni keno Pa no piqhi püakeu ithulu nani.

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.

1 Peter 2:15

Kughengu nongu no akivi shikeu lono mbomzümi yekümtha hasü luve keu hi no Alhou pulou ke.

1 Peter 4:2

tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.

1 John 2:17

Ayeghiqha ye akiminepu jeli gholono wove cheae, ikemu khunono Alhou lopu shikeno alholo acheni.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

SAMUEL ATUGHIU 12:23

Tinguno alau, ni ye nongu ghenguno inikhu mono Ampeu zülo pimive keu shimo nani, ikemu kiu no akivi eno achipiu laghi keno I no tipaqo nongu kütsüshika nani.