Jude 1:12 - Sumi Naga CL (Re-edited) Bible (BSI)

¹² Hipaqo no ighümo no nongu gholo kuposhu kelo nonguw kikimiye ghulhu tichetighepu shivetsü ani, ambekhemi no panongu ampi loji aketoi; tsütsüghu küha keu khüngküsü amülhü no fupe chekeshi; tixi lo axathi pithimo keu sübo, akuhu lono nhüve no thi kitheve ketoi;

BAIBEL (BSI)

¹² Timi hipaqono kujomono kumtsa tsuqukile chekeu huye nowu kuposhukulu ghulhulo tichetighepuke. Panonguye pano likhi pano heju auve ani. Panonguye khungkusu amulhuno fupe chekeuno tsutsughu sughichemo keu toike. Panonguye tuqu tsalalo axathi pithimokeu subo toike, akuhu lono nhuveno abo akuchopu thivekeu subo toike.

Sümi Tiqhelimi Bible

¹² Timi hipaqo ye nonguw kikimiye ghulhuqo lo tichetighepuqo ke, panongu ye kitilamu kujomo no nongu gholo chu cheni—panongu ye ambe khemi khipaqo no panongu likhi panongu lojí cheni keno tipaqo ke. Panongu ye tsütsüghu ghuqhi chemo keu khüngküsü ke, tiye amlhü gholo no fupe wuve cheni; panongu ye tixi süboqo ke, tiye axathi pithímo no nhüve cheni—eno akiniù thi ideve ketoi ke.

Jude 1:12 Iomraidhean Croise

YEKIKITHI AKINIU 7:20

I no I yeghi o tsü püakeu lono o hapheve nani eno aki khikhi I no I je ghenguno shikimthepe püani keno, ti ghi I zülono ikhive nani. Eno hipau pesü küghakiche tsa eno thoküghapu shivetsü nani.

JOB 8:17

Pa kuhu no atuqo küxa luve no qüilo tipaqo dolo xü acheni.

LESHELE 1:3

Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

LESHELE 37:2

Kughengu panongu ye atsaneghu toi paikhavi hauve nani eno atsüni toi ighüive nani.

AHOLE 25:14

Agho tsünie pi atsa qhive no tsümove keu ye tsütsüghu süghimo keu khüngküsü ngo amülhü toike.

EZEKEL 17:9

“Ampeu Alhou no ishi pilopi: Tipau ye thuwulu nani ma? Pa ye tipau kuhu nhüve eno axathi pughothave, tishianguno ti ye thizümüive, eno anipa xüthilei mini ipeche keqo ye thizümüive pemoni keshea? Tipau kuhu lono nhüveni keu ye aküka kumtomi lakhi momu timi kutomo avehupu shimo nani.

EZEKEL 34:10

Ampeu no ishi piani, Julo, Ni ye ambekhemi lachile ani, I no I mbeqo ghenguno panongu launo kihikülai keu khu nani eno panoqo no ambe loji akeu lakhave nani. Ambekhemi ye pano lojilu moae. I no panoqo kichi lono I mbeqo xaphe luve nani, tishino panoqo chuqupu shipe move nani.

EZEKEL 34:18

Atsüni kümtsha-a kivi lono loji akeu ye nongu ghenguno aghaqi move kesheno apukhu pesü nongu tsüni kümtsha-a qodave; eno azü kütsüghü ye akeu ye aghaqi move kesheno apukhu pesü azü qhoi shipuqo masave keshea?

EZEKEL 34:2

“Timi nu, Israel lo ambekhemi shou tungkuptsa pilo: panoqo vilo tungkuptsa pilo, ambekhemi vilo pilo, Ampeu Alhou no ishi piani: Ya, Israel lo ambekhemi ye nongu ampi loji auvae! Ambekhemi ye ambe loji kepu ke kumo keshea?

EZEKEL 34:8

I no xüake toi, Ampeu Alhou no asheshu, mtsüqheino I mbeqo ye tsüqhi chuniye shivae, I mbeqo ye tüghashiqo chuqupu shivae, kughengu ambekhemi khumu kühavae, eno I mbekhemi no I mbeqo phusaghi movae, ikemu ambekhemi ye pano ampi likhi loji auvae, eno I mbeqo loji movae,

HOSIYA 6:4

Ni ye o pesü kiu shiveni kea, O Ephraim? Ni ye o pesü kiu shiveni kea, O Judah? Nonguw kikimiye ye inaqhe kimhi toi, itheno hauve keu tsüzü toike.

ACHINE 14:43

“Atu ikhive no kixilepe akithe nudave kethiu ghi akughumho ipeghi aye,

MATTHEW 13:6

ikemu kughou khetsünhe ipeghi keno, tipaqo ye püghaqhive. Eno akuhu qüsümo keke tipaqo ye thizümüi hailove.

MATTHEW 15:13

Pa no khochile, “I Pu kungugha lo akeu no shosümo keu sübo thaqhü nhüve nani.

Mark 4:6

Ikemu kughou khetsünhe no mkamghai ipeghi keno tipaqo ye aloqhi phuqhive, eno akuhu qüsü moke ghenguno thizümüi hailove.

Luke 12:45

Ikemu ti aqeu no pa mlouno, ‘I mpeu ye ighini keu kumnu auvae,’ ipi no aqemi ngo aqelimi peitha püsa thuve, eno aghulhu shino shomzü auve aye,

Luke 16:19

“Kinimi lakhi acheke pa ye hughai eno phepheike phimini pepu, eno tsalakipe achuqupu kivi tule-pele chusho che.

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

Luke 8:6

Hami no atuqu shou vepukulu, tino thuikughi kelo thoni-tsanyi ke-a lo kumo kehu thizümüi ilove.

Ephesiami 4:14

tishianguno ningu ye itikütüpa ghi pishikiqhi külü, amqükini, mqümgha kukughu jeli hipaqo mülhü no ningu fusasü izüichoi azüu huju eno athiu woju monani.

FILIPIAMI 3:19

Panongu ye kütsakungo keu no asheho nani, panongu kive huno pano lhou, eno ayeghi lo thime shou kümsü puku anipi panongu ye akukujopu pesü akijivile cheni.

1 Tim. 5:6

Ikemu chimemi khuu no li küxü kilhekulhu xüni keno, li ye xü aphi lono kithimi shivae.

IBRIMI 13:9

Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.

James 5:5

Nongu ye ayeghi lo nibonilei eno aghakiqipu shi xüvae. Ghiqhini keu tsala ghenguno nongu ye atha pubeyivae.