JOYIL 2:3 - Sumi Naga CL (Re-edited) Bible (BSI)

³ Ami no panoqo züuno piti eno ami mili no pano thiuno iqü. Panoqo zülo ayeghi ye Eden ghutu toi ikemu pano thiu ye küghüküghaleike sayeqha toi kiunomu tipaqo zülo povemlae.

BAIBEL (BSI)

³ Ami toi tipaqono asutsuni chuve. Tipaqo zulo ayeghiye Eden ghutu toike, ikemu tipaqo thiu juaye asayeqha toi thoqhaleike. Kiunomu tipaqo zulo pokaumlake.

JOYIL 2:3 Iomraidhean Croise

BOTHUBO 13:10

Lot no pa nhethi tsüpuku no Jordan Khila huye azünihoi Ampeu ghutu toi, Zoar küdau Egypt yeghi toi aghikeu ithulu. (Hi ye Ampeu no Sodom ngo Gomorrah kütsa mphi züuke.)

BOTHUBO 2:8

Ampeu Alhou no kipelau Eden lo aghutu lakhi qhitsüno Pa no timi khuu lhophe keno tile qhive.

LESHELE 50:3

Ni Lhou cheni; Pa ye inaqhoi ngove chemoe; pitipüha chekeu mi no Pa zülo ani, pasapagha kumto no pa homxape ani.

LESHELE 97:3

Ami no Pa züu shino Pa sümxape akeqo aghümi kümtsü pitiqhi cheni.

IPEKULU 10:15

Tipaqo no ayeghi kümtsü nhachhive, ikehu tipa yeghi ye zümoive, eno ayeghi lo mürasü no achili shi qhive keu sütsüni eno axathibo kümtsü tipaqo no külhü chukhave. Egypt yeghi lo aluza lo asübo momu atsüni kiumu qhitsü move.

IPEKULU 10:5

eno tipaqo no ayeghi nhachhive nani, tishikeu lono khunomu ayeghi ithumlave nani. Eno mürasü no kiu achili qhive keno tipaqo no chukhave nani, tipaqo no aluza lo thuipeghi akeu sübo külhü chukhave nani,

ISAIAH 14:17

Ayeghiqha pesü asayeqha toive, aphughiqo kütsa, eno akughumi phepuwo chemo keu ye pa keshea?’

ISAIAH 15:6

Nimrim ghoki no qhaivae; atsaneghu, asütsüni no thi ilovae, khilehimu atsüni küxü kühavae.

ISAIAH 33:4

eno tülhaqu no külhü chuve keshi pano küakini hakholuve tsü nani.

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ISAIAH 9:18

Kughengu kixikila ye ami toi iqü cheni, tino aghüsahubo qhoi pitive cheni, tino aghasüli mühasü kunguu phochighi ikuve cheni.

ISAIAH 9:19

Aqokitikhi MPEU loghu no ayeghi pitivae, süküghüpu sü toi timiqo piti ani, eno khumu khuu püxülu amovae.

JEREMIYA 5:17

Panongu no nongu chuqupu chukhave tsü nani; no pu-angaqo kütsave tsü nani; no mishi eno ane chuve tsü nani; no tsaibo eno mubuthi chukhave tsü nani; nongu no pükhübe chekeu aliwo kumto phughiqo azütakikihi no kütsave tsü nani.”

EZEKEL 36:35

Eno panongu no pi nani, ‘Ayeghi hipau küghüküghalei achekeu ye Eden ghutu toivae, eno kütsave keu, ixapinyi shipüsape akeu mishighünaqo ye itehi ye kümtsü shiqhevae eno küghüna luvae.’

AMUS 7:4

Ampeu Alhou no kiu I piye keno hike: julo, Ampeu Alhou no ami pesü küghakütha shiniye kusü ae, eno ami no akuthoku kije eno ayeghiqha pitile ae.

HABAKUK 1:6

Kughengu julo, hu kukhukimji eno ngosükümla shiye Chaldeami I no puthu ani, panongu ye panow kumomu süxa luveni ye ayeghiqha xü cheni.

ZEKHARIA 7:14

“I no miyitsü lono panongu pesü pano no mthakeu shiyeqo dolo kutholeve ke. Ikehu panongu no qhive keu yeghi ye küghüküghaleive, tishikeu lono khunomu tile nesü move, eno aghüche kivi yeghi ye küghüküghaleive.”