Jude 1:15 - Sumi Naga CL (Re-edited) Bible (BSI)

¹⁵ eno Alhou kümthami no Alhou sümo keu kümla shi püakeu kümtsü shou küghathabe nani, Alhou kümthami axinemi no Alhou shou alhoksa tsa pipuku keu kümtsü pesü panoqo shou küghatha puku nani.”

BAIBEL (BSI)

¹⁵ kumtsu shou kughathabe nani, eno panonguno Alhou sumokeu kumla khijehi shipuani keno eno Alhou sumokemi axinemino pa shou alhoksa tsa pikeu kumtsu pesu panoqo shou kughabepuku nani!”

Sümi Tiqhelimi Bible

¹⁵ kümtsü shou küghathabe niye cheni, tiye panongu lhou kümtha vechewo alhou kümtha kümlà küxü ghenguno panongu kümtsü akipimí tsü niye, eno alhou mtha kemi axinemiqo no pa lau lakichile tsa pikeu ghenguno ke.”

Jude 1:15 Iomraidhean Croise

LESHELE 139:20

Panongu no mqümgha kimji lono O lachile atsa pike; O ghümi no ameküküha lono O je peitha ke.

LESHELE 149:9

pano shou yepüakeu küghakütha süghi peniye ke! Hi ye Paw küpülümi kümtsü ghenguno agigihu ke. Ampeu sheqhelo!

LESHELE 31:18

Kimkimi kichi no jukünatha ghi amikuchomi thogha eno aqheküza shi atsa pichekeu pimlave pelo.

LESHELE 37:6

Pa no o mikucho pesü aküvü toi yepüvü tsü nani, eno o chipiu pesü puchomghü toive tsü nani.

LESHELE 73:9

Panongu no akichi xükhope kungugha pipüsa, eno pano mili no ayeghiqha kuchopu itsü acheni.

LESHELE 94:4

Panongu no pano qheküza tsa piqhi; kixikilami kümtsü no qhezae.

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

IPEKULU 16:8

Moses no pi, “Ampeu no nongu pelo chu penike avelau no ashi tsü nani eno inaqhe no asho pesü nongu ghapiqi tsü nani, kughengu nongu no muchho akeu ye Ampeu shou muchho ani kepi Pa no nongu kumchho chiluvae—nikujo ye kiu kea? Nongu kumchho ye nikujo shou kumoe, ikemu Ampeu shou ke.”

YETSAPIU 11:9

O lhothemi, o lhothe lono alovi alo, o lhothe tsala lo o mlo no o lopivitsü apelo. O mlo eno o nhethi no o sache pelo. Ikemu hi kümtsü pesü Alhou no o shou küghathabe nani kepi ithilo.

YETSAPIU 12:14

Kughengu akivi na aküsa namu timi kümla kümtsü, tuqhou no mla püakeqo ghi, Alhou no küghakütha lo süghi nani.

EZEKEL 35:13

Nongu kichi pesü nongu no I lachile ghi nongu sheqhe, eno I lachile ghi nongu tsa küghüsü ke; I no chiluvae.

DANIEL 11:36

“Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.

DANIEL 7:20

eno tipau kütsü lo akibo chighi xapu akeu ngo akibo kütau ipeghi kelo tipau zülo akibo küthü akeu no ikiqive keu, akibo khipau lo anhethi akeno eno akichi lono aqheküza tsa pi akeno, tipau ye pa lojimi nguno akijeu shi ithulu akehu tüghashi tipau ghili I no ithiveni shi ae.

John 5:27

Pa no Anu pelo küghatha penike kükagha tsüvae, kughengu pa ye Timi Nu ke.

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

Rommi 14:10

Kushiye o thiküzümi shou küghathabe cheni kea? Momu no ye kushiye o thiküzümi jukünatha cheni kea? Kughengu ningu ye kümtsü Alhouw küghakütha lakhü zülo puthughoni aphie;

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

1 Kor. 5:13

Ashoumi ye Alhou no küghathabe nani. “Küsaküghami ye nongu gholono haphevelo.”

1 Tim. 1:9

Hi vethalu no ayezah ye timi süchomi ghenguno mla püamoe ikemu ayezah heküxami eno hekibidemi, Alhou kümthami eno axine shiche kemi, mithemo kemi eno achineye thaigha chekemi, apuaza heqhi kemi, timi heqhi-buqhi kemi,

Jude 1:16

Hipaqo ye nhenheshi eno aghaqimla chekemi, pano xine pulou pape chekemi; aqheküza tsa zale eno pano lapu shiniye akumou lono kütami sheqhe chekemi ke.

Piyeküsü 13:11

Tileno ambeti toi akibo kini eno dragon toi atsa pikeu tüghashi kütau ayeghi lono ipe cheghi keu I no ithulu.

Piyeküsü 22:20

Khuu no thime hipaqo pesü thebei sheshu ani keno, Pa no piani, “Mtsüqheino Ni ye kighithe cheni.” Amen. Ighilo, Ampeu Jisü!

SAMUEL ATUGHIU 2:3

Aqheküza shi atsa pi akevilo, nongu kichi lo akumchho tsa ipeghipe kevilo; kughengu Ampeu ye akighithi Lhou ke, Pa vecheo akümla kümtsü huju cheni.