Jude 1:16 - Sumi Naga CL (Re-edited) Bible (BSI)

¹⁶ Hipaqo ye nhenheshi eno aghaqimla chekemi, pano xine pulou pape chekemi; aqheküza tsa zale eno pano lapu shiniye akumou lono kütami sheqhe chekemi ke.

BAIBEL (BSI)

¹⁶ Timi hipaqoye muchhochekemi, akuxulo aghaqimlakemi, alhoksapulo ngosukumlalo xu acheni, pano likhi pano qhekuza tsa zalekemi, panolah phunike ghenguno alatsa timi vilo picheni.

Sümi Tiqhelimi Bible

¹⁶ Timi hipaqo ye nhenheshi chekemi eno akipimí phu chekemiqo ke; panongu ye panongu likhi panonguw küsakügha kükümsüqo pape cheni ke; panongu ye pano likhi pano jupe qheza cheni eno panongu ye pano kivipu ghenguno kütamiqo sheqhe cheni.

Jude 1:16 Iomraidhean Croise

JOB 32:21

Ni ye khuu gimu jumo momu akumou lono akishe tsümo nani.

JOB 34:19

yepemi lau mu agiju chemo, momu kumlhomi nguno alau kinimiu kihi chemoe, kughengu panongu kümtsü Pa u lo kümla ke.

LESHELE 106:25

Panongu no pano phiki lono muchho, eno Ampeu tsa gholu moveke.

LESHELE 15:4

pa nhethe lo kixikilami mithi, eno Ampeu sümsa chekemi qhoqhü gihu cheni; khunono pa ampi ghüzave namu pa no piqhikeu iqeve chemo;

LESHELE 17:10

Panongu ye kikimiye lono pano mlo khathavae; pano kichi lono panongu no aqheküza shi picheni.

LESHELE 73:8

Panongu no thogha eno axeküsü tsa picheni; tsütsüngoju ghi kütami qhasüni ye shikichi cheni.

AHOLE 28:21

Agikuju ye akivi kumoe ikemu ashopa lakhi ghengu ghi timi ye akumou shive cheni.

ISAIAH 29:24

Izüichoi kemi no vethalu nani, eno muchho munu chekemi no akükütsütsa ikhiluve nani.”

ACHINE 19:15

“Küghaki lo achipi kumo shimoni. Kumlhomi lau agiju no kinimi saphuve moni, ikemu amikucho lono akisüghüu shou xathani.

AKIKIHI 14:36

Tileno Moses no ayeghi puju wupe kemi khunoqo no akimki shepe shino aqoaho pelo Moses lau muchho thuvepe keno,

AKIKIHI 16:11

Tighenguno nongu eno nongu papemi no kumqo akeu ye Ampeu shou hebidevae. Aaron ye khu keno pa lau muchho ani kea?”

AKIKIHI 16:41

Ikemu tishiwo thoghiu ye aqoaho kümtsü no Moses ngo Aaron pama shou muchho ghi pi, “Nokujo ye AMPEUw timi pithive tsüae.”

Luke 15:2

Phariseemi ngo Ayezah shikükami no nhenheshi pi thuve, “Timi hipau ye küsaküghami ikhilu no pano sasü chusho chenie.”

Luke 19:7

Kughou timiqo no ti ithulu keno, kümtsü no nhenheshi pi, “Pa ye axinemi kilo ngoniye ilovae.”

Luke 5:30

Phariseemi ngo Ayezah shikükami no Jisü khopemi lau nhenheshi pi, “Kushiye nongu ye zame küqhami ngo axinemi gholo chusho cheni kea?”

John 6:41

Jisü no, “Ni ye kungugha lono iqighi keu sho,” ipike ghenguno Jewmi ye pa küla thuve.

John 6:61

Jisü no pa khopemi ye hi ghenguno nhenheshi akeu ithive no panongu vilo pi, “Hino nongu mlo pünave akeshea?

1 Kor. 10:10

momu muchho kepu kumoe, kughengu panongu khami ye tishi kelono Akithi Ghawu no panongu pithive ke.

Galatiami 5:16

Ikemu I no piani, Aghungu lono chechelo, tishiaye nongu ye ashi lo kimne ghakiqipu shimo nani.

Galatiami 5:24

Khunono Khristo Jisü laumi keno ashi lo kimne eno pitipüza keu jeli kümtsü kros lono yedavae.

ZAKINIU 1:27

Eno nongu no aphiki lono nhenheshi pi, ‘Ampeu no ningu jumithi kehu Egypt lono ni saipeghi no kütsave niye Amorimi u lo süvetsü.

FILIPIAMI 2:14

Thokha lo nhenheshi momu kütsala mono mlalo,

1 Thes. 4:5

Jewkumomi khunono Alhou mtha keno pano toi ngosü kümla shikepu kumoe;

1 Tim. 6:5

eno küqha kümla no timi dolo auve cheni. Timi hipaqo kükümsü ye alau shipüsa kithe eno kuchou huno pano launo küsüve kehu, Alhou sükümsa küxü vecheo kinimi shilu nani küghashi cheni.

2 Tim. 4:3

Kughengu timi no kuchou shiküka lumoni keu ghuloki cheni, ikemu mthomzai keu kini xapu panongu gho-apulou shipenishi kelauno panongu no ini nishi akeu likhi pipeni kemi shikükami sawo qhinani,

1 Peter 1:14

Aghokulu tianuli akehu khaghi nongu yekümtha lo pitipüza keu lhoaye hawuve kevilo,

1 Peter 2:11

Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.

1 Peter 4:2

tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.

2 Peter 2:10

eno ti ye akhotoshi khunono pano shiaji lo ngosükümla kükümsü pape no yepemi jukünatha cheni keno tipaqo pi ani. Msaighümo mithe panoqo no amlo kumto eno aqheküza shi ajuküvüpu lo akemi thaigha cheni,

2 Peter 2:18

Kughengu mbomzüshi ighale atsa pikeu lono panongu no ashi lo ngosükümla xine pesü alhoksami launo pokaluni ke akushukulu ipeche keqo müsü sailove cheni.

2 Peter 3:3

atüghüshi, ashekha tsala loye küthaküghami no ngosükümla xine pape ghi thaigha ighi nani.

Jude 1:15

eno Alhou kümthami no Alhou sümo keu kümla shi püakeu kümtsü shou küghathabe nani, Alhou kümthami axinemi no Alhou shou alhoksa tsa pipuku keu kümtsü pesü panoqo shou küghatha puku nani.”

Jude 1:18

Panongu no nongu vilo pi ke, “Ashekha tsala loye jukünatha kemi ipeghi no Alhou sümo keu ngosükümla lhoaye pape nani.”