Jude 1:4 - Sumi Naga CL (Re-edited) Bible (BSI)

⁴ Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

BAIBEL (BSI)

⁴ Kughengu khunomu mthano akelono Alhou lau amlo tsuchemokemi khamino tuqhouno ningu gholo iloghivae. Timi hipaqoye niLhou wu kukumgha tsape ghili tuchighi pesu pano shi aji lhoksa puloulo suve ani eno niMpeu ni Kukutsuu ye Jisu Khristo likhike pa hakha anie. Highenguno timi hipaqo Alhou no peve nikeu shi khaghino amichi shipe qhivae.

Sümi Tiqhelimi Bible

⁴ Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.

Jude 1:4 Iomraidhean Croise

SAMUEL AKINIU 22:5

“Kughengu akithi zükukucho no I süho luve, kütsakungo keu zükuqo no I shou ikughie;

LESHELE 1:1

Khunono kixikilami mijekütsü lo cheche moni, axinemi laghi lo puthughomo eno thoküghami lakhü lo iqa moni keno pano ye akümghapue;

LESHELE 62:2

Pa likhi no I tuqu eno I xakuluu, I liwo; ni ye ithave monani.

MATTHEW 13:25

Akümlami no züake lono aghümi no alupi pewo aghibo gholo yisüve no wuve.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 15:24

Ningu gholo khami no nino azah tsümo keghi wuno atsa hami pesü nongu pünaqhi eno kütakihi anie pi nino chilue.

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

Galatiami 5:13

Kughengu athiküzümiqo, nongu ye kuqhopheve keu küxü lo kuluvae. Ikemu nongu no ililaive keu dokivi pesü ashi pulou shi kevilo, ikemu kikimiye lono lakhino lakhi huthu kilelo.

Ephesiami 4:14

tishianguno ningu ye itikütüpa ghi pishikiqhi külü, amqükini, mqümgha kukughu jeli hipaqo mülhü no ningu fusasü izüichoi azüu huju eno athiu woju monani.

1 Tim. 5:8

Ikemu khuu no abolomi tucho moni keno, eno akhotoshi pa kibolomi tucho moni keno, pa ye aküpülü phevae eno pülümokemi nguno alhoksau ke.

2 Tim. 2:12

nino puqhekulu shi aye, ningu ghi pa gholo ka nani; nino pa milive aye, pa ghi ningu milive nani;

2 Tim. 3:6

Hipaqo gholo khami ye mqümgha shi akiqo lo ilo no, miqemlei kemi totimi, axine makho no qaqhipe akeqo, alaghi jeli lono minemighei keu pesü zü sawuve cheni,

1 Peter 2:16

Kuqhopheve kemi toi xülo, ikemu Alhou qemi toi xüni thono ililaive keu pepimi pe alhoksa shi kevilo.

1 Peter 2:8

eno “Apukhu küpsüpu tuqu, ghüzave kepu tuqu lakhi ke.” Panongu no Atsa hebide ke ghenguno küpxalu cheni, kughengu pano ghenguno ti ye aza polo kighini shive aghike.

1 Peter 4:18

Eno “Amikuchomi ghi akushukulu xalu kepu shi aye, Alhou kümthami eno axinemi ye kiu shive nani kea?”

2 Peter 2:10

eno ti ye akhotoshi khunono pano shiaji lo ngosükümla kükümsü pape no yepemi jukünatha cheni keno tipaqo pi ani. Msaighümo mithe panoqo no amlo kumto eno aqheküza shi ajuküvüpu lo akemi thaigha cheni,

2 Peter 2:7

eno tsala Pa no kixikilamiw pitipüza keu kümla lono amikuchou Lot xaphelu püaghi aye

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

1 John 2:22

Tishiaye, khuu no Jisü ye Messiah ipikeu milive cheni keno, timi tipau no akimkiu thono khuu no kea? Khuu no Apu eno Anu milive cheni keno, pau no kichileu Khristo ke.

Jude 1:15

eno Alhou kümthami no Alhou sümo keu kümla shi püakeu kümtsü shou küghathabe nani, Alhou kümthami axinemi no Alhou shou alhoksa tsa pipuku keu kümtsü pesü panoqo shou küghatha puku nani.”

Jude 1:18

Panongu no nongu vilo pi ke, “Ashekha tsala loye jukünatha kemi ipeghi no Alhou sümo keu ngosükümla lhoaye pape nani.”

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”