Jude 1:25 - Sumi Naga CL (Re-edited) Bible (BSI)

²⁵ ni Mpeu Jisü Khristo vecheo, ni xakuluu Alhou lau ajuküvü, kükanguagha, ayekipe, eno kükagha, khaghi wovekeu lono itehi eno alholo ache pelo. Amen.

BAIBEL (BSI)

²⁵ ni Mpeu Jisu Khristo vechewo niXakuluu eno pa likhino Alhou ke, pa lau akimthe jekipi, akughushu, akuka eno ayehkipe, khaghi wovekeu lono itehi kuto eno alhokupuju lono alhokupuju kuto apelo! Amen.

Sümi Tiqhelimi Bible

²⁵ ningu Mpeu Jisü Khristo vechewo ningu Lhou ningu Xakuluu lau ajekipi, akughushu, aküka eno ayekipe, wove keu tiqheli kümtsü züu, itehi eno alhokupuju kutólo apeniu! Amen.

Jude 1:25 Iomraidhean Croise

YEKIKITHI ATUGHIU 29:11

Aküka kumto kuloghi, ajuküvü, tokulu, akükanguagha ye Ow ke, O Ampeu, kughengu atsütsü eno ayeghi lo akeu thime kümtsü Ow ke. Ayekipe ghi Ow, eno O pesü kümtsü shou yepeu shiküzüe.

LESHELE 104:24

O Ampeu, O kümlaqo ye ta khijehi kelae! Alokütsü lono Nono tipaqo kümtsü mlake; ayeghiqha ye Ow lhoxüqo no chhitoi ani.

LESHELE 147:5

Ampeu ye kije, eno akughushu küka ani; Paw vethakulu ye mighi khamlae.

LESHELE 78:20

Pa no atuqu hepho kelo azü no qoipeghi eno aghokiti zü qole ipeghie. Pa ye ashopa momu Paw timi ghenguno ashi tsülu nani keshea?”

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 45:21

Sheshu no no chipiu tsa pilo; panongu dolo kighinikile pelo! Khuu no asheazü shi pikea? Khuu no khaghino sheshu kea? Ti ye Ni Ampeu noke kumo? I nguno alhou kütau kühae; I nguno amikucho Lhou eno Xakuluu khumu kühae.

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

Luke 1:47

eno I ghungu no Alhou I Xakuluu lau alovi ani,

John 4:22

Nongu no kiu mlla cheni keno nongu ye mthae, ikemu ningu ye nino mlla chekeu ithi ani, kughengu xakulupu ye Jewmi launo ke.

John 5:44

Nongu no lakhino lakhi launo akishe kütsü lucheni, ikemu Alhou khuu Pa likhi keno, Pa launo ighikeu shekiqhe ye phumoke kishino pülü luni kea?

Rommi 11:33

O, Alhouw küakini eno Pa lokütsü ngo akighithi ye kishi kuthoküzü kela! Paw xaküthaqo eno Pa kümlaqo ye kiu toi lheilo tokümlapu kelae!

Rommi 11:36

Kughengu thokha kümtsü Pa launo eno Pa vecheo ighi, eno Pa lau anie. Pülhapuju Pa lau akimthe jekipi apelo, Amen.

Rommi 16:27

Khuu likhino alokütsü Lhou keno, Jisü Khristo vecheo pülhapuju lo ajuküvü Pa lau apeniu! Amen.

Ephesiami 1:8

Pa no alokütsü ngo kuthoküzü kighithi gholono ningu shou küpükini lepuku tsüno

Ephesiami 3:10

tishianguno akukuhou vecheo Alhou lokütsü, thokha kümtsü lo aghola kütüta lono pephe chekeu, pesü itehi ye kungulo yepemi eno aküka kumtomi lau kilethi tsüniye ke.

Ephesiami 3:21

tiqheli kümtsü lo ashekha-aghile küha akukuhou vecheo eno Khristo Jisü gholono Pa lau ajekipi apelo! Amen.

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

1 Tim. 2:3

Hi no aloe eno ni xakuluu Alhou pulou ke,

Titus 2:10

küzükugho shimono aküpülü kivi piyelu masae, tishianguno panongu no thokha lo Alhou ni Xakuluu külütsa jukighilepu shitsü nani.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

Titus 3:4

Ikemu kughou ni Xakuluu Alhouw akivi eno iqemokeu kikimiye ipeghi keno,

IBRIMI 13:8

Jisü Khristo ye ighi, ishi eno alholo aphiphie.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

Piyeküsü 1:6

Pa Lhou eno Apu huthu peniye ningu pesü achinemi kükaqha lakhi toi shitsü keno, Pa lau alholo eno pülhapuju ajekipi eno aküka apelo. Amen.