Jude 1:9 - Sumi Naga CL (Re-edited) Bible (BSI)

⁹ Ikemu kughou kungumi tou Michael no tüghami sasü Moses sükumo kohakishi akeno, pa ye küthaküghapu tsa pimono ishi pi, “Ampeu no o lomipi nani.”

BAIBEL (BSI)

⁹ Ikemu kungumi gholo atou Mikhael ghi tishi chemoe. Pano Muse sukumo ghenguno tughami sasu kohakishi kelo thaighakeu tsa pipuku nikeu musa ighuno ishi pike, “Ampeu no olomi piani.”

Sümi Tiqhelimi Bible

⁹ Ikemu kungumi gholo atou Michael kutólo kughou pa no Moses sükumo ghenguno tüghami sasü kütsala akeno, pa ye tüghami no pipütha ke ghenguno pa likhi pa kiléqhi nikeu akumto shimoe ikemu, “Ampeu no O lomipi nani!” ipi ke.

Jude 1:9 Iomraidhean Croise

YEKIKITHI ATUGHIU 12:17

David no panoqo sholu nike khalau ipeghi no pi, “Nongu no aküsami kiqi lono I kuphu niye ighi aghi aye, I mlo ye nongu gholo ani; ikemu I küghape I ghümi lau thechu niye aghi aye, I u pesü nongu shou bemo namu, ni puasü Lhou no nongu sakiyi nani.”

IPEKULU 22:28

“No ye Alhou thaigha moni, momu now timi sakiphemi ghusho moni.

DANIEL 10:13

Persia kükaqha kükapuu no atsala muku lakhi I lakhape ngove, ikemu Michael, kükapumi gholo atou no I kuphuni ye ighi, kughengu ni ye tilau Persia kükamiqo gholo qhiveke,

DANIEL 10:21

Ikemu kuchou kaku lo kiu yepüani keno I no o vilo pini: Michael, ow kükapuu likhino kumo aye hipaqo gholo I kuphuni kemi lakhimu kühae.”

DANIEL 12:1

“Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

ZEKHARIA 3:2

Ampeu no Satan vilo pi, “Ampeu no o lomipi ani, O Satan! Jerusalem kisheluve keu Ampeu no o lomipi ani! Hi ye ami lono püxü phelu keu misüke kumo?”

Mark 15:29

Khunoqo ti kathawu keno panongu no pa thaigha ghi akütsü küngü tsüno pi, “Aha! No achineki kütsave no atsala küthü lono shiqhe kitheni küau,

ZAKINIU 34:6

Ampeu no Moab khila lo Beth-peor ghüngü lo pa qhove, ikemu ishi kutolo khunomu pa kumo kuqho-a mtsümishei mthae.

1 Thes. 4:16

Kughengu Ampeu ampi no kungugha lono iqighi nani, tile azakütsü ghügha anani, kungumi atou sütsa chilu nani, Alhou fuko igha nani, eno Khristo laumi shi thive kemi paghino ithughi nani.

1 Peter 3:9

Alhoksa pesü alhoksa lochile kevi, momu pipütha keu pesü pipütha kevilo, tipa züqhulo, kümghatsü kilelo, kughengu nongu ye hipau lo kuluvae, tishikeu lono nongu pelo kükümgha ithulu peniye ke.

2 Peter 2:11

ikelo kungumi ye hipaqo nguno shishe akumtou eno akughushuu keghi panongu ye Ampeu zülo thaigha keu tsa pichemoe.

Piyeküsü 12:7

Ikelo kungugha lo aghükishi ipeghive, Michael ngo paw kungumiqo no dragon sasü küpüghü. Dragon ghi paw kungumiqo sasü mjochile,